كورەيا رەسپۋبليكاسىندا وپپوزيتسييا پارتيياسىنىڭ كانديداتى يۋن سوك يول پرەزيدەنتتٸك سايلاۋدا جەڭٸسكە جەتتٸ. بۇل تۋرالى بەيسەنبٸ كٷنٸ كورەيانىڭ ورتالىق سايلاۋ كوميتەتٸ مەلٸم ەتتٸ, دەپ حابارلايدى قازاقپارات Yonhap اگەنتتٸگٸنە سٸلتەمە جاساپ.
يۋن سوك يول 48,56% داۋىس جينادى, ال ونىڭ نەگٸزگٸ قارسىلاسى بيلٸكتەگٸ «توبۋرو» دەموكراتييا پارتيياسىنىڭ كانديداتى لي چجە ميون 47,83 % داۋىس جيناپ, جەڭٸسكە جەتە الماي قالدى. پرەزيدەنتتٸك جارىستا ٷشٸنشٸ بولعان سيم سان چجون سايلاۋشىلاردىڭ 2,37% داۋىسىن جيناعان.
ۇلتتىق جينالىستا سٶز سٶيلەگەن جاڭا پرەزيدەنت ٶزٸنٸڭ نەگٸزگٸ ماقساتىنىڭ ەل ازاماتتارىنىڭ بٸرلٸگٸن نىعايتۋ ەكەنٸن اتاپ ايتىپ, جاقتاستارىنا العىس بٸلدٸردٸ. يۋن سوك يول وپپوزيتسييامەن بٸرگە حالىققا قىزمەت ەتەتٸنٸن جەتكٸزدٸ. ول ٶزٸنٸڭ جەڭٸسٸن «ۇلى ادامداردىڭ جەڭٸسٸ» دەپ اتادى.
