وڭتٷستٸك كورەياعا «لينگلينگ» قۋاتتى تايفۋنى جىلجىپ كەلەدٸ. بۇل تۋرالى Yonhap اگەنتتٸگٸ جەرگٸلٸكتٸ مەتەورولوگتارعا سٸلتەمە جاساپ حابارلايدى.
«قۋاتتى تايفۋن وڭتٷستٸك كورەيانىڭ سولتٷستٸگٸنە قاتتى جىلدامدىقپەن جاقىنداپ قالدى. تايفۋن جۇما كٷنٸ تٷستەن كەيٸن ەلدٸڭ ەڭ وڭتٷستٸگٸندەگٸ چەدجۋ ارالىنا جەتەدٸ», - دەلٸنگەن حابارلامادا.
اتالىپ ٶتٸلگەندەي, «لينگلينگ» تايفۋنى وسى ماۋسىمداعى 13-شٸ داۋىل بولماق. جەلدٸڭ ەكپٸنٸ ساعاتىنا 200 شاقىرىمعا جەتۋٸ مٷمكٸن.
بٷكٸل مەملەكەتتە قاۋٸپتٸلٸك تۋرالى ەسكەرتۋ جارييالاندى. چەدجۋ ارالىنداعى ەۋەجايدا 25 ەۋە رەيسٸ توقتاتىلدى. بۇدان بٶلەك, ارال مەن ەلدٸڭ باسقا دا بٶلٸكتەرٸ اراسىندا تاسىمالدايتىن 14 جولاۋشىلار كەمەسٸنە تەڭٸزگە شىعۋعا تىيىم سالىندى. ينچحون قالاسىنداعى پورتتان 300 جٷك كەمەسٸ ەۆاكۋاتسييالاندى.
