وڭتٷستٸك قازاقستان وبلىسىنىڭ سپورتشىسى 19 جاستاعى قوبىلاندى ورىنباساروۆ سەۋلدە ٶتكەن گٸر تاسىن كٶتەرۋ سپورتىنان ەلەم چەمپيونى اتاندى. ال, جاتتىقتىرۋشىسى مۇرات سەرٸكباەۆ ارداگەرلەر اراسىنداعى جارىستا ەلەم چەمپيوناتىنىڭ كٷمٸس جٷلدەسٸن يەلەندٸ, دەپ حابارلايدى "ۇلت اقپارات".
وڭتٷستٸك كورەيانىڭ استاناسى سەۋل قالاسىندا قاراشا ايىنىڭ 15-19 ارالىعىندا ٶتكەن جارىسقا ەلەمنٸڭ 33 ەلٸنەن 600-گە جۋىق سپورتشى قاتىسقان بولاتىن. دودادا 73 كەلٸ سالماق دەرەجەسٸندە باق سىناعان قوبىلاندى, 32 كەلٸ گٸر تاسىن ۇزىن تسيكلدى كٶتەرۋدٸ 62 رەت باعىندىرعان. جاتتىقتىرۋشىسى مۇرات سەرٸكباەۆتىڭ ايتۋىنشا, قوبىلاندى العاشقىدا قازاق كٷرەسٸمەن اينالىسقان ەكەن.
«2014 - 2015 جىلدار ارالىعىندا قوبىلاندىعا گٸر تاسىن كٶتەرۋدٸڭ قىر-سىرىن ٷيرەتتٸم. از ۋاقىتتا ٷلكەن نەتيجەلەر كٶرسەتە باستادى. مەسەلەن, وسى سپورتپەن اينالىسقان بٸر جىلدىڭ ٸشٸندە جاسٶسپٸرٸمدەر اراسىندا قازاقستان رەسپۋبليكاسىنىڭ چەمپيونى, سول جىلى لاتۆييادا ٶتكەن ەۋروپا چەمپيونتىندا كٷمٸس جٷلدەگە قول جەتكٸزگەن. ال, كەلەر جىلى اقتٶبە قالاسىندا جاسٶسپٸرٸمدەر اراسىندا ەلەم چەمپيونى اتاندى. بيىل جاستار اراسىنا دا ەركٸن كٸرٸپ, ەل بٸرٸنشٸلٸگٸن ۇتتى. ٶزدەرٸڭٸز كۋە بولىپ وتىرعانداي, جاستار اراسىنداعى ۇلتتىق قۇراماعا مٷشە بولىپ, وڭتٷستٸك كورەيا مەملەكەتٸندە ٶتكەن ەلەم چەمپيوناتىنىڭ جەڭٸمپازى بولدى»,- دەيدٸ باپكەر مۇرات سەرٸكباەۆ.
ال, باپكەردٸڭ ٶزٸ بولسا 73 كەلٸ سالماق دەرەجەسٸندە 24 كەلٸنٸ قوسسايىس بويىنشا 131 رەت كٶتەرٸپ كٷمٸس جٷلدەنٸ الىپ وتىر.
ايتا كەتەيٸك, جاسٶسپٸرٸمدەر اراسىنداعى ەلەم چەمپيونى سوزاق سپورتىنىڭ تٶل تۋماسى. وڭتٷستٸكتەن شىققان جاستار اراسىنداعى تۇڭعىش ەلەم چەمپيونى الماتى قالاسىنداعى قازاق تۋريزيم جەنە سپورت اكادەميياسىنىڭ 3 كۋرس ستۋدەنتٸ.
