ورال قالاسىندا قايتا جاڭعىرتۋدان ٶتكەن مەنشٷك مەمەتوۆا اتىنداعى حالىقارالىق ەۋەجاي عيماراتى پايدالانۋعا بەرٸلدٸ, دەپ حابارلايدى قازاقپارات.
عيماراتتىڭ اشىلۋ رەسٸمٸنە قاتىسقان وبلىس ەكٸمٸ عالي ەسقاليەۆتٸڭ اتاپ ٶتكەنٸندەي, بيىلعى ناۋرىزدا ٷكٸمەت قاۋلىسىنا سەيكەس ەۋەجايعا كەڭەس وداعىنىڭ باتىرى مەنشٷك مەمەتوۆانىڭ 100 جىلدىعىنا وراي قازاقتىڭ باتىر قىزىنىڭ ەسٸمٸ رەسمي تٷردە بەرٸلدٸ.
«عيمارات زاماناۋي تەحنولوگييالاردى قولدانا وتىرىپ, حالىقارالىق ستاندارتتارعا سەيكەس سالىنعان. قازاقستاننىڭ باتىس قاقپاسى سانالاتىن ورال قالاسىنىڭ ەۋەجاي تەرمينالى ٶڭٸردەگٸ تۋريزمنٸڭ دامۋىنا, جولاۋشىلار اعىنىن ۇلعايتۋعا, جاڭا حالىقارالىق باعىتتاردى اشۋعا, ەۋە كٶلٸكتەرٸ ارقىلى جٷك اينالىمىن ارتتىرۋعا سەرپٸن بەرمەك. ەۋەجاي قۇرىلىسىنا قارجى بٶلگەن «قپو ب.ۆ.» كومپانيياسىنىڭ باس ديرەكتورى دجانكارلو رۋيۋ ٶزٸ دە قۇرىلىسشى بولعاندىقتان, نىسانعا كەلٸپ, اقىل-كەڭەسٸن بەرٸپ تۇردى. قۇرىلىسقا قازاقستاندىق كومپانييالاردىڭ بەلسەنە قاتىسقانىن اتاپ ايتۋ كەرەك. وسى ورايدا باس مەردٸگەر, «KazConstructionGroup» جشس (باس ديرەكتورى مۇراتبەك مۇحامبەديەۆ) ۇجىمىنا, اباتتاندىرۋ جەنە كٶگالداندىرۋ جۇمىستارىنا قولداۋ كٶرسەتكەن جەكە كەسٸپكەر قايرات كەرٸموۆكە العىسىمدى بٸلدٸرگٸم كەلەدٸ», - دەدٸ ٶڭٸر باسشىسى.
قر يندۋسترييا جەنە ينفراقۇرىلىمدىق دامۋ ۆيتسە-مينيسترٸ بەرٸك كاماليەۆ الداعى ۋاقىتتا ەۋەجاي شەتەلدٸك ەۋە كومپانييالارى ۇشاقتارىنىڭ ۇشۋى ٷشٸن «اشىق اسپان» رەجيمٸنە قوسىلاتىنىن, بۇل شەتەلدٸك تۋريستەر اعىنىن ارتتىرۋعا سەپتٸگٸن تيگٸزەتٸنٸن جەتكٸزدٸ.
جوبا قۇنى 6,6 ملرد تەڭگە تۇراتىن حالىقارالىق ەۋەجاي تەرمينالىنىڭ اۋماعى 4 500 شارشى مەتردەن 10 مىڭ شارشى مەترگە دەيٸن ۇلعايتىلعان.
نىساندا جولاۋشىلاردىڭ جٷكتەرٸ مەن ٶزٸن-ٶزٸ تٸركەۋگە ارنالعان قۇرىلعى ورناتىلدى. بۇل ساعاتىنا 80-نەن 400-گە دەيٸن جولاۋشىعا قىزمەت كٶرسەتۋگە مٷمكٸندٸك بەرمەك.
ەۋەجاي ارقىلى جىلىنا 600 مىڭعا دەيٸن جولاۋشى ٶتە الاتىن بولادى. سونداي-اق امستەردام, مەسكەۋ, كيەۆ, ىستانبۇل, سانكت-پەتەربۋرگ, ەبۋ-دابي, اتىراۋ, شىمكەنت باعىتتارىندا جاڭادان رەيستەر اشۋ كٶزدەلگەن.
جاڭا زاماناۋي جٷيە ەنگٸزٸلگەن ەۋەجايدىڭ اۋماعى تولىعىمەن اباتتاندىرىلىپ, جولاۋشىلاردىڭ دەمالىسى مەن تىنىعۋى ٷشٸن ساياباق تا سالىنعان.
اۆتوتۇراق ورىندارىنىڭ سانى 30-دان 120-عا جەتكەن.
سونىمەن قاتار جولاۋشىلاردىڭ كٷتۋ زالىندا انا مەن بالا, مٷگەدەكتەرگە ارنالعان ارنايى بٶلمەلەر جاساقتالعان. ەۋەجاي قۇرىلىسىنا پايدالانىلعان قاجەتتٸ ماتەريالداردىڭ 60 پايىزى – قازاقستاندىق ٶنٸم.
ەۋەجاي ەزٸرگە تەجٸريبەلٸك پايدالانۋ رەجيمٸندە جۇمىس ٸستەيتٸن بولادى. تەجٸريبەلٸك پايدالانۋ كەزەڭٸندە بارلىق جاڭا جابدىقتار بٸر ۋاقىتتا سىنالماق.
