Nazarbayev University-دە قازاقستان پرەمەر-مينيسترٸ ولجاس بەكتەنوۆتٸڭ تٶراعالىعىمەن نازارباەۆ ۋنيۆەرسيتەتٸ, نازارباەۆ زيياتكەرلٸك مەكتەپتەرٸ جەنە نازارباەۆ قورى جوعارى قامقورشىلىق كەڭەسٸنٸڭ وتىرىسى ٶتتٸ. بۇل تۋرالى پرەمەر-مينيستردٸڭ رەسمي سايتى حابارلايدى.
كەڭەس مٷشەلەرٸ NU-دىڭ جوعارى فۋنكتسيونالدى زەرتحانالارىمەن جەنە عالىمداردىڭ جاڭا ەزٸرلەمەلەرٸمەن, اتاپ ايتقاندا اقىلدى جٷيەلەر جەنە جاساندى ينتەللەكت ينستيتۋتىمەن, يمپۋلستٸك ٷدەتكٸش زەرتحاناسىمەن, زاماناۋي نانوماتەريالدارمەن, گەنومدىق جەنە دەربەستەندٸرٸلگەن مەديتسينامەن تانىستى.
جوعارى قامقورشىلىق كەڭەسٸنٸڭ تٶراعاسى ولجاس بەكتەنوۆ عىلىم مەن ٶندٸرٸستٸ ينتەگراتسييالاۋدىڭ, سونداي-اق قازاقستاندىق عىلىمي قوعامداستىق ٷشٸن عىلىمي ينفراقۇرىلىمعا قولجەتٸمدٸلٸكتٸ كەڭەيتۋ جٶنٸندەگٸ ناقتى مٸندەتتەردٸ اتاپ كٶرسەتتٸ. NU-دىڭ ٶنەركەسٸپتٸك ٶندٸرٸستەرگە جاقىن ورنالاسقان ٶڭٸرلٸك جوعارى وقۋ ورىندارىمەن ٶزارا ٸس-قيمىل جاساۋ مەسەلەلەرٸنە ەرەكشە نازار اۋدارۋ قاجەت.
«ۋنيۆەرسيتەت عىلىمي جەنە بٸلٸم بەرۋ رەسۋرستارىن دامىتۋدى كٷشەيتٸپ, ٶز ەزٸرلەمەلەرٸن كوممەرتسييالاندىرۋ ٷشٸن ٶنەركەسٸپتٸك كەسٸپورىندارمەن ەرٸپتەستٸكتٸ نىعايتۋى قاجەت. مۇنىڭ بارلىعى عىلىمنىڭ ەل ەكونوميكاسىنا قوساتىن ٷلەسٸن ارتتىرۋعا ىقپال ەتەدٸ. زيياتكەرلٸك مەكتەپتەردٸڭ ەلەۋەتٸن ٶڭٸرلەردەگٸ مەكتەپتەردٸ قولداۋ ٷشٸن بارىنشا پايدالانۋ كەرەك. بٸزدٸڭ مٸندەتٸمٸز – بالالاردى ساپالى بٸلٸممەن قامتاماسىز ەتۋ. بٸز ٶز تاراپىمىزدان قاجەتتٸ قولداۋ كٶرسەتەمٸز», — دەپ اتاپ ٶتتٸ ولجاس بەكتەنوۆ.
قازٸرگٸ ۋاقىتتا NU زەرتحانالارىنداعى زەرتتەۋشٸلەر توبى جاساندى ينتەللەكتٸنٸ دامىتۋ, جاسىل تەحنولوگييالاردى ەنگٸزۋ ٷشٸن وپتوەلەكترونيكا سالاسىنداعى يننوۆاتسييالاردى زەرتتەۋ, كٷردەلٸ اۋرۋلاردى دياگنوستيكالاۋ جەنە ەمدەۋ مٷمكٸندٸكتەرٸن كەڭەيتۋ مەسەلەلەرٸمەن اينالىسادى.
«بٸز پرەپاراتتىڭ بٸرٸنشٸ جەنە ەكٸنشٸ فازالارىن باستاپقى زەرتتەۋدٸ اياقتادىق جەنە جاقسى نەتيجەلەرگە قول جەتكٸزدٸك. بٸز كلينيكالىق سىناقتاردى جٷرگٸزۋدٸ جالعاستىرامىز, ونىڭ بارىسىندا ەمدەلۋ كەزٸندە ماكسيمالدى ەسەر الۋ ٷشٸن پرەپاراتتىڭ ەڭ جوعارى تٶزٸمدٸ دوزاسىنا شىعۋ كەرەك», — دەدٸ National Laboratory Astana (NLA) ديرەكتورى دوس سارباسوۆ ٶز كومانداسىنىڭ قاتەرلٸ ٸسٸككە قارسى تيٸمدٸ دەرٸ جاساۋ بويىنشا جۇمىسى تۋرالى.
«زەرتحانامىزدا دامىتىپ جاتقان نەگٸزگٸ باعىتتاردىڭ بٸرٸ – قازاقستاندىق رەفەرەنستٸ گەنومدى زەرتتەۋ. ياعني گەنومدىق نۇسقالاردىڭ رەفەرەنستٸ بازاسىن قۇرۋ ٷشٸن باسقا پوپۋلياتسييالاردان قانشالىقتى ەرەكشەلەنەتٸنٸمٸزدٸ زەرتتەۋ», — دەدٸ NU جانىنداعى NLA ٶمٸر تۋرالى عىلىمدار ورتالىعى ديرەكتورىنىڭ مٸندەتٸن اتقارۋشى اينۇر اقىلجانوۆا.
