ورال قالاسىندا ەسٸرتكٸلٸك زاتتاردى ساقتادى دەگەن كٷدٸكپەن كوللەدج ستۋدەنتٸ ۇستالدى, دەپ حابارلايدى "ۇلت اقپارات" قر ٸشكٸ ٸستەر مينيسترلٸگٸنە سٸلتەمە جاساپ.
«ونىڭ تۇرعىلىقتى جەرٸن تٸنتۋ بارىسىندا بٶلشەكتەپ سالىنعان «الفا پۆپ» سينتەتيكالىق ەسٸرتكٸ زاتى جەنە گاشيش تابىلدى. ودان ەسٸرتكٸ زاتتارىنان بٶلەك, بٸرنەشە ۇيالى تەلەفون, بانكتٸك كارتالار, ەلەكتروندى تارازى جەنە بۋىپ-تٷيۋگە ارنالعان ماتەريالدار الىندى», - دەدٸ مينيسترلٸكتەن.
تەرگەۋ بارىسىندا بەلگٸلٸ بولعانىنداي ورالدىڭ 19 جاستاعى تۇرعىنى تانىمال مەسسەندجەر ارقىلى ەسٸرتكٸ ساۋداسىن ۇيىمداستىرعان. ساتۋعا ارنالعان ەسٸرتكٸنٸ ينتەرنەت ارقىلى تاپسىرىس بەرٸپ, ونى جٷزبە-جٷز كەزدەسۋدٸ قاجەت ەتپەيتٸن جولمەن الىپ وتىرعان. سودان كەيٸن ەسٸرتكٸنٸ ٶز پەتەرٸندە بٶلٸپ, بۋىپ, بەلگٸلٸ بٸر جەرگە جاسىرىپ كەتۋ ارقىلى تاراتقان.
كٷدٸكتٸنٸڭ تەلەفونىنان ەسٸرتكٸ جاسىرىلعان بارلىق مەكەنجايلار, گەوبەلگٸلەر جەنە فوتولار الىندى. سوڭعى ەكٸ ايدا ورال جەنە اقتٶبە قالالارىندا بارلىعى 50-گە جۋىق جاسىرىلعان ورىن انىقتالعان.
«قر قك-نٸڭ 296-بابى 4-بٶلٸگٸ بويىنشا (ەسٸرتكٸ زاتتاردى, پسيحوتروپتى زاتتاردى ٶتكٸزۋ ماقساتىندا زاڭسىز دايىنداۋ, قايتا ٶڭدەۋ, الۋ, ساقتاۋ, تاسىمالداۋ, جٶنەلتۋ نەمەسە ٶتكٸزۋ) سوتقا دەيٸنگٸ تەرگەۋ باستالدى. قازٸرگٸ ۋاقىتتا ەسٸرتكٸنٸ بەلگٸلٸ بٸر ورىنعا جاسىرىپ كەتۋ فۋنكتسيياسىن جٷزەگە اسىرعان تۇلعالاردى انىقتاۋ, دەلەلدەمەلٸك بازانى بەكٸتۋ جەنە قر قك-نٸڭ 297-بابىنىڭ 4-بٶلٸگٸ بويىنشا (ەسٸرتكٸنٸ ەلەكتروندى اقپاراتتىق رەسۋرستاردى پايدالانۋ ارقىلى ٶتكٸزۋ) جاڭا ايىپ تاعۋ ٷشٸن تەرگەۋ-جەدەل ٸس-شارالارى جٷرگٸزٸلۋدە», - دەدٸ ۆەدومستۆودان.
ەسكە سالا كەتەيٸك, 11 قاڭتاردا ەسٸرتكٸنٸ ەلەكتروندى اقپاراتتىق رەسۋرستاردى پايدالانۋ ارقىلى ٶتكٸزگەنٸ ٷشٸن جاۋاپكەرشٸلٸكتٸ كٶزدەيتٸن قىلمىستىق زاڭاناماداعى ٶزگەرٸستەر كٷشٸنە ەندٸ. ەندٸگٸدە بۇل قىلمىس ٷشٸن مٷلكٸن تەركٸلەۋمەن 10 جىلدان 15 جىلعا دەيٸن باس بوستاندىعىنان ايىرۋ كٶزدەلەدٸ.
