ورال قالالىق سوتىندا ورال قالاسى مەملەكەتتٸك كٸرٸستەر باسقارماسىنىڭ بۇرىنعى باسشىسى نۇرلان الحيەۆكە قاتىستى ٷكٸم شىقتى, دەپ حابارلايدى "ۇلت اقپارات".
بقو سوتىنىڭ باسپاسٶز قىزمەتٸنەن تٷسكەن مەلٸمەتكە قاراعاندا, ن.الحيەۆ قر قك 366-بابى 2-بٶلٸگٸنە سەيكەس ايىپتى دەپ تانىلىپ, وعان پارانىڭ 55 ەسەلەنگەن كٶلەمٸندە, ياعني 23 ملن 650 مىڭ تەڭگە كٶلەمٸندە ايىپپۇل سالىندى.
ول سونىمەن قاتار مەملەكەتتٸك قىزمەتتە, سوتتا, جەرگٸلٸكتٸ ٶزٸن-ٶزٸ باسقارۋ ورگاندارىندا قىزمەت اتقارۋ قۇقىعىنان ٶمٸر بويىنا ايىرىلدى.
سوت تالقىسىندا مەلٸم بولعانىنداي, بيىلعى 18 قاڭتاردا قر قارجى مينيسترلٸگٸ مەملەكەتتٸك كٸرٸستەر كوميتەتٸنەن ورال قالاسى مەملەكەتتٸك كٸرٸستەر باسقارماسى مەن «ساۋداەت» جشس-ىنا اتالعان سەرٸكتەستٸككە قاتىستى كامەرالدىق باقىلاۋ نەتيجەلەرٸ بويىنشا انىقتالعان بۇزۋشىلىقتار جٶنٸندە حابارلاما جٸبەرٸلگەن.
ن.الحيەۆ جشس قۇرىلتايشىسى ا.سلەتادان سەرٸكتەستٸكتٸڭ بانكتٸك شوتى بويىنشا شىعىس وپەراتسييالارىن توقتاتۋ جٶنٸندەگٸ شەكتەۋ شارالارىن الىپ تاستاۋ ٷشٸن 1 مىڭ اقش دوللارى كٶلەمٸندە پارا تالاپ ەتكەن. سلەتا سول كٷنٸ 430 مىڭ تەڭگە بەرگەن.
بٸرنەشە كٷن ٶتكەننەن كەيٸن ن.الحيەۆ اتالعان سەرٸكتەستٸكتٸڭ «سلەتا ا.ا.» جەكە كەسٸپكەرلٸگٸنٸڭ 2019-2020 جىلدارداعى ٶنٸم جەتكٸزۋشٸسٸ بولعاندىقتان, شەكتەۋلەردٸ الىپ تاستاۋ ٶزٸن جاۋاپكەرشٸلٸككە تارتۋعا ەكەلٸپ سوعاتىنىن تٷسٸنگەن. ناۋرىز ايىنىڭ ورتاسىندا ول سلەتاعا شەكتەۋلەردٸ الىپ تاستاي المايتىنىن, سوندىقتان 430 مىڭ تەڭگە كٶلەمٸندەگٸ پارانى كەرٸ قايتاراتىنىن ايتقان.
ن.الحيەۆ 16 ناۋرىزدا 1 مىڭ اقش دوللارىن كەرٸ قايتارعاننان كەيٸن بقو بويىنشا سىبايلاس جەمقورلىققا قارسى قىزمەت قىزمەتكەرلەرٸنٸڭ قولىنا تٷسكەن.
سوت ٷكٸمٸ كٷشٸنە ەنگەن جوق.
