Eki aptada Halyq sanaǵynyń onlain kezeńine qatysqandardyń sany 3 mln adamnan asty, dep habarlaidy QazAqparat.
Bul týraly Ulttyq statistika biýrosynyń basshysy Nurbolat Aidapkelov ortalyq kommýnikatsiialar qyzmetinde ótken bifingide málim etti.
«Halyq sanaǵy bastalǵan kúnnen bastap eki apta ótti. Ózderińiz biletindei, qazirgi ýaqytta ol tek onlain rejimde ótip jatyr. Sanaq suraqtaryna jaýap berýdi birneshe tásili bar. Bul - arnaiy Sanaq.gov.kz saityn, eGov portalynda avtorzatsiialaný arqyly, Aitu mobildik qosymshasyn paidalaný múmkindigi bar.
Búgingi saǵat 14.00-degi jaǵdai boiynsha, sanaqtan 3 mln 24 myń azamat ótti», - dedi biýro basshysy.
Eske salsaq, ótken aptada Qazaqstan boiynsha 3 myńnan astam sanaq buryshy ashylǵan.
«Barlyq Halyqqa qyzmet kórsetý ortalyǵynda, iri saýda oryndarynda, Qazposhta bólimshelerinde halyq sanaǵynan onlain ótýge arnalǵan buryshtar uiymdastyrdyq. Olarda arnaýly keńesshiler jumys istep jatyr. Turǵyndar tarapynan belsendilik baiqalady. Biz óz tarapymyzdan halyqqa barlyq jaǵdai jasaýymyz kerek. Alǵash ret tsifrlyq formatta ótip jatqannan keiin arnaýly sait jasadyq. Onyń jumysy jaqsy júrip jatyr. Halyq tarapynan ynta joǵary. Al sanaqtan onlain ótýge múmkindigi joq azamattarǵa osyndai burysh uiymdastyrdyq. Búkil elimiz boiynsha osyndai 3 myńnan astam burysh uiymdastyryldy», - degen bolatyn Nurbolat Aidapkelov.
