فوتو: instagram.com/tdk42tv
ورالدا ەسكەرگە شاقىرىلعان جٸگٸت ەسكەري كوميسسارياتتان قاشپاق بولىپ, ٷشٸنشٸ قاباتتان قۇلاپ كەتتٸ, - دەپ حابارلايدى Ult.kz "موي گورود" باسىلىمىنا سٸلتەمە جاساپ.
وقيعا 1 جەلتوقسانعا قاراعان تٷنٸ بولدى. جٸگٸتتٸ ەكٸ دوسىمەن بٸرگە ەسكەري كوميسسارياتقا جەتكٸزگەن. ونىڭ تۋىستارىنىڭ ايتۋىنشا, شاقىرىلۋشى بۇرىن ەسكەري قىزمەتكە شاقىرتۋ الماعان جەنە پسيحولوگييالىق تۇرعىدا ەسكەرگە دايىن بولماعان.
"ولاردى ٷشٸنشٸ قاباتتاعى جاتىن بٶلمەگە ورنالاستىرعان. سول جەردە باسقا بٸر جٸگٸت ولاردى قاشۋعا ٷگٸتتەگەن. ول ٶزٸن باي ادامنىڭ بالاسىمىن, ايىپپۇلدى تٶلەپ بەرەمٸن دەپ الداعان ەكەن, بٸراق شىن مەنٸندە داياشى بولىپ شىقتى. تٷندە سول جٸگٸت تٶسەك جاپقىشتاردى بايلاپ, تٶمەن تٷستٸ. ونىڭ ارتىنان بٸزدٸڭ ۇلىمىزدىڭ دوستارى دا تٷستٸ. كەيٸن ۇلىمىز دا قاشۋعا تىرىستى, بٸراق جاپقىشتار ٷزٸلٸپ كەتٸپ, ول جەرگە قۇلاپ تٷستٸ", - دەيدٸ جٸگٸتتٸڭ اعاسى.
جٸگٸت اۋىر جاراقاتتار العان: ومىرتقاسى سىنعان جەنە دەنەسٸ سال بولىپ قالۋ قاۋپٸ بار. وعان وپەراتسييا جاساتۋعا تۋرا كەلەدٸ. جەبٸرلەنۋشٸنٸڭ تۋىستارى ەسكەري كوميسساريات قىزمەتكەرلەرٸن ٶز مٸندەتتەرٸنە سالعىرت قارادى دەپ ايىپتاپ وتىر.
باتىس قازاقستان وبلىسىنىڭ قورعانىس ٸستەرٸ جٶنٸندەگٸ دەپارتامەنتٸ جٸگٸتتٸڭ بۇعان دەيٸن 1414 بايلانىس نٶمٸرٸ ارقىلى شاقىرتۋ العانىن مەلٸمدەدٸ.
"ول 2023 جىلى وقۋىن بٸتٸرگەن. "ەسكەري قىزمەت تۋرالى" زاڭ بويىنشا ونىڭ ەسكەري قىزمەتتەن بوساتۋ نەمەسە كەيٸنگە قالدىرۋ سەبەبٸ بولماعان. شاقىرتۋ قاعازىن الماعان جاعدايدا, ونى جەتكٸزۋ جەرگٸلٸكتٸ ٸشكٸ ٸستەر ورگاندارىنا جٷكتەلەدٸ. 30 قاراشادا كەشكٸ ساعات 17:00 شاماسىندا پوليتسييا قىزمەتكەرلەرٸ ونى وبلىستىق جيىن پۋنكتٸنە جەتكٸزگەن. شاقىرىلۋشىلارعا ەشقانداي مورالدىق نەمەسە پسيحولوگييالىق قىسىم كٶرسەتٸلگەن جوق. جاتاق بٶلمەسٸندە ولار تٶسەك جاپقىشتاردى بايلاپ, ٷشٸنشٸ قاباتتان تٷسۋگە ەرەكەت جاساعان. بٸر جٸگٸت قۇلاپ, اۋىر جاراقات العان. قازٸر ونىڭ جاعدايىن مەديتسينالىق قىزمەت باسشىلارى باقىلاپ وتىر", - دەدٸ دەپارتامەنت ٶكٸلدەرٸ.
جەبٸرلەنۋشٸگە قر قك 387-بابى "ەسكەري قىزمەتتەن جالتارۋ" بويىنشا قىلمىستىق ٸس قوزعاۋ تۋرالى ٶتٸنٸش جٸبەرٸلگەن. وعان 3 مىڭ اەك كٶلەمٸندە ايىپپۇل نەمەسە 2 جىلعا دەيٸن باس بوستاندىعىنان ايىرۋ جازاسى تاعايىندالۋى مٷمكٸن.
كەزەكشٸلٸكتٸ اتقارعان قىزمەتكەردٸڭ ٸس-ەرەكەتٸنە قاتىستى ٸشكٸ تەكسەرٸس جٷرٸپ جاتىر. ونىڭ كٸنەسٸنٸڭ دەڭگەيٸ انىقتالاتىن بولادى.
