كورەيا رەسپۋبليكاسىنا كٸرۋگە رۇقسات بەرٸلمەگەن قازاقستاننىڭ قوس ازاماتى ينچحون حالىقارالىق ەۋەجايىنان قاشىپ كەتتٸ. اقپاراتتى قر سىرتقى ٸستەر مينيسترلٸگٸنٸڭ باسپاسٶز قىزمەتٸ راستادى, - دەپ حابارلايدى "ۇلت اقپارات".
وتانداستارىمىزدىڭ قاشقانى تۋرالى اقپارات ەلەۋمەتتٸك جەلٸ پاراقشالارىندا تارادى. جەلٸ قولدانۋشىلارى جەكسەنبٸدە تاڭعى ساعات 4:20 شاماسىندا دەپورتاتسييا رەيسٸن كٷتٸپ تۇرعان 21 جەنە 18 جاستاعى ەكٸ قازاقستاندىقتىڭ ەۋەجايدىڭ ۇشۋ-قونۋ جولاعى جانىنداعى قورشاۋدان اسىپ, قاشىپ كەتكەنٸن جازعان.
سىرتقى ٸستەر مينيسترلٸگٸنٸڭ مەلٸمەتٸنشە, ولار وڭتٷستٸك كورەياعا 24 ناۋرىزدا تاشكەنت قالاسىنان ۇشىپ شىققان «Koreana» ەۋەكومپانيياسىنىڭ رەيسٸمەن كەلگەن. كەيٸن ەلگە كٸرۋگە تىيىم سالىنعاندىقتان, دەپورتاتسييالىق رەيستٸ كٷتكەن.
الايدا قازاقستاندىقتار ينچحون حالىقارالىق ەۋەجايىنان زاڭسىز قاشىپ كەتكەن. ولاردىڭ بٸرٸن جەرگٸلٸكتٸ پوليتسييا ۇستادى. ەكٸنشٸسٸ ٸزدەۋدە.
«قازاقستاننىڭ سەۋل قالاسىنداعى ەلشٸلٸگٸ وسى مەسەلە بويىنشا كورەيا رەسپۋبليكاسىنىڭ ۋەكٸلەتتٸ ورگاندارىمەن تۇراقتى بايلانىستا.
بۇل وقيعا وڭتٷستٸك كورەيادا قوعامدىق رەزونانس تۋدىردى جەنە جەرگٸلٸكتٸ باق-تا كەڭٸنەن جارييالاندى. ٶز كەزەگٸندە بۇل جاعداي بولاشاقتا كورەيا رەسپۋبليكاسىنىڭ قۇقىق قورعاۋ جەنە يمميگراتسييالىق ورگاندارىن قازاقستان ازاماتتارىنىڭ ەلدە زاڭسىز بولۋىمەن بەلسەندٸ كٷرەسكە, سونداي-اق ازاماتتارعا ەلگە كٸرۋ تەرتٸبٸن قاتاڭداتۋعا يتەرمەلەۋٸ مٷمكٸن ەكەندٸگٸن اتاپ ٶتكەن جٶن», - دەلٸنگەن قر سٸم حابارلاماسىندا.
