ورال قالاسىنا ەلدٸ مەكەن تۇرعىندارىنىڭ كەلۋٸنە شەكتەۋ ەنگٸزٸلدٸ. بۇل تۋرالى بٷگٸن ٷكٸمەت وتىرىسىندا باتىس قازاقستان وبلىسىنىڭ ەكٸمٸ عالي ەسقاليەۆ ايتتى, دەپ حابارلايدى "ۇلت اقپارات".
«سوڭعى اپتادا وبلىستا اۋرۋدىڭ 1 067 جاڭا جاعدايى تٸركەلٸپ وتىر. ٶتكەن اپتامەن سالىستىرعاندا اۋرۋ كٶرسەتكٸشٸنٸڭ 20 پايىزعا تٶمەندەگەندٸگٸ بايقالادى. اۋرۋعا شالدىققانداردى انىقتاۋ ماقساتىندا وبلىستاعى 13 زەرتحانادا تەۋلٸگٸنە 2 مىڭنان استام پتر تەستٸلەۋ جاسالادى. وبلىس «قىزىل» ايماقتا 1 ايدان استام ۋاقىت بولعانىن ەسكەرە وتىرىپ, كارانتيندٸك شەكتەۋ ٸس-شارالارى كٷشەيتٸلدٸ. مەيرام كٷندەرٸ ەلدٸ مەكەندەردەگٸ تۇرعىنداردىڭ وبلىس ورتالىعىنا كەلۋٸن ازايتۋ ماقساتىندا ورال قالاسىندا جەنە «قىزىل» ايماقتاعى 6 اۋداندا 1 مامىردان باستاپ 21 بلوكبەكەت ورناتىلدى», - دەدٸ ول.
ونىڭ اتاپ ٶتۋٸنشە, بۇل شەكتەۋ تٷرٸ بيزنەس سۋبەكتٸلەرٸنٸڭ جۇمىسىنا كەدەرگٸ كەلتٸرمەيدٸ. اتالعان بلوكبەكەتتەردٸڭ جۇمىسى stopcovid.kz سايتى جەنە «109» قىزمەتٸ ارقىلى تولىقتاي اۆتوماتتاندىرىلعان.
«بۇل ٸس-شارالار وبلىس ورتالىعىنا قاتىنايتىن تۇرعىندار سانىن 35 پايىزعا دەيٸن ازايتىپ, ادام كٶپ جينالاتىن ٸس-شارالاردى قىسقارتۋعا مٷمكٸندٸك بەرٸپ وتىر. مونيتورينگ توپتار كٷندەلٸكتٸ رەيدتەرٸن جالعاستىرۋدا. 1 سەۋٸردەن بەرٸ مونيتورينگ توپ مٷشەلەرٸ 665 رەت رەيدكە شىعىپ, 3,5 مىڭنان استام نىساندى تەكسەردٸ. 12 مەيرامحانانىڭ جۇمىسى 3 ايعا توقتاتىلدى. سوڭعى اپتادا 1,9 ملن تەڭگەگە 34 حاتتاما تولتىرىلدى», - دەدٸ عالي ەسقاليەۆ.
سونىمەن قاتار ول ٶڭٸردە ۆاكتسيناتسييالاۋ جۇمىسى قارقىدى جٷرگٸزٸلٸپ جاتقانىن, وبلىسقا ۆاكتسينانىڭ 84 مىڭ دوزاسى جەتكٸزٸلٸپ, 1 كومپونەنتٸمەن 45 205, ەكٸنشٸ كومپونەنتپەن 14 593 ادام ەكپە العانىن ايتتى.
