ورال قالاسىندا ەلەۋمەتتٸك وسال توپقا جاتاتىن 200-گە جۋىق ادامدى باسپانا كەزەگٸنەن نەگٸزسٸز شىعارىپ تاستاعان. ال ولارعا تيەسٸلٸ پەتەرلەردٸ باسقالارعا بەرگەن, دەپ حابارلايدى Sputnik قازاقستان اگەنتتٸگٸ Astana TV ارناسىنا سٸلتەمە جاساپ.
باتىس قازاقستان وبلىسى بويىنشا سىبايلاس جەمقورلىققا قارسى قىزمەتتٸڭ باسقارما باسشىسىنىڭ ورىنباسارى ەلييا دەنيزباەۆانىڭ ايتۋىنشا, كەزەكتەن شىعارىلعان جٷزدەگەن ادامنىڭ ٸشٸندە جەتٸم بالالار, كٶپبالالى وتباسىلار, تولىق ەمەس وتباسىلار جەنە تاعى باسقا ەلەۋمەتتٸك وسال توپتار بار.
"قازٸرگٸ كەزدە كەزەكتەن شىعارىلعان بارلىق ازاماتتىڭ كەزەگٸن قالىپقا كەلتٸرۋ بويىنشا تيٸستٸ شارالار قابىلداندى. مەملەكەتتٸك ورگاندارعا تيٸستٸ ۇسىنىمدار بەرٸلدٸ. ولاردىڭ نەتيجەسٸ بويىنشا ناقتى شارالار قابىلداندى", - دەيدٸ دەنيزباەۆا.
شەنەۋنٸكتەردٸڭ شاراپاتىنا كەنەلٸپ, كەزەكتەن تىس ٷي العان 169 ادامنىڭ كٸم ەكەنٸ بەلگٸسٸز. سىبايلاس جەمقورلىققا قارسى قىزمەتتٸڭ مەلٸمەتٸنە سەيكەس, پەتەرگە مۇقتاج ەمەس تاعى 247 ادامعا باسپانا بەرٸلگەن. ال وبلىستا 1800 جەتٸم ٷمٸتٸن ٷزبەي, ٷي كەزەگٸن كٷتٸپ جٷر. ولاردىڭ ٸشٸندە ەسەل انتاەۆا دا بار. ول قۋىقتاي بٶلمەدە ٷش بالاسىمەن ون بٸر جىلدان بەرٸ تۇرادى. سول كەزدە باسپانا كەزەگٸنە 597-بولىپ تٸركەلگەن. قازٸر 170-ورىندا تۇر.
"بٸز قالا ەكٸمٸنە دە, ورىنباسارلارىنا دا باردىق. تۇرىپ جاتقان پەتەرٸمٸزدە جاعداي جاسالماعان, جۋىناتىن جەر جوق. كٶرٸپ وتىرسىز عوي, قىزىم وسى جەردە تاماق ٸشٸپ, وسى جەردە ساباعىنا دايىندالادى. بٸزدٸڭ بٶلمەگە كٷن تٷسپەيدٸ, سىزدان بالام جٶتەلٸپ, اۋىرادى. قىزىمنىڭ بٷكٸل كٸتابى سۋ بولادى", - دەيدٸ انتاەۆا.
بالالار ٷيٸنٸڭ تٷلەكتەرٸ "شاڭىراق" جاسٶسپٸرٸمدەر ٷيٸندە 23-كە دەيٸن تۇرا الادى. بٸراق كٶبٸنٸڭ جاسى ەلدەقاشان اسىپ كەتكەن, اراسىندا تٸپتٸ 50-دٸ ەڭسەرگەندەرٸ بار. ٶيتكەنٸ ولاردىڭ باراتىن باسقا جەرٸ جوق. سوندىقتان ٷي كەزەگٸن ونداعان جىل كٷتۋگە مەجبٷر. بٸراق جەتٸمنٸڭ نەسٸبەسٸنە جارماسقان جەرگٸلٸكتٸ شەنەۋنٸكتەر پەتەردٸ حانتالاپايعا سالعان.
بٸر قىزىعى, ٷيدٸ باسقاعا بەرگەن شەنەۋنٸكتەر تەك تەرتٸپتٸك جازامەن قۇتىلۋى مٷمكٸن.
