ورال قالاسىندا بالاباقشالاردىڭ قىزمەتٸ قايتا توقتاتىلدى, دەپ حابارلايدى "ۇلت اقپارات".
بۇعان دەيٸن حابارلاعانىمىزداي, بقو تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸ ٶڭٸردە كوروناۆيرۋسقا شالدىعۋ دەڭگەيٸنٸڭ تٶمەندەمەۋٸنە بايلانىستى كارانتين مەرزٸمٸن 15 ماۋسىمعا دەيٸن ۇزارتقان بولاتىن.
قالالىق بٸلٸم بەرۋ بٶلٸمٸنەن تٷسكەن مەلٸمەتكە قاراعاندا, جاعدايدىڭ كٷردەلٸلٸگٸن ەسكەرە وتىرىپ, بالالاردىڭ قاۋٸپسٸزدٸگٸ ٷشٸن قالا ەكٸمدٸگٸ جانىنداعى جەدەل شتابتىڭ 24 مامىرداعى وتىرىسى نەگٸزٸندە كارانتين رەجيمٸ اياقتالعانشا بارلىق مەنشٸك تٷرٸندەگٸ بالاباقشالاردىڭ قىزمەتٸن توقتاتۋ تۋرالى شەشٸم قابىلداندى.
بٶلٸم باسشىسى اقجارقىن تەمٸرحانوۆانىڭ ايتۋىنشا, وبلىس ورتالىعىندا 50 بالاباقشا بار. بالاباقشالار بۇعان دەيٸن 20 مامىردا قىزمەتٸن باستاپ, ٷش كٷن بويى بٷلدٸرشٸندەردٸ قابىلداعان ەدٸ.
ەسكە سالا كەتەيٸك, بٷگٸن تاڭداعى مەلٸمەت بويىنشا باتىس قازاقستان وبلىسىندا تاعى 16 ادام كوروناۆيرۋس جۇقتىرىپ, ٶسٸم دەڭگەيٸ 4,3 پايىزدى قۇرادى.
