ورالدا كەسٸپكەر قىز-كەلٸنشەكتەر كٶپبالالى انالارعا قولۇشىن سوزدى, دەپ حابارلايدى "ۇلت اقپارات".
«جاسىل ەل» قوزعالىسى وبلىستىق شتابىنىڭ جەتەكشٸسٸ اسلان تاپيشەۆتٸڭ ايتۋىنشا, ەلٸمٸزدە تٶتەنشە جاعداي جارييالانعاننان كەيٸن شتاب جانىنان ۆولونتەرلەر كورپۋسى قۇرىلدى.
ۆولونتەرلەر قاتارىنا «جاسىل ەل» ساربازدارىمەن قاتار ٶزگە ەرٸكتٸلەر دە قوسىلدى. ولار كوروناۆيرۋستىڭ جۇقپالى دەرت ەكەندٸگٸن, ٷيدە وتىرۋ كەرەكتٸگٸن تۇرعىندارعا تٷسٸندٸرٸپ, بروشيۋرالار تاراتتى.
«جۇمىس بارىسىندا بٸر تاڭعالعانىم, بٸر توپ كەسٸپكەر قىز-كەلٸنشەكتەر ٶزدەرٸ حابارلاسىپ, قانداي كٶمەك بەرە الامىز دەدٸ. سٶيتسەك, ەسەمدٸك سالوندارىنىڭ يەلەرٸ ەكەن, كارانتينگە بايلانىستى قىزمەتتەرٸ ۋاقىتشا توقتاپ قالعان. سوعان قاراماستان, بيزنەستەن تاپقان قارجىنى ٶز قاجەتٸمٸزگە جۇمساماي, كٶپ بالالى انالارعا ازىق-تٷلٸكپەن كٶمەكتەسەيٸك دەدٸ. بٸز مۇنى قۇپ الدىق», دەيدٸ اسلان تاپيشەۆ.
وسىلايشا وبلىستىق جاستار ساياساتى مەسەلەلەرٸ باسقارماسىنىڭ قولداۋىمەن ەرٸكتٸلەر تٸزٸمگە سەيكەس ورال مەن قالاعا قاراستى كەنتتەردەگٸ كٶپ بالالى انالارعا كٶمەك بەردٸ.
ەر وتباسىندا جاعداي تٷرلٸشە. كەيبٸرەۋٸندە 4 نەمەسە 6, تٸپتٸ 9 بالاسى بار ٷيلەر بار ەكەن. كٶبٸن جۇبايلارى تاستاپ كەتكەن نەمەسە ٶمٸردەن وزعان. ٶمٸردٸڭ سونداي قيىندىقتارىنا قاراماستان, بالالارىن تەربيەلەپ وتىرعان انالاردىڭ جانكەشتٸ تٸرلٸگٸ كەيٸنگٸ جاستاردى رۋحتاندىرادى.
«سول سەكٸلدٸ جالعىزٸلٸكتٸ قارييالار دا بارشىلىق. ەرينە, ەكٸمدٸك قىزمەتكەرلەرٸ بارلىعىن بٸلەدٸ, قولۇشىن بەرٸپ تە جاتىر. دەگەنمەن ەرٸكتٸ بولعان سوڭ بەرٸن كٶزبەن كٶرٸپ, كٶڭٸلگە تٷيگەنگە نە جەتسٸن! وسىنداي قىسىلتاياڭ كەزدە ەلمەن بٸرگە بولىپ, مۇقتاج ادامدارعا جەردەمدەسۋ – بورىشىمىز», دەدٸ ا.تاپيشەۆ.
بقو جاستارمەن جۇمىس جٶنٸندەگٸ رەسۋرستىق ورتالىعىنىڭ باسشىسى مەيٸربەك نۇركەننٸڭ سٶزٸنە قاراعاندا, 17 ناۋرىز بەن 22 سەۋٸر ارالىعىندا «اقجايىق جاستارى» ۆولونتەرلەرٸ 70 مىڭنان استام كٶپرەتتٸك بەتپەردەنٸ قالا تۇرعىندارىمەن بٸرلەسە تٸگٸپ, ادامدار كٶپ جينالاتىن ورىنداردا تاراتتى.
ەكٸ مىڭنان استام مۇقتاج وتباسىنا ەلەۋمەتتٸك كٶمەك سەبەتٸ (ازىق-تٷلٸككە قوسا گيگيەنالىق, شارۋاشىلىق تاۋارلارى, تاعى باسقا زاتتار) جەتكٸزٸلدٸ.
تٶتەنشە جاعداي جارييالانعان كەزدە باستاپقىدا ەرٸكتٸلەر سانى 400-دەن اسسا, كارانتين ەنگٸزٸلگەننەن كەيٸن ولاردىڭ سانى قىسقاردى. قازٸرگٸ تاڭدا كٶمەك قولىن سوزىپ جٷرگەن 50 ۆولونتەردٸڭ بارلىعى كٶلٸكپەن قامتىلعان.
«اۋدان ورتالىقتارى مەن اۋىلداردا دا وسىنداي جۇمىستار اتقارىلۋدا. كٷنٸ بٷگٸنگە دەيٸن 1 مىڭعا جۋىق وتباسىنا كٶمەك بەرٸلٸپ, 5 مىڭ دانا كٶپرەتتٸك بەتپەردە تاراتىلدى. بۇعان 218 ۆولونتەر تارتىلعان ەدٸ, شەكتەۋ شارالارى كٷشەيتٸلگەننەن كەيٸن ولار قىزمەتٸن توقتاتتى. دەگەنمەن ۆولونتەر كٶمەگٸ قاجەت بولعاندار 109 نەمەسە 8-705-143-06-06 تەلەفونىنا حابارلاسا الادى. قالا مەن اۋداندار بويىنشا دا ٶتٸنٸمدەر قابىلدانىپ, جۇمىس جالعاسا بەرەتٸن بولادى», دەدٸ قازاقپارات تٸلشٸسٸنە م.نۇركەن.
