"ٶنەر بارىسى" رەسپۋبليكالىق تۋرنيرٸنٸڭ باس جٷلدەسٸ اسىلحان تٶلەپوۆكە بۇيىردى, دەپ حابارلايدى قازاقپارات تٸلشٸسٸ.
تۋرنيردٸڭ جەڭٸل سالماقتاعى باس جٷلدەسٸ ٷشٸن قازاقستان جاستار وداعى "سەرپەر" جاستار سىيلىعىنىڭ لاۋرەاتتارى, كينو اكتەرلەرٸ ايان ٶتەپبەرگەن مەن اسىلحان تٶلەپوۆ بەلدەستٸ. تارتىستى ٶتكەن كەزدەسۋدە الدىمەن اسىلحان بٷك ۇپايىن ەنشٸلەسە, ٸلە-شالا ايان دا ٶز قورجىنىنا دەل وسىنداي ۇپاي سالا الدى. الايدا, نەگٸزگٸ ۋاقىتتا پالۋانداردىڭ ەسەپتەرٸ تەڭ اياقتالدى. وسىدان كەيٸنگٸ بەلدەسۋدە قولى بەلبەۋدەن شىعىپ كەتكەن ايان جەڭٸستٸ اسىلحانعا بەرٸپ قويدى.
ايتا كەتەيٸك, "ٶنەر بارىسى" رەسپۋبليكالىق تۋرنيرٸنٸڭ قولا جٷلدەسٸ اۋىر سالماقتا ەركەبۇلان دايىروۆقا, ال جەڭٸل سالماقتا اباي ايازباەۆ بۇيىرعانىن حابارلاعان ەدٸك.
ەستەرٸڭٸزگە سالا كەتسەك, «ٶنەر بارىسى» رەسپۋبليكالىق تۋرنيرٸ ەلورداداعى "دەۋلەت" سپورت كەشەنٸندە ٶتتٸ. تۋرنيرگە جيىرماعا جۋىق پالۋان قاتىستى. ولاردىڭ ٸشٸندە بٸردە-بٸر كەسٸپقوي سپورتشى جوق. بارلىعى دا قازاقستان حالقى جاقسى تانيتىن ەرتٸستەر مەن مۋزىكانتتار, ەنشٸلەر, ايتىسكەرلەر, اكتەرلەر, كتا-عا قاتىسۋشىلار. ولاردىڭ قاتارىندا قايرات نۇرتاس, اباي ايازباەۆ, سەرٸك يبراگيموۆ, مەيٸرجان تٶرەباەۆ, امانگەلدٸ ٶتەشوۆ, اسىلحان تٶلەپوۆ, ارتۋر تٶلەپوۆ, ايان ٶتەپبەرگەن, نۇرلان مۇساەۆ, ەركەبۇلان دايىروۆ, ەلٸبەك سەرعاليەۆ, نۇربولات ابدۋللين سىندى ٶنەرپازدار بار.
