"اباي ۇلتتىق مەكتەبٸنە" قاتىستى جارييالانعان ماتەريالدا كٶتەرٸلگەن مەسەلەلەر وقۋ-اعارتۋ مينيسترلٸگٸنٸڭ باقىلاۋىندا, دەپ حابارلايدى ult.kz.
بۇل تۋرالى وقۋ-اعارتۋ مينيسترلٸگٸ ورتا بٸلٸم كوميتەتٸ تٶراعاسىنىڭ مٸندەتٸن اتقارۋشى جومارت كارامباەۆ مەلٸمدەدٸ.
ونىڭ ايتۋىنشا, مەكتەپكە جٷرگٸزٸلگەن اۋديت 2023 جىلعى 1 قاڭتاردان 2025 جىلعى 31 جەلتوقسانعا دەيٸنگٸ كەزەڭدٸ قامتىعان. اۋديت قورىتىندىسى 9 شٸلدەدە مينيسترلٸكتٸڭ رەسمي رەسۋرسىندا جارييالانعان.
– ەڭ الدىمەن, مەكتەپ باسشىسىز قالعان جوق. قازٸرگٸ ۋاقىتتا ديرەكتوردىڭ مٸندەتٸن اتقارۋشى بەلگٸلەنگەن, بٸلٸم بەرۋ پروتسەسٸنٸڭ ٷزدٸكسٸزدٸگٸ قامتاماسىز ەتٸلدٸ. مەكتەپتٸڭ بۇرىنعى باسشىلىعى 2026 جىلعى مامىر-ماۋسىم ايلارىندا جٷرگٸزٸلگەن ٸشكٸ مەملەكەتتٸك اۋديت اياقتالعاننان كەيٸن ٶز ەركٸمەن قىزمەتتەن كەتتٸ, – دەدٸ كارامباەۆ.
تەكسەرۋ نەتيجەسٸندە جالپى سوماسى 10,8 ملرد تەڭگەدەن استام بۇزۋشىلىق انىقتالعان. ونىڭ 10,4 ملرد تەڭگەسٸ قارجىلىق بۇزۋشىلىقتارعا جاتادى.
اتاپ ايتقاندا, 10,2 ملن تەڭگە بيۋدجەتكە قايتارىلۋى, ال 10,4 ملرد تەڭگە قالپىنا كەلتٸرٸلۋٸ تيٸس. سونىمەن قاتار 370,6 ملن تەڭگە كٶلەمٸندە رەسٸمدٸك بۇزۋشىلىق تٸركەلگەن.
– اۋديت نەتيجەسٸ بويىنشا قۇقىق قورعاۋ ورگاندارىنا شەشٸم قابىلداۋ ٷشٸن 4 ماتەريال جولداندى. سونداي-اق ەكٸمشٸلٸك قۇقىق بۇزۋشىلىقتار بويىنشا 24 ايىپپۇل سالۋعا قاتىستى قۇجاتتار جٸبەرٸلدٸ. ناقتى تۇلعالاردىڭ كٸنەسٸ مەن جاۋاپكەرشٸلٸگٸ ۋەكٸلەتتٸ ورگانداردىڭ قۇزىرىندا, – دەدٸ ورتا بٸلٸم كوميتەتٸ تٶراعاسىنىڭ مٸندەتٸن اتقارۋشى.
جومارت كارامباەۆ تۇراقتى ديرەكتوردى تاعايىنداۋ مەسەلەسٸ دە قاراستىرىلىپ جاتقانىن ايتتى. بۇل رەتتە 2026 جىلعى 1 شٸلدەدەن باستاپ كٷشٸنە ەنگەن "قازاقستان رەسپۋبليكاسىنىڭ مەملەكەتتٸك قىزمەتٸ تۋرالى" جاڭا زاڭ تالاپتارى ەسكەرٸلٸپ وتىر.
زاڭنىڭ 89-بابىنا سەيكەس مەملەكەتتٸك زاڭدى تۇلعالارداعى باسقارۋشىلىق لاۋازىمدارعا قابىلداۋ كونكۋرس ارقىلى جٷزەگە اسىرىلادى. كونكۋرس ٶتكٸزۋ تەرتٸبٸن مەملەكەتتٸك قىزمەت ٸستەرٸ جٶنٸندەگٸ ۋەكٸلەتتٸ ورگان قازاقستان رەسپۋبليكاسى ٷكٸمەتٸنٸڭ اپپاراتىمەن كەلٸسٸپ بەكٸتۋٸ تيٸس.
– قازٸر تيٸستٸ قاعيدالار بەكٸتٸلۋ رەسٸمٸنەن ٶتٸپ جاتىر. ولار كٷشٸنە ەنگەنگە دەيٸن مينيسترلٸكتٸڭ كونكۋرس ٶتكٸزۋگە نەمەسە تۇراقتى ديرەكتوردى تٸكەلەي تاعايىنداۋعا قۇقىقتىق نەگٸزٸ جوق. كونكۋرستان تىس تاعايىنداۋ زاڭ تالاپتارىن بۇزادى. قاعيدالار كٷشٸنە ەنگەننەن كەيٸن ديرەكتوردىڭ بوس لاۋازىمىنا اشىق كونكۋرس جارييالانادى. قازٸر وقۋ-اعارتۋ ۆيتسە-مينيسترٸ جايىق شاراباسوۆ, قارجى جەنە مەملەكەتتٸك ساتىپ الۋ دەپارتامەنتٸ ديرەكتورىنىڭ ورىنباسارى ەلنار سابىر جەنە ى. التىنسارين اتىنداعى ۇلتتىق بٸلٸم اكادەميياسىنىڭ ۆيتسە-پرەزيدەنتٸ گٷلشات مۇحتارحانوۆا "اباي ۇلتتىق مەكتەبٸندە" جۇمىس جٷرگٸزٸپ جاتىر. مينيسترلٸكتٸڭ ٶكٸلدەرٸ مەكتەپتەگٸ وقۋ پروتسەسٸنٸڭ ۇيىمداستىرىلۋىن باقىلايدى. وسىعان بايلانىستى اتا-انالاردى, پەداگوگتەردٸ, وقۋشىلاردى جەنە مەكتەپ تٷلەكتەرٸن رەسمي اقپاراتقا سٷيەنۋگە, تەكسەرٸلمەگەن مەلٸمەتتەردٸ تاراتپاۋعا جەنە اسىعىس قورىتىندى جاساماۋعا شاقىرامىز. جٷرگٸزٸلٸپ جاتقان جۇمىستىڭ قورىتىندىسى بويىنشا قوسىمشا اقپارات بەرٸلەدٸ, – دەپ تٷيٸندەدٸ ول.
