بٷگٸن قر پرەمەر-مينيسترٸنٸڭ ورىنباسارى – اۋىل شارۋاشىلىعى مينيسترٸ ٶمٸرزاق شٶكەەۆ تٷركٸستان وبلىسىنىڭ سايرام اۋدانىندا ارنايى جۇمىس ساپارىمەن بولدى. ەلباسىنىڭ 2018 جىلدىڭ 5 قازانىنداعى «قازاقستاندىقتاردىڭ ەل-اۋقاتىنىڭ ٶسۋٸ: تابىس پەن تۇرمىس ساپاسىن ارتتىرۋ» اتتى قازاقستان حالقىنا ارناعان جولداۋىن تالقىلاۋ ماقساتىمەن كەلگەن ۆيتسە-پرەمەر اۋدانداعى «DALA-FRUIT.KZ» جشس مەن «Nurym Group» جشس-ندە بولىپ, ونداعى شارۋاشىلىقتىڭ بٷگٸنگٸ جاي-كٷيٸمەن تانىستى.
ەڭ الدىمەن, «DALA-FRUIT.KZ» جشس-نٸڭ قارقىندى باۋ شارۋاشىلىعىنداعى بٸرشاما جەتٸستٸكتەرگە كۋە بولعان ٶ.شٶكەەۆ وبلىستا جەمٸس-جيدەك, جٷزٸم شارۋاشىلىعىنىڭ ەگٸس كٶلەمٸن ۇلعايتۋ, گەكتار تٷسٸمدٸلٸگٸن ارتتىرۋ مەسەلەسٸ بارلىق ۋاقىتتا كٷن تەرتٸبٸنەن تٷسپەي, ەردايىم دامىپ كەلە جاتقانىنان حاباردار بولدى.
ايتا كەتسەك, قارقىندى باۋ شارۋاشىلىعىن مەملەكەتتٸك قولداۋدىڭ ارقاسىندا, جەمٸس-جيدەك داقىلدارى مەن جٷزٸمنٸڭ كٶپجىلدىق ەكپەلەرٸنٸڭ كٶلەمٸ جىلدان-جىلعا ۇلعايۋدا. سونىمەن قاتار, باۋ ارالىق اگروتەحنولوگييالاردى جٷرگٸزۋ ٷشٸن قاجەتتٸ تەحنيكالارعا جەنە ساتىلىپ الىنعان شەتەلدٸك, وتاندىق كٶشەتتەرگە سۋبسيدييا تٶلەنۋدە. بۇل كٶمەكتەر تاۋار ٶندٸرۋشٸلەردٸڭ قارقىندى باۋ ەگۋگە دەگەن قىزىعۋشىلىعىن ارتتىرىپ, اعىمداعى جىلى 0,9 مىڭ گا جەمٸس, 0,4 مىڭ گا جٷزٸم, 0,2 مىڭ گا جاڭعاق, 0,1 مىڭ گا تاڭقۋراي ەگٸلدٸ.
وبلىس بويىنشا جەمٸس-جيدەكتٸڭ كٶلەمٸ 17,5 مىڭ گا, جٷزٸم 9,6 مىڭ گا قۇراپ, 2018 جىلى جەمٸس-جيدەكتەن 116,4 مىڭ توننا, جٷزٸمنەن 72,0 مىڭ توننا ٶنٸم الىندى. تاۋار ٶندٸرۋشٸلەردٸ وتاندىق جەمٸس پەن جٷزٸمنٸڭ ەليتالىق كٶشەتٸمەن قامتاماسىز ەتۋ ماقساتىندا 7 كٶشەت ٶندٸرەتٸن ەليتالىق شارۋاشىلىق ۇيىمداستىرىلعان.
