وڭتٷستٸك قازاقستان وبلىسىنىڭ شارۋالارى وسى جىلدىڭ توعىز ايىندا رەسەي, بەلارۋس, قىرعىزستان, لاتۆييا, ليتۆا, ەستونييا جەنە گەرمانيياعا 225 مىڭ توننادان استام قاۋىن, 148 مىڭ توننا قاربىز, 14 مىڭ تونناعا جۋىق جٷزٸم, 43 مىڭ توننا شاماسىندا قىرىققابات ەكسپورتتاعان, دەپ حابارلايدى قازاقپارات وبلىس ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
سونىمەن بٸرگە, ٶڭٸر شارۋالارى كٶكٶنٸس پەن باقشادان باسقا بۇل ەلدەرگە ٷندٸك ەتٸ, سۋسىندار مەن ٸرٸ قارا مالعا ارنالعان ازىق پەن بالىق كونسەرۆٸلەرٸن شىعارىپ كەلەدٸ.
سوڭعى ۋاقىتتا وبلىستا قارقىندى باۋ شارۋاشىلىعىن دامىتۋ جەنە جاڭا تەحنولوگييالاردى قولدانۋدىڭ ارقاسىندا باقشا ٶنٸمدەرٸنٸڭ كٶلەمٸ ارتتى. وسىنىڭ نەتيجەسٸندە, جەمٸس يمپورتىنىڭ ٷلەسٸ 99,3 ملن دوللارعا نەمەسە 33,3 پايىزعا, ال كٶكٶنٸس 6,2 ملن دوللارعا نەمەسە 4,8 تٶمەندەگەن.
جالپى وڭتٷستٸك قازاقستاندا 21 كەسٸپورىن ٶز ٶنٸمدەرٸن شەت ەل اسىرىپ, ەكسپورتتايدى. ايماقتىڭ كەسٸپكەرلەرٸ ٶزبەكستان, قىرعىزستان, اۋعانستان جەنە تەجٸكستانعا ٶسٸمدٸك مايى مەن ۇن, بالىق سٷبەسٸ مەن كونسەرۆٸلەنگەن بالىق, قۇس جۇمىرتقاسىن, ماكارون, كونديتەرلٸك ٶنٸمدەردٸ, قوي ەتٸن جەنە سيىر ەتٸن شەت ەل نارىعىنا ساۋدالاۋدا.
اگرارلى ايماقتىڭ شارۋالارى كٶكٶنٸسپەن قاتار دەندٸ داقىلداردى دا ەكسپورتتاۋعا ەرەكشە باسىمدىق بەرٸپ كەلەدٸ. مەسەلەن, جىل باسىنان بەرٸ شەت مەملەكەتتەرگە قۇنى 17,6 ملن دوللاردى قۇرايتىن بيداي مەن 49,3 ملن دوللارعا ۇن ٶنٸمدەرٸ ەكسپورتتالعان. جالپى اۋىل شارۋاشىلىعى ەكسپورتىنىڭ كٶلەمٸ بٷگٸنگٸ تاڭدا 211,4 ملن اقش دوللارىن قۇراپ, ٶتكەن جىلمەن سالىستىرعاندا 6 پايىزعا ٶسكەن. ال يمپورت كٶلەمٸ 320 ملن اقش دوللارىن قۇراپ, 4 پايىزعا كەمٸگەن.
بيىل وڭتٷستٸك قازاقستان وبلىسىنىڭ ديقاندارى 376,5 ملرد تەڭگەنٸ قۇرايتىن اۋىل شارۋاشىلىعى ٶنٸمٸن ٶندٸردٸ. بۇل ٶتكەن جىلعىمەن سالىستىرعاندا 57 ملرد تەڭگەگە كٶپ. ياعني, ديقاندار بيىل 400 مىڭ تونناعا جۋىق استىقتى قامباعا قۇيسا, 116 مىڭ توننا جەمٸس-جيدەك پەن 919 مىڭ توننا كٶكٶنٸس, 295 مىڭ توننا كارتوپ, 1,3 ملن توننا باقشا داقىلدارىن جينادى.
