© Sputnik / ۆارۆارا گەرتە
ورال قالاسىندا اۋرۋحاناعا ەم الۋعا بارعان 36 جاستاعى عابيت عۇماروۆ كوماعا تٷستٸ. تۋىستارى اۋرۋحانا ماماندارىن كٸنەلاپ وتىر. ال دەرٸگەرلەر باسقاشا ۋەج ايتادى, دەپ حابارلايدى Sputnik قازاقستان Astana TV ارناسىنا سٸلتەمە جاساپ.
13 قازاندا مازاسى قاشقان عابيت عۇماروۆ جەدەل جەردەم شاقىرتقان. بٸراق ولاردىڭ كٶمەگٸ قان قىسىمىن تەكسەرۋمەن عانا شەكتەلٸپتٸ. جاقىن جەردەگٸ ەمحانا دا كوۆيد بولسا عانا جەردەمدەسەمٸز دەپ قايتارعان. سودان جاعدايى ناشارلاپ كەتكەننەن كەيٸن اۋرۋحاناعا بارادى. بٸراق دەرٸگەرلەر دە ٶكپەڭ قابىنىپ, سۋىق تيگەن دەپ, ٷيدە ەمدەلۋگە كەڭەس بەرٸپتٸ.
"بالامدى اۋرۋحاناعا جاتقىز دەگەندە العان جوق. بٸر كٷن بولسا دا, اۋرۋحاناعا جاتقىزۋ كەرەك ەدٸ. جوق, المايمىز دەپ بالاما ايعايلاپ, قۋعانداي ەتٸپ شىعارىپ سالدى. اياعىمەن كەلگەن بالام كولياسكامەن شىقتى اۋرۋحانادان", - دەيدٸ بالعانىم عۇماروۆا.
عابيت تٷنٸمەن قينالىپ اۋىرعان سوڭ, اناسى ۋچاسكەلٸك دەرٸگەردٸ تاعى شاقىرتادى. سول كەزدە عانا 36 جاستاعى جٸگٸتتەن ينسۋلت انىقتالعان. ناۋقاس دەرەۋ جانساقتاۋ بٶلٸمٸنە جاتقىزىلعانىمەن, دەر كەزٸندە كٶمەك كٶرسەتٸلمەي قالعان.
"جاي انتيبيوتيك بەرسەڭٸز جازىلادى دەدٸ. ينسۋلت العانىن بايقاماي تۇر. جەدەل جەردەم دە, ۋچاسكەلٸك دەرٸگەر دە, وبلىستىق اۋرۋحاناداعى دەرٸگەرلەر دە داۆلەنيەگە قارسى ەشنەرسە بەرگەن جوق. قان قىسىمىمەن بارعان ادامدى قابىلداماي, ينسۋلت سوقتىرىپ, قازٸرگٸ جاعدايى يشەمييالىق ينسۋلت بولىپ رەانيماتسييادا جاتىر", - دەپ اتاپ ٶتتٸ نازگٷل عۇماروۆا.
قازٸر عابيت ەس-تٷسٸن بٸلمەيدٸ, بٸرنەشە كٷننەن بەرٸ كومادا جاتىر. ال تۋىستارى دەرٸگەرلەردٸڭ قاتە دياگنوز قويىپ, سالعىرتتىق تانىتقانىنا ٶكپەلٸ.
وبلىستىق دەنساۋلىق ساقتاۋ باسقارماسى دا دەرٸگەرلەردٸڭ ينسۋلت بەلگٸسٸن دەر كەزٸندە انىقتاي الماعانىن راستاپ وتىر.
"نەگٸزٸ, ينسۋلتتٸڭ بەلگٸسٸن تاپ باسۋ وڭاي ەمەس. قازٸر وسى وقيعاعا كٸنەلٸ ماماندارعا سٶگٸس بەرٸلدٸ. مەديتسينالىق كٶمەكتٸڭ ساپاسىن باقىلاۋ كوميتەتٸنە حات جولدانىپ, دەرٸگەردٸڭ قاتەلٸگٸ بار ەكەنٸ تۋرالى جاۋاپ الىندى",- دەدٸ باسقارمانىڭ باسپاسٶز حاتشىسى اينگٷل ساقپوسىنوۆا.
ال عابيتتٸڭ تۋىستارى پوليتسيياعا ارىزدانىپ, دەرٸگەرلەردٸ جاۋاپقا تارتۋدى تالاپ ەتتٸ. باۋىرىنىڭ بەتٸ بەرٸ قاراماسا, سوتقا بەرەمٸز دەيدٸ.
