اباي وبلىسىنىڭ كٶكپەكتٸ اۋدانىندا بانك شوتىن بٶگدە ادامداردىڭ پايدالانۋىنا بەرگەن 30 جاستاعى ەيەل سوتتالدى. ول شوتىن پايدالانعانى ٷشٸن 40 مىڭ تەڭگە سىياقى العان, دەپ حابارلايدى ult.kz.
Polisia.kz مەلٸمەتٸنشە, وقيعا 1 ناۋرىزدا باستالعان. ەيەل Instagram جەلٸسٸنەن بانك شوتىن جالعا بەرۋ ارقىلى اقشا تابۋعا بولاتىندىعى تۋرالى حابارلاندىرۋ كٶرگەن. سٸلتەمە ارقىلى Telegram-عا ٶتٸپ, بەلگٸسٸز اداممەن بايلانىسقا شىققان.
حات الماسۋ بارىسىندا وعان ەرتٷرلٸ ادامداردان اقشا قابىلداۋ ٷشٸن ٶزٸنٸڭ بانك شوتىن ٷشٸنشٸ تۇلعالاردىڭ پايدالانۋىنا بەرۋ ۇسىنىلعان. ول ٷشٸن سىياقى تٶلەنەتٸنٸ ايتىلعان.
ەيەل كٷمەندٸ ۇسىنىستان باس تارتا السا دا, وعان كەلٸسٸپ, بانك شوتىن بٶگدە ادامداردىڭ پايدالانۋىنا بەرگەن. 2-9 ناۋرىز ارالىعىندا شوتىنا ەرتٷرلٸ ادامداردان اقشا اۋدارىلعان. ال شوتىن پايدالانۋعا بەرگەنٸ ٷشٸن ول 40 مىڭ تەڭگە العان.
سوت ەيەلدٸڭ ەرەكەتٸن بانك شوتىنا, تٶلەم قۇرالىنا نەمەسە سەيكەستەندٸرۋ قۇرالىنا قولجەتٸمدٸلٸكتٸ زاڭسىز ۇسىنۋ, بەرۋ جەنە الۋ, سونداي-اق تٶلەمدەر مەن اقشا اۋدارىمدارىن زاڭسىز جٷزەگە اسىرۋعا قاتىستى قىلمىستىق قۇقىق بۇزۋشىلىق رەتٸندە سارالادى.
سوت ٷكٸم شىعارعان كەزدە ەيەلدٸڭ كٸنەسٸن تولىق مويىنداعانىن, جاساعان ٸسٸنە شىن جٷرەكتەن ٶكٸنگەنٸن جەنە اسىراۋىندا كەمەلەتكە تولماعان بالالارى بارىن ەسكەردٸ.
نەتيجەسٸندە وعان ايىپپۇل تٷرٸندە جازا تاعايىندالىپ, جەبٸرلەنۋشٸلەرگە مەجبٷرلٸ تٶلەم ٶندٸرٸلدٸ.
پوليتسييا ازاماتتاردى ەلەۋمەتتٸك جەلٸلەردەگٸ «وڭاي تابىس» تۋرالى كٷمەندٸ ۇسىنىستارعا سەنبەۋگە شاقىردى. بانك شوتىن نەمەسە تٶلەم قۇرالدارىن بٶگدە ادامدارعا سىياقى ٷشٸن بەرۋ قىلمىستىق جاۋاپتىلىققا ەكەلۋٸ مٷمكٸن.
