فوتو: Africa Facts Zone/ح
21 قىركٷيەكتە وڭتٷستٸك افريكادا كٷتپەگەندە قار جاۋىپ, بٸرنەشە تاس جولدا كٶلٸك قوزعالىسى توقتاپ قالدى. بۇل تۋرالى France 24 تەلەارناسى حابارلادى.
يوحاننەسبۋرگ پەن شىعىس جاعالاۋداعى دۋربان قالاسىن بايلانىستىراتىن N3 تاسجولى جابىلعان. كەيبٸر اۋدانداردا ەكٸ مەترگە دەيٸن قار جاۋدى. جٷرگٸزۋشٸلەر كٶلٸكتە تٷنەۋگە مەجبٷر بولدى.
قۇتقارۋ جۇمىستارىنا تٶتەنشە جاعدايلار قىزمەتٸمەن قاتار ەسكەر دە جۇمىلدىرىلدى.
كۆازۋلۋ-ناتال پروۆينتسيياسىنىڭ ٷكٸمەتٸ قيىن جاعدايعا تاپ بولعان كەيبٸر جٷرگٸزۋشٸلەر كٶرپە-جاستىق پەن ازىق-تٷلٸك جەتكٸزٸپ بەرگەن.
جول قوزعالىسىن باسقارۋ كورپوراتسيياسىنىڭ قوعاممەن بايلانىس جٶنٸندەگٸ قىزمەتكەرٸ جٷك كٶلٸكتەرٸ 20 قىركٷيەكتەن بەرٸ جول جيەگٸندە تۇرعانىن ايتقان.
— پروۆينتسييالار اراسىندا قاتىنايتىن اۆتوبۋستار جانار-جاعارماي قۇيۋ بەكەتتەرٸندە شامامەن جەتٸ ساعات توقتادى, — دەدٸ ول.
وڭتٷستٸك افريكا مەتەورولوگييالىق قىزمەتٸ وقيعانى «ەكسترەمالدى جاعداي» دەپ سيپاتتاپ, الداعى ساعاتتاردا تاعى دا قار جاۋۋى مٷمكٸن ەكەنٸن ەسكەرتتٸ.
2023 جىلدىڭ جازىندا وڭتٷستٸك افريكادا سوڭعى 10 جىلدا العاش رەت قار جاۋدى. ول كەزدە قار بيىلعىداي ٷلكەن قيىندىق تۋدىرماعان.
