ورال قالاسىندا سوڭعى تٶرت كٷندە 235 ادامنىڭ كوروناۆيرۋس جۇقتىرعانى تٸركەلدٸ, دەپ حابارلايدى "ۇلت اقپارات".
بقو سانيتارلىق-ەپيدەميولوگييالىق باقىلاۋ دەپارتامەنتٸ مەلٸم ەتكەنٸندەي, ٸندەت سونداي-اق بٶرلٸ, بەيتەرەك اۋداندارىندا ٶرشٸپ تۇر.
اتاپ ايتقاندا, 4-7 سەۋٸر ارالىعىندا بٶرلٸدە 81, بەيتەرەكتە 41 ادامنىڭ دەرتكە شالدىققانى انىقتالدى. سول سەكٸلدٸ شىڭعىرلاۋدا 19, تەرەكتٸدە 15, قازتالوۆتا 15, تاسقالادا 10 ادامنىڭ سىرقاتتانعانى بەلگٸلٸ بولدى.
وبلىستا سوڭعى تٶرت كٷندە 429 ادام تٸركەلسە, سونىڭ 243-ٸ جرۆي بەلگٸلەرٸمەن قارالعاندا, 99-ى بۇرىن اۋىرعاندارمەن قارىم-قاتىناستا بولعاننان كەيٸن, 83-ٸ پروفيلاكتيكالىق ماقساتتا, تٶرتەۋٸ ستاتسيونارعا جاتقىزار الدىندا تەكسەرٸلگەندە انىقتالدى.
ٸندەت باستالعاننان بەرٸ ٶڭٸردە اۋىرعاندار سانى 15900-گە جەتسە, سونىڭ 12763-ٸ جازىلىپ شىقتى. 249 ادام كٶز جۇمدى.
