«قازاقستان كۆن وداعىنىڭ» پرەزيدەنتٸ ەسەن ەلەۋكەن وڭتٷستٸك قازاقستان وبلىسىنىڭ جاستارىمەن كەزدەستٸ. وبلىستىق «جاستار رەسۋرستىق ورتالىعىندا» ٶتكەن باسقوسۋعا ٶڭٸردٸڭ 14 اۋدان, قالالارىنان 100-دەن استام جاستار قاتىستى, دەپ حابارلايدى قازاقپارات تٸلشٸسٸ.
جاستار ٷشٸن كٶپتەن كٷتكەن كەزدەسۋ ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىن جاستار اراسىندا كەڭٸنەن ناسيحاتتاۋ مەن جاس ۇرپاقتىڭ بويىنا وتانسٷيگٸشتٸك پەن جاۋاپكەرشٸلٸكتٸ, جاڭاشىلدىقتى سٸڭدٸرۋ ماقساتىندا ۇيىمداستىرىلدى. جيىندا «قازاقستان كۆن وداعىنىڭ» پرەزيدەنتٸ ەسەن ەلەۋكەن ستۋدەنتتەر مەن جاس مامانداردى ۇلتتىق قۇندىلىقتى ساقتاۋعا, ٶز ەلٸنٸڭ پاتريوتى بولۋعا شاقىردى.
«ۇلتتىق قۇندىلىقتاردى كەلەسٸ ۇرپاققا جەتكٸزۋ ٷشٸن بٸز ٶزٸمٸزدٸڭ ۇلتتىق كودىمىزدى ساقتاۋىمىز كەرەك. ۇلتتىق كودىمىزدى ساقتاۋ ٷشٸن بٸز ٶزٸمٸزدٸڭ مەدەني, تاريحي قۇندىلىقتارىمىزدى دامىتا وتىرىپ, ەلەمنٸڭ جاقسى قاسيتەتتەرٸن بويىمىزعا سٸڭٸرۋٸمٸز كەرەك. جاقسىدان ٷيرەن, جاماننان جيرەن. پرەزيدەنتتٸڭ وي-پٸكٸرلەرٸ بابالاردىڭ ۇلاعاتىمەن استاسىپ جاتىر. اتالارىمىز ۇلى دالا مەن ۇلى مەدەنيەتتٸ مۇرا ەتتٸ. ول - جالپىعا ورتاق قۇندىلىق», - دەدٸ «قازاقستان كۆن وداعىنىڭ» پرەزيدەنتٸ.
ٶز كەزەگٸندە جاستار دا ماڭىزدى ماقالانى قولدايتىندىقتارىن جەتكٸزٸپ, ونداعى مەسەلەلەرگە بايلانىستى ۇسىنىستارىن ورتاعا سالدى. كٶپشٸلٸك الدىندا سٶز سٶيلەگەندەر رۋحاني كەمەل ەل بولۋ - ەلباسى ارمانى, ال مەدەنيەت جاڭعىرىپ, وي-ٶرٸستٸ كەڭەيتۋ - يگٸ باستاما دەگەن پٸكٸرلەرٸن بٸلدٸردٸ. ەندەشە ەلباسىنىڭ جاستارعا سەرپٸلٸس بەرۋٸ كەلەشەككە قامدانۋدىڭ ەرەكەتٸ دەپ وي تٷيگەن جاستار اۋىلداردا اتالمىش كەزدەسۋدٸ جالعاستىرۋعا كەلٸستٸ.
