ورال قالاسىندا توك سوققان ەكٸ ەر ادام جانساقتاۋ بٶلٸمٸنە تٷستٸ, دەپ حابارلايدى قازاقپارات.
زاچاگان كەنتٸنٸڭ ەكٸمٸ اققالي ەۋبەكەروۆتٸڭ ايتۋىنشا, وقيعا 28 ماۋسىم كٷنٸ مٶڭكەۇلى كٶشەسٸ بويىندا بولدى.
«27 ماۋسىم كٷنٸ كەشكە قاراي وسى اۋداندا ەلەكتر جارىعى ٶشٸپ قالعان بولاتىن. ونشاقتى كٶپقاباتتى ٷيدە, №6 ەمحانادا, جەكپە-جەك سپورت مەكتەبٸندە, سورعى ستانساسىندا جارىق بولمادى. كەشە «باتىس قازاقستان ەلەكتر جەلٸلٸك كومپانيياسى» جشس قىزمەتكەرلەرٸ كەلٸپ, قالپىنا كەلتٸرۋ جۇمىستارىن جٷرگٸزدٸ. جەر استىنداعى ٷزٸلگەن كابەلدٸ جالعاۋ كەزٸندە ەكٸ ادامدى توك سوعىپ, ولاردى سول بويدا جەدەل جەردەم بريگاداسى الىپ كەتتٸ», - دەدٸ ەۋبەكەروۆ.
بقو دەنساۋلىق ساقتاۋ باسقارماسى باسپاسٶز قىزمەتٸنٸڭ ناقتىلاۋىنشا, جەدەل جەردەمگە شاقىرتۋ ساعات 16.52-دە تٷسكەن.
«وقىس وقيعا سالدارىنان 1989 جىلعى ەر ادامنىڭ بەتٸ, ەكٸ قولى, ەكٸ اياعى كٷيگەن. 2-3 دەرەجەلٸ 15-16 پايىز كٷيٸك جاراقاتىن العان. باستاپقىدا جانساقتاۋ بٶلٸمٸنە تٷسكەنٸمەن, كەيٸن پالاتاعا اۋىستىرىلدى. جاعدايى تۇراقتى. 1979 جىلعى ەر ادامنىڭ بەتٸ, ەكٸ قولى مەن اياعى, دەنەسٸن 55 پايىز (3-دەرەجەلٸ) كٷيٸك شالعان. جاعدايى اۋىر, جانساقتاۋ بٶلٸمٸندە», دەپ حابارلادى ۆەدومستۆودان.
بقو بويىنشا ەڭبەك ينسپەكتسيياسى باسقارماسىنىڭ باسشىسى اسىلۇلان دوسجانوۆ مەكەمەگە ماتەريال تٷسكەننەن كەيٸن كوميسسييا قۇرىلىپ, تەكسەرٸلەتٸنٸن جەتكٸزدٸ.
