فرانتسييادا كوروناۆيرۋس جۇقتىرۋ كٶرسەتكٸشٸ ارتتى, دەپ حابارلايدى قازاقپارات Covid-19 تارالۋىنا جول بەرمەۋ جٶنٸندەگٸ ۆەدومستۆوارالىق كوميسسييانىڭ Telegram كانالىنا سٸلتەمە جاساپ.
بٸر كٷن بۇرىن COVID-19 جۇقتىرۋدىڭ جاڭا جاعدايلارىنىڭ رەكوردتىق سانى 350 000-نان استى, دەپ حابارلادى دەنساۋلىق ساقتاۋ مينيسترٸ وليۆە ۆەران.
دەنساۋلىق ساقتاۋ مينيسترلٸگٸنٸڭ باسشىسى بۇل ساندار ەپيدەمييا باستالعاننان بەرٸ ەڭ جوعارى بولىپ تابىلاتىنىن اتاپ ٶتتٸ. سالىستىرۋ ٷشٸن شەنەۋنٸك ٶتكەن اپتادا ۆيرۋس جۇقتىرعانداردىڭ ەڭ كٶپ سانى تەۋلٸك ٸشٸندە 332 000 بولعانىن ايتتى.
كوروناۆيرۋستىڭ جاڭا «وميكرون» شتامى وڭتٷستٸك امەريكاعا جەتتٸ. برازيلييادا ول باسىم شتامعا اينالدى, - دەپ مەلٸمدەدٸ ەلدٸڭ دەنساۋلىق ساقتاۋ مينيسترٸ مارسەلو كەيروگا.
سونداي-اق, ول COVID-19 وسى تٷرٸنە بايلانىستى اۋرۋحاناعا جاتقىزۋ دەڭگەيٸنٸڭ جوعارىلاعانى تۋرالى حابارلادى. ٶز كەزەگٸندە ەپيدەميولوگتار جاڭا جىلدىق دەمالىستان كەيٸن اۋرۋدىڭ ٶسكەنٸن اتاپ ٶتتٸ. وسى ۋاقىتتا برازيلييادا حالىقتىڭ 60%-دان استامى كوروناۆيرۋسقا قارسى ۆاكتسيناتسييالانعان.
