استانادا جول اپاتىنان مەرت بولعان اقىن ولجاس سٷلەيمەنوۆتٸڭ نەمەرەسٸ - ەسكەندٸر سٷلەيمەنوۆتٸڭ ٶلٸمٸنە قاتىستى بٷگٸنگٸ سوت پروتسەسٸ اياقتالدى. سوت وتىرىسىندا مارقۇمنىڭ دوسى قۋانىش تۇراتاەۆ دوسى ەسكەندٸردٸڭ قانداي ادام بولعانىن ايتىپ بەردٸ, دەپ حابارلايدى قازاقپارات تٸلشٸسٸ.
«مەن - ەسكەندٸردٸڭ دوسى ەرٸ ەرٸپتەسٸمٸن. بٸز ۇلتتىق كومپانييادا بٸر جىلداي بٸرگە جۇمىس ٸستەدٸك. مەنٸڭ ەيەلٸم مەن ەسكەندٸر فرانتسييادا بٸرگە وقىعان. مەنٸڭ زايىبىم ونى ٶزٸنٸڭ باۋىرى دەپ ەسەپتەيتٸن. ول بٸزدٸڭ وتباسى ٷشٸن ٶتە جاقىن ادام ەدٸ. بٸر-بٸرٸمٸزدٸ بۇرىن سىرتتاي بٸلگەنٸمٸزبەن, كەيٸن الماتىدا تانىستىق. ەسكەندٸر سەنٸمدٸ دوس ەرٸ ەرٸپتەس ەدٸ. قيىن سەتتەردە سەنۋگە بولاتىن ناعىز ازامات بولاتىن. جاقىندارى مەن تۋىستارىنىڭ قۋانىشىنا شىن جٷرەگٸمەن قۋانا بٸلەتٸن. ول شىنايى ادام ەدٸ. كٶكجيەگٸ كەڭ بولاتىن. ٶنەردٸ جاقسى تٷيسٸندٸ, پوەزييانى سٷيدٸ. ٶلەڭ جازىپ جٷردٸ. يتاليان جەنە اعىلشىن تٸلٸن جەتٸك بٸلدٸ», - دەيدٸ ەسكەندٸردٸڭ دوسى.
ونىڭ ايتۋىنشا, ەسكەندٸردٸڭ ەربٸر جاعدايعا قاتىستى ٶزٸندٸك پٸكٸرٸ بولاتىن.
«ول ٶتە اشىق ادام ەدٸ. سٷيٸكتٸسٸن, تۋىستارىن, دوستارىن جاقسى كٶردٸ. بٸز ٷنەمٸ بٸرگە تٷستەنەتٸنبٸز. سونداي تٷسكٸ استاردىڭ بٸرٸندە ٷيلەنۋ تۋرالى ۇسىنىستى قالاي جاساۋعا بولاتىنى جٶنٸندە اقىلداسقانىمىز بار. ونىڭ ەرٸپتەسٸ رەتٸندە ايتارىم - ول بٸزدٸڭ كومپانييانىڭ جاۋاپتى دەپارتامەنتتەرٸنٸڭ بٸرٸندە ەڭبەك ەتتٸ. جاۋاپكەرشٸلٸگٸ مول مامان, سالماقتى ساراپشى بولدى. ۇجىم ونى بايسالدى ەرٸ جاۋاپتى مامان رەتٸندە بٸلەدٸ. ونىمەن كەز كەلگەن ۋاقىتتا اقىلداسىپ, ماڭىزدى سۇراقتاردىڭ جاۋابىن تابۋعا بولاتىن ەدٸ. ەسكەندٸردٸڭ ديپلوماتييالىق قاسيەتٸن بٸلگەن باسشىلىق ونى ٸسكەرلٸك كەلٸسسٶزدەرگە جۇمىلدىرىپ تا جٷردٸ. قىسقاسى, ونى ۇجىمدا بەرٸ باعالايتىن, جاقسى كٶرەتٸن», - دەدٸ قۋانىش تۇراتاەۆ.
دوسىنىڭ ايتۋىنشا, ەسكەندٸر شەتەلدەن وقىپ كەلگەننەن كەيٸن ٶز وتانىنىڭ دامۋىنا ٷلەس قوسۋدى ماقسات تۇتقان.
ەسكە سالا كەتسەك, وسى جىلدىڭ ماۋسىمىندا استاناداعى جول اپاتىندا ولجاس سٷلەيمەنوۆتٸڭ 26 جاستاعى نەمەرەسٸ ەسكەندٸر سٷلەيمەنوۆ مەرت بولعان ەدٸ. ەسكەندٸر تٸزگٸندەگەن موتوتسيكل قيىلىسقا شىققان كٶلٸككە سوعىلدى.
ارادا كٶپ ٶتپەي استانا قالالىق ٸشكٸ ٸستەر دەپارتامەنتٸ اپاتقا سەبەپكەر بولۋى مٷمكٸن Hyundai اۆتوكٶلٸگٸنٸڭ يەسٸ, 29 جاستاعى استانالىق كەلٸنشەككە قاتىستى تەرگەۋ امالدارى جٷرٸپ جاتقانىن حابارلاعان ەدٸ.
سونداي-اق, قالالىق پوليتسييا دەپارتامەنتٸ ەسكەندٸر سٷلەيمەنوۆتٸڭ موتوتسيكلى سوعىلعان جٷرگٸزۋشٸ قىزىلوردا وبلىستىق ٸشكٸ ٸستەر دەپارتامەنتٸ باستىعىنىڭ قىزى ەكەنٸن راستاعان.
ايتا كەتسەك, 12 قازاندا ولجاس سٷلەيمەنوۆتٸڭ نەمەرەسٸنٸڭ ٶلٸمٸنە قاتىستى سوت پروتسەسٸ باستالىپ, ەسكەندٸر سٷلەيمەنوۆ قازا تاپقان جول اپاتى بويىنشا سوتتالۋشى ماليكا مۇحيتوۆا مارقۇمنىڭ اتا-اناسىنان كەشٸرٸم سۇراعان ەدٸ.
