بٷگٸن مەجٸلٸستٸڭ جالپى وتىرىسىندا قر اۋىل شارۋاشىلىعى مينيسترٸ ەربول قاراشٶكەەۆ كٶكتەمگٸ دالا جۇمىستارىنا دايىندىق بارىسىن باياندادى, دەپ حابارلايدى قازاقپارات.
«قازٸرگٸ ەلەمدٸك ازىق-تٷلٸك نارىقتارىندا باعا قۇبىلمالى بولىپ تۇرعان شاقتا ٷكٸمەت اگروٶنەركەسٸپتٸك كەشەندٸ دامىتۋ جٶنٸندەگٸ داعدارىسقا قارسى بٸرقاتار جٷيەلٸ جەنە جەدەل شارالاردى قابىلدادى. بٷگٸنگٸ كٷنٸ باسىم مٸندەتتەردٸڭ بٸرٸ - ەگٸس ناۋقانىن ۋاقتىلى جەنە ساپالى جٷرگٸزۋ. مەملەكەت باسشىسىنىڭ تاپسىرماسى بويىنشا اۋىل شارۋاشىلىعى مينيسترلٸگٸ ٶڭٸرلەرمەن بٸرلەسٸپ اۋىل شارۋاشىلىعى تەحنيكاسىنىڭ, تۇقىم مەن تىڭايتقىشتاردىڭ دايىندىعىن قايتا تەكسەرۋدٸ اياقتادى. قازٸرگٸ تاڭدا تەحنيكا دايىندىعى 98 پايىزدى قۇراسا, كٶكتەمگٸ دالا جۇمىستارى جاپپاي جٷرگٸزٸلە باستاعان ۋاقىتتا 100 پايىزعا جەتەدٸ», - دەدٸ ە. قاراشٶكەەۆ.
ونىڭ ايتۋىنشا, ٶڭٸرلەرگە ارزانداتىلعان ديزەل وتىنى جٶنەلتٸلە باستادى. جالپى, كٶكتەمگٸ دالا جۇمىستارىن جٷرگٸزۋگە نارىقتىق قۇنىنان 12-15%-عا تٶمەن باعامەن 400,2 مىڭ توننا بٶلٸندٸ, بۇل 2021 جىلمەن سالىستىرعاندا 20 مىڭ تونناعا ارتىق.
«وتاندىق تاۋار ٶندٸرۋشٸلەر تۇقىم ماتەريالىمەن قامتاماسىز ەتٸلدٸ. 2,3 ملن توننا تۇقىم نەمەسە جوسپاردىڭ 100 پايىزى قامتىلدى. سۇرىپ جاڭارتۋ ماقساتىندا رەسەي فەدەراتسيياسىنان تۇقىم ماتەريالىن جەتكٸزۋ مەسەلەسٸ پىسىقتالدى, كەلٸسسٶزدەر جٷرگٸزٸلٸپ, تۇقىمداردى شىعارۋعا سالىنعان شەكتەۋلەر الىنىپ تاستالدى. مينەرالدى تىڭايتقىشتارعا كەلسەك, ٷكٸمەت قولداۋىنىڭ ارقاسىندا ديقانداردىڭ قاجەتتٸلٸكتەرٸن قاناعاتتاندىرۋ ماقساتىندا وتاندىق مينەرالدى تىڭايتقىشتاردى ٶندٸرۋشٸلەرمەن ۋاعدالاستىققا قول جەتكٸزٸلدٸ. بۇل رەتتە اممياك سەليتراسىنىڭ باعاسى 200 مىڭ تەڭگەدەن 160 مىڭ تەڭگەگە دەيٸن تٶمەندەتٸلدٸ», - دەدٸ مينيستر.
