ەكٸ اپتادا حالىق ساناعىنىڭ ونلاين كەزەڭٸنە قاتىسقانداردىڭ سانى 3 ملن ادامنان استى, دەپ حابارلايدى قازاقپارات.
بۇل تۋرالى ۇلتتىق ستاتيستيكا بيۋروسىنىڭ باسشىسى نۇربولات ايداپكەلوۆ ورتالىق كوممۋنيكاتسييالار قىزمەتٸندە ٶتكەن بيفينگٸدە مەلٸم ەتتٸ.
«حالىق ساناعى باستالعان كٷننەن باستاپ ەكٸ اپتا ٶتتٸ. ٶزدەرٸڭٸز بٸلەتٸندەي, قازٸرگٸ ۋاقىتتا ول تەك ونلاين رەجيمدە ٶتٸپ جاتىر. ساناق سۇراقتارىنا جاۋاپ بەرۋدٸ بٸرنەشە تەسٸلٸ بار. بۇل - ارنايى Sanaq.gov.kz سايتىن, eGov پورتالىندا اۆتورزاتسييالانۋ ارقىلى, Aitu موبيلدٸك قوسىمشاسىن پايدالانۋ مٷمكٸندٸگٸ بار.
بٷگٸنگٸ ساعات 14.00-دەگٸ جاعداي بويىنشا, ساناقتان 3 ملن 24 مىڭ ازامات ٶتتٸ», - دەدٸ بيۋرو باسشىسى.
ەسكە سالساق, ٶتكەن اپتادا قازاقستان بويىنشا 3 مىڭنان استام ساناق بۇرىشى اشىلعان.
«بارلىق حالىققا قىزمەت كٶرسەتۋ ورتالىعىندا, ٸرٸ ساۋدا ورىندارىندا, قازپوشتا بٶلٸمشەلەرٸندە حالىق ساناعىنان ونلاين ٶتۋگە ارنالعان بۇرىشتار ۇيىمداستىردىق. ولاردا ارناۋلى كەڭەسشٸلەر جۇمىس ٸستەپ جاتىر. تۇرعىندار تاراپىنان بەلسەندٸلٸك بايقالادى. بٸز ٶز تاراپىمىزدان حالىققا بارلىق جاعداي جاساۋىمىز كەرەك. العاش رەت تسيفرلىق فورماتتا ٶتٸپ جاتقاننان كەيٸن ارناۋلى سايت جاسادىق. ونىڭ جۇمىسى جاقسى جٷرٸپ جاتىر. حالىق تاراپىنان ىنتا جوعارى. ال ساناقتان ونلاين ٶتۋگە مٷمكٸندٸگٸ جوق ازاماتتارعا وسىنداي بۇرىش ۇيىمداستىردىق. بٷكٸل ەلٸمٸز بويىنشا وسىنداي 3 مىڭنان استام بۇرىش ۇيىمداستىرىلدى», - دەگەن بولاتىن نۇربولات ايداپكەلوۆ.
