پارلامەنت سەناتىنىڭ جالپى وتىرىسىندا «قازاقستان رەسپۋبليكاسىنىڭ سۋ كودەكسٸنە جەرگٸلٸكتٸ ٶكٸلدٸ, ورتالىق جەنە جەرگٸلٸكتٸ اتقارۋشى ورگاندار اراسىندا اۋىزسۋمەن جابدىقتاۋدى سۋبسيدييالاۋ جٶنٸندەگٸ ٶكٸلەتتٸكتەردٸڭ اراجٸگٸن اجىراتۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭى ەكٸ وقىلىمدا قارالىپ, قابىلداندى, دەپ حابارلايدى "ۇلت اقپارات".
زاڭ جوباسى پارلامەنت دەپۋتاتتارىنىڭ باستاماشىلىعىمەن ەزٸرلەندٸ. ونىڭ نەگٸزگٸ ماقساتى - حالىقتى اۋىزسۋمەن قامتاماسىز ەتۋ ٷشٸن سۋبسيدييالاردى بٶلۋ جەنە ٶڭٸرلەردٸڭ ۋاقىتىلى الۋىنا قول جەتكٸزۋ.
«بٷگٸنگٸ كٷنٸ حالىقتى اۋىزسۋمەن جابدىقتاۋ قىزمەتتەرٸنٸڭ قۇنىن تٶمەندەتۋ ماقساتىندا زاڭنامامەن بالاماسىز كٶزدەردەن اۋىزسۋدى سۋبسيدييالاۋ كٶزدەلگەن. مەملەكەت اۋىزسۋدىڭ قۇنىن سۋبسيدييالاۋ بٶلٸگٸندە حالىققا كەپٸلدەندٸرٸلگەن قولداۋ كٶرسەتۋدە.
ۋەكٸلەتتٸ ورگاننىڭ مەلٸمەتٸنە سەيكەس, 2020 جىلدىڭ قورىتىندىسى بويىنشا اۋىل حالقىنىڭ 87%-ى ورتالىقتاندىرىلعان اۋىزسۋمەن قامتىلدى. ورتالىقتاندىرىلعان اۋىزسۋمەن قامتىلعان اۋىلدىق ەلدٸ مەكەندەردٸڭ سانى – 4078, سولاردىڭ ٸشٸندە 42%-ى سۋبسيديياعا قول جەتكٸزگەن. قولدانىستاعى زاڭناماعا جاسالعان تالداۋ سۋمەن جابدىقتاۋ وبەكتٸلەرٸن ۋەكٸلەتتٸ ورگان بەكٸتەتٸن تٸزبەگە ەنگٸزۋ پروتسەسٸ كٶپتەگەن ۆەدومستۆوارالىق كەلٸسۋلەردٸ تالاپ ەتەتٸنٸن كٶرسەتٸپ وتىر. ٶكٸنٸشكە قاراي, اتالعان كەلٸسۋلەردٸڭ 1-2 جىلعا دەيٸن سوزىلىپ كەتۋٸ وسىنىڭ دەلەلٸ», - دەدٸ سەناتور ناريمان تٶرەعاليەۆ.
وسىعان بايلانىستى, زاڭ جوباسىمەن اۋىزسۋدى سۋبسيدييالاۋ ٷشٸن تٸزبەنٸ بەكٸتۋ كەزٸندە ٶكٸلەتتٸكتەردٸڭ اراجٸگٸن ناقتى اجىراتۋ ۇسىنىلىپ وتىر.
بٸرٸنشٸدەن, اۋىزسۋمەن جابدىقتاۋدىڭ جەرگٸلٸكتٸ جٷيەلەرٸ جەرگٸلٸكتٸ اتقارۋشى ورگاندار دەڭگەيٸنە بەرٸلەتٸن بولادى, ال توپتىق جٷيەلەر بۇرىنعىداي ۋەكٸلەتتٸ ورگاننىڭ قاراۋىندا قالادى.
ەكٸنشٸدەن, جەرگٸلٸكتٸ ٶكٸلدٸ ورگانداردىڭ ٶزٸنە ٶڭٸردٸڭ سۋمەن جابدىقتاۋ بويىنشا كٶرسەتٸلەتٸن قىزمەتتەردٸڭ تاريفتەرٸنە بايلانىستى اۋىز سۋدىڭ 1 تەكشە مەترٸ ٷشٸن تٶلەم مٶلشەرٸن بەكٸتۋگە ٶكٸلەتتٸلٸك بەرٸلەدٸ.
«مىسالى, مەسليحات رەسپۋبليكا بويىنشا ەڭ تٶمەنگٸ تاريفتەن تٶمەن ەمەس جەنە وبلىستىڭ ەلەۋمەتتٸك-ەكونوميكالىق دامۋىن ەسكەرە وتىرىپ, ورتاشا وبلىستىق دەڭگەيدەن جوعارى ەمەس تٶلەمدەر مٶلشەرٸن بەكٸتە الادى. جالپى العاندا, وسى زاڭ جوباسىنىڭ نورمالارى جەرگٸلٸكتٸ اتقارۋشى ورگانداردىڭ دەربەستٸگٸ مەن جاۋاپكەرشٸلٸگٸن ارتتىرۋعا, حالىقتى اۋىزسۋمەن قامتاماسىز ەتۋ ٷشٸن ٶڭٸرلەردٸڭ سۋبسيدييانى ۋاقىتىلى الۋىنا ىقپال ەتەتٸن بولادى», - دەدٸ دەپۋتات.
سەنات تٶراعاسى مەۋلەن ەشٸمباەۆ اۋىلدىق ەلدٸ مەكەندەردٸ ساپالى اۋىزسۋمەن قامتاماسىز ەتۋ ەلٸمٸزدٸڭ الدىندا تۇرعان باستى مٸندەتتەردٸڭ بٸرٸ ەكەنٸن اتاپ ٶتتٸ.
«دەپۋتاتتار باستاماشىلىق جاساعان وسى زاڭ اۋىلدىق جەرلەردٸ سۋمەن جابدىقتاۋ مەسەلەلەرٸن شەشۋ جولىنداعى ماڭىزدى قادام ەكەنٸ سٶزسٸز. ۇسىنىلىپ وتىرعان نورمالار ٶڭٸرلەردٸ دامىتۋعا جەنە جەرگٸلٸكتٸ اتقارۋشى ورگانداردىڭ جۇمىسىنىڭ تيٸمدٸلٸگٸن ارتتىرۋعا ىقپال ەتەتٸنٸ ايقىن», - دەپ اتاپ ٶتتٸ م. ەشٸمباەۆ.
