اقتٶبە وبلىسىنىڭ ەكٸمٸ «سنپس-اقتٶبەمۇنايگاز» اق مەن «Gas Processing Company» جشس-نٸڭ جۇمىسىمەن تانىستى. مۇناي-گاز كومپانيياسىنا جەرگٸلٸكتٸ ازاماتتاردى كٶپتەپ جۇمىسقا تارتۋدى تاپسىردى, دەپ حابارلايدى "ۇلت اقپارات" ٶڭٸر باسشىسىنىڭ باسپاسٶز قىزمەتٸنە سٸلتەمە جاساپ.
وڭداسىن ورازالين مۇعالجار جەنە بايعانين اۋداندارىنا جۇمىس ساپارىمەن باردى. الدىمەن «Cنپس-اقتٶبەمۇنايگاز» اق-نىڭ جاڭاجول گاز ٶڭدەۋ زاۋىتىنداعى جۇمىسپەن تانىستى. جىلىنا 7 ملرد تەكشە مەتر گاز ٶندٸرۋشٸ «Cنپس-اقتٶبەمۇنايگاز» اق-ى ٶڭٸردەگٸ يندۋسترييالاندىرۋ كارتاسىنا ەنگەن ەڭ ٸرٸ كەسٸپورىنداردىڭ بٸرٸ. مۇندا 1585 ادام جۇمىس ٸستەيدٸ.
«وبلىس باسشىسى بايعانين اۋدانىنداعى 2018 جىلى ٸسكە قوسىلعان «Gas Processing Company» جشس-نٸڭ جۇمىسىن كٶردٸ. جىلىنا 300 ملن تەكشە مەتر كٶگٸلدٸر وتىن, 37 مىڭ توننا تەحنيكالىق پروپان-بۋتان قوسپاسىن, 5400 توننا گاز كوندەنساتىن, 10 500 توننا كٷكٸرت شىعارۋعا قۋاتتى. 260-قا جۋىق ازامات جۇمىسپەن قامتىلعان. ٶندٸرٸس ورنى تازارتۋ, كەپتٸرۋ, ٸلەسپە مۇناي گازىن جان-جاقتى دايىنداۋمەن اينالىسادى. وڭداسىن ورازالين «سنپس-اقتٶبەمۇنايگاز» اق, «Gas Processing Company» جشس-نٸڭ باسشىلىعىنا قورشاعان ورتانى بارىنشا لاستاماۋدى جەنە كەسٸپورىنعا جەرگٸلٸكتٸ ازاماتتاردى كٶپتەپ جۇمىسقا تارتۋدى تاپسىردى», - دەپ حابارلادى وبلىس ەكٸمٸنٸڭ باسپاسٶز قىزمەتٸ.
ايتا كەتەيٸك, بۇدان كەيٸن ەكٸم جاڭاجول اۋىلدىق وكرۋگٸنٸڭ ورتالىعى ويماۋىت اۋىلىندا بارىپ, مەكتەپ, بالاباقشا, امبۋلاتورييا جۇمىستارىن كٶردٸ. بارلىعى 40 ورىندى «ويماۋىت» بالاباقشاسى العاشىندا مەكتەپ جانىنداعى ينتەرنات ماقساتىندا سالىنعان عيماراتتا ورنالاسقان. عيمارات 2006 جىلى كٷردەلٸ جٶندەۋدەن ٶتۋ بارىسىندا بالاباقشا بولىپ ٶزگەرتٸلگەن. اۋىل بالالارىنىڭ ۋاقىتىن تيٸمدٸ ٶتكٸزۋٸنە جاعدايلار جاسالعان. مۇندا 6 پەداگوگ جۇمىس ٸستەيدٸ.
وڭداسىن ورازالين س.جيەنباەۆ اتىنداعى ورتا مەكتەبٸنٸڭ جاڭا وقۋ جىلىنا دايىندىعىن كٶردٸ. 140 ورىنعا ارنالعان مەكتەپ زاماناۋي قۇرال-جابدىقتارمەن قامتىلعان. بٸلٸم ورداسى 2014 جىلى كٷردەلٸ جٶندەۋدەن ٶتٸپ, قازٸردە 36 مۇعالٸم قىزمەت ەتەدٸ. وبلىس ەكٸمٸ مەدەنيەت ٷيٸندە ويماۋىتتىق تۇرعىندارمەن كەزدەسٸپ, اۋىل مەسەلەلەرٸن تىڭدادى.
