بقو قىلمىستىق ٸستەر جٶنٸندەنٸ مامانداندىرىلعان اۋدانارالىق سوتىندا رايىمبەك سەرٸكوۆ, الپامىس نەسٸپقاليەۆ جەنە ايدوس بايانعاليەۆكە قاتىستى ٷكٸم شىقتى, دەپ حابارلايدى "ۇلت اقپارات".
سۋديا شارا زاينۋللينانىڭ مەلٸم ەتكەنٸندەي, ر.سەرٸكوۆ قىلمىستىق كودەكستٸڭ 24-بابى 3-بٶلٸگٸ, 99-بابى 2-بٶلٸگٸ 9-تارماعىمەن (بۇزاقىلىق نيەتپەن ادام ٶلتٸرۋگە وقتالۋ), 293-بابى 3-بٶلٸگٸ 2-تارماعىمەن, 58-بابى 4-بٶلٸگٸمەن (الدىن الا سٶز بايلاسۋ ارقىلى ادامدار توبى بولىپ, ازاماتتارعا كٷش جەنە اتىس قارۋىن قولدانىپ بۇزاقىلىق جاساۋ), 60-باپ نەگٸزٸندە 15 جىل 2 اي مەرزٸمگە باس بوستاندىعىنان ايىرۋ جازاسىن قاۋٸپسٸزدٸگٸ تٶتەنشە قىلمىستىق-اتقارۋ جٷيەسٸ مەكەمەسٸندە ٶتەۋگە سوتتالدى.
ا.نەسٸپقاليەۆ قر قك-نٸڭ 293-بابى 3-بٶلٸگٸ 2-تارماعىمەن (الدىن الا سٶز بايلاسۋ ارقىلى ادامدار توبى بولىپ, ازاماتتارعا كٷش جەنە اتىس قارۋىن قولدانىپ بۇزاقىلىق جاساۋ) ايىپتى دەپ تانىلىپ, 3 جىل 6 ايعا باس بوستاندىعىنان ايىرۋ جازاسىن قاۋٸپسٸزدٸگٸ ورتاشا قىلمىستىق-اتقارۋ جٷيەسٸ مەكەمەسٸندە ٶتەۋگە كەسٸلدٸ.
ا.بايانعاليەۆكە قر قك-نٸڭ 293-بابى 2-بٶلٸگٸ 1-تارماعىنا (الدىن الا سٶز بايلاسۋ ارقىلى ادامدار توبى بولىپ, ازاماتتارعا كٷش قولدانىپ بۇزاقىلىق جاساۋ) سەيكەس 2 جىل 6 ايعا باس بوستاندىعى شەكتەلٸپ, پروباتسييالىق باقىلاۋ ورناتىلدى.
سوت تەرگەۋٸندە انىقتالعانىنداي, ٶتكەن جىلى 20 قازاندا ساعات 21.30 شاماسىندا «بەلوە سولنتسە» مەيرامحاناسى جانىنداعى سايدا سوتتالۋشىلار مەن جەبٸرلەنۋشٸلەر كەزدەسكەن. سول جەردە ا.نەسٸپقاليەۆ مىلتىقپەن ٷش رەت اسپانعا وق اتقاندا, جەبٸرلەنۋشٸلەر جان-جاققا قاشا جٶنەلگەن. ا.نەسٸپقاليەۆ پەن ا.بايانعاليەۆ جەبٸرلەنۋشٸ ش.قۇلجانوۆتى قۋىپ جەتٸپ, سوققىعا جىققان. ال ر.سەرٸكوۆ ا.نەسٸپقاليەۆتەن مىلتىقتى الىپ, تەرگەۋ انىقتاماعان بٸر توپ ادامعا باعىتتاپ, ٷش مەرتە وق اتقان.
سوسىن قاشىپ بارا جاتقان توپتى قۋىپ, «كومپوت» اسحاناسىنىڭ تۇسىندا ادام ٶلتٸرۋ ماقساتىندا جەبٸرلەنۋشٸ ك.ابيتوۆتى بٸر مەرتە اتىپ, ونىڭ سول جاق بٷيٸرٸن جاراقاتتاعان.
ك.ابيتوۆ جاراقاتتانعان كٷيٸ «كومپوت» اسحاناسى ارتىنداعى «پليت سەرۆيس» جشس اۋلاسىنا قاراي قاشقان. ر.سەرٸكوۆ تاعى بٸر مەرتە وق اتقانىمەن, تيگٸزە الماعان. ك.ابيتوۆ كٷزەتشٸنٸڭ بۋدكاسىنا كٸرٸپ, تىعىلعان. ر.سەرٸكوۆ مىلتىعىن تاعى دا وقتاپ, اۋلادان ك.ابيتوۆتٸ ٸزدەگەنٸمەن, تابا الماعان.
سوتتالۋشىلار ا.نەسٸپقاليەۆ پەن ا.بايانعاليەۆ تاعىلعان ايىپتى تولىق مويىندادى. ر.سەرٸكوۆ ٸشٸنارا مويىنداپ, جەبٸرلەنۋشٸنٸ ٶلتٸرۋ ەمەس, قورقىتۋ ماقساتىندا وق اتقانىن مەلٸمدەدٸ.
سوتتالۋشىلاردىڭ كٸنەسٸ ولاردىڭ سوتقا دەيٸنگٸ جەنە سوتتا بەرگەن, سونداي-اق جەبٸرلەنۋشٸلەردٸڭ, كۋەلاردىڭ جاۋابىمەن, وقيعا ورنىن قاراپ تەكسەرۋ حاتتامالارىمەن, سوت-مەديتسينالىق ساراپتاما قورىتىندىلارىمەن, سوت تالقىلاۋىندا قارالعان «پليت سەرۆيس» جشس-نىڭ سىرتىندا ورنالاسقان كامەرانىڭ بەينەتاسپاسى جەنە باسقا دا ٸس ماتەريالدارىمەن دەلەلدەنگەن.
پروكۋروردىڭ تالاپ ارىزى بويىنشا جەبٸرلەنۋشٸ ك.ابيتوۆتٸڭ ستاتسيونارلىق ەمٸنە جۇمسالعان 278 384,24 تەڭگە ر.سەرٸكوۆتەن تولىقتاي ٶندٸرٸلدٸ.
سوت ٷكٸمٸ زاڭدى كٷشٸنە ەنگەن جوق.