ٶز كەزەگٸندە, قر پرەمەر-مينيسترٸنٸڭ ورىنباسارى – اۋىل شارۋاشىلىعى مينيسترٸ پرەزيدەنتتٸڭ قازاقستان حالقىنا ارناعان جولداۋىندا اگروٶنەركەسٸپ كەشەنٸنٸڭ ەلەۋەتٸن تولىق ٸسكە اسىرۋ كەرەكتٸگٸن جەنە نەگٸزگٸ مٸندەت - ەڭبەك ٶنٸمدٸلٸگٸ مەن قايتا ٶڭدەلگەن اۋىل شارۋاشىلىعى ٶنٸمٸنٸڭ ەكسپورتىن 2022 جىلعا قاراي 2,5 ەسە كٶبەيتۋ تۋرالى تاپسىرما بەرگەنٸن ايتىپ, اگروٶنەركەسٸپ كەشەنٸندە اتالعان تاپسىرماعا قول جەتكٸزۋ ٷشٸن سالانى ەرتاراپتاندىرۋ, ونىڭ ٸشٸندە مال شارۋاشىلىعىن دامىتۋدىڭ الاتىن ورنى ەرەكشە ەكەنٸن اتاپ ٶتتٸ.
بۇل رەتتە, ٶ.شٶكەەۆكە «تٷركٸستان وبلىسىنىڭ ەت كلاستەرٸن» ودان ەرٸ دامىتۋ ماقساتىندا تاياۋدا جۇمىسىن باستايتىن سايرام اۋدانىنداعى «Nurym Group» جشس-ٸ كٶرسەتٸلدٸ. اۋداننىڭ مانكەنت اۋىلىنان اشىلاتىن مال بورداقىلاۋ الاڭى «قايىپ اتا» جشس-نٸڭ ەنشٸلەس ۇيىمى بولىپ تابىلادى. نەگٸزگٸ باعىتى - 10 000 باس ٸرٸ قارا مالداردى بورداقىلاۋ الاڭىندا سەمٸرتۋ, سونىمەن قاتار, قۇراما جەم تسەحى مەن مال سويۋ الاڭىمەن قامتۋ. جوبانىڭ قۇنى 3,456 ملرد تەنگە. قارجىلاندىرۋ كٶزٸ - 2,368 ملرد. تەڭگە جەكە قارجىسى, 1 088 ملرد تگ نەسيەلٸك قارجى. بولاشاقتا 80 ادامدى جۇمىسپەن قامتۋدى كٶزدەپ وتىرعان سەرٸكتەستٸك جىلىنا 5 مىڭ توننا ەت ٶندٸرەتٸن بولادى.
وبلىستا قازٸرگٸ تاڭدا ٸرٸ قارا مال سانى - 948 020 باس, ونىڭ ٸشٸندە انالىعى 451 216 باس. سىيىمدىلىعى 176 430 باستى قۇرايتىن شاعىن 10-15 باستىق 14 مىڭنان استام مال بورداقىلاۋ الاڭدارى بار. مۇنان بٶلەك, سىيىمدىلىعى 18 000 باستى قۇرايتىن 1000 باستان باستالاتىن 8 بورداقىلاۋ الاڭى بار. جالپى, بارلىق مال بورداقىلاۋ الاڭدارىنىڭ سىيىمدىلىعى 194 430 باستى قۇرايدى.
بٷگٸنگٸ كٷنٸ جالپى 7 مىڭ توننا ٸرٸ قارا مال ەتٸ يران مەن ٶزبەكستان ەلدەرٸنە ەكسپورتتالدى. سىيىمدىلىعى 5 مىڭ باستىق ٸرٸ قارا مالدى بورداقىلاۋ الاڭى, «قايىپ اتا» جشس-ٸ بٷگٸنگٸ كٷنٸ رەسپۋبليكا بويىنشا ەڭ ٷلكەن مال ەتٸن ەكسپورتتاۋشى بولىپ تابىلادى. ەت ٶندٸرۋ قۋاتتىلىعى جىلىنا 4 مىڭ توننا.
ٶڭٸرٸمٸزگە ساپارى سوڭىندا ٶ.شٶكەەۆ قوس شارۋاشىلىقتىڭ جۇمىستارىنا وڭ باعاسىن بەرٸپ, ەلباسى جولداۋىن ٸسكە اسىرۋدا تٷركٸستان وبلىسىندا قارقىندى باۋ شارۋاشىلىعىن دامىتىپ, ٶڭٸرٸمٸزدٸڭ ەربٸر اۋدانىندا ٸرٸ مال بورداقىلاۋ الاڭدارىن سالۋدى تاپسىردى.
ٶمٸرزاق شٶكەەۆ سايرام اۋدانىندا ارنايى جۇمىس ساپارمەن بولدى
