قازاقستان وليمپيادالىق كومانداسىنىڭ نەگٸزگٸ بٶلٸگٸ جاپونيياعا ۇشىپ كەتتٸ, دەپ حابارلايدى "ۇلت اقپارات".
توكيوعا «اقبۇلاق» وليمپيادالىق بازاسىنان كاراتەشٸلەر, ساداق اتۋشىلار, ٷستەل تەننيسٸ مەن سەمسەرلەسۋ كومانداسى, اۋىر اتلەتتەر مەن بوكسشىلار اتتاندى. ٶزگە دە جاتتىعۋ بازالارىنان جٷزۋ سپورتىنىڭ, سۋ دوبى سپورتىنىڭ ٶكٸلدەرٸ, جەڭٸل اتلەتتەر, ۆەلوشاباندوزدار, ستەند اتۋ مەن نىسانا كٶزدەۋدەن قۇراما كوماندالار, سونداي-اق دزيۋدوشىلار دا توكيوعا جول تارتتى.
«اتلەتتەر ەكٸ اپتالىق كارانتيندە بولىپ, سوڭعى جاتتىعۋ جيىندارىن الماتى قالاسى مەن الماتى وبلىسىندا ٶتكٸزدٸ. ويىن قارساڭىنداعى سوڭعى كٷندەردٸ سپورتشىلار وقشاۋلانۋ رەجيمٸندە ٶتكٸزٸپ, سىرتقى ەلەممەن بايلانىسقا تٷسكەن جوق», - دەلٸنگەن حابارلامادا.
«بٸز وليمپيادا ويىندارىنا قاتىسۋشى سپورتشىلاردىڭ قاۋٸپسٸزدٸگٸنە باعىتتالعان حوك پەن توكيو-2020 ۇيىمداستىرۋ كوميتەتٸنٸڭ بارلىق تالاپتارىن ورىندادىق. ۇلتتىق وليمپيادالىق كوميتەت پەن ۇلتتىق فەدەراتسييالار سپورتشىلاردىڭ ساپالى ەرٸ قاۋٸپسٸز دايىندالۋىنا بار جاعدايدى جاسادى. بٸزدٸڭ كومانداداعى 96 سپورتشى ورتاق ەڭبەگٸمٸزدٸڭ جەمٸسٸ. سپورتشىلار مەن باپكەرلەرگە, سونداي-اق, سپورتتىق دەرٸگەرلەرگە بٸرلەسكەن جۇمىسى ٷشٸن راحمەت ايتامىز», - دەلٸنگەن ۇلتتىق وليمپيادالىق كوميتەتتٸڭ جازباسىندا.
دەلەگاتسييانىڭ العاشقى بٶلٸگٸ چارتەرلٸك رەيسپەن الماتىدان توكيوعا ۇشىپ كەتتٸ. وسى ورايدا, بارلىق قاۋٸپسٸزدٸك شارالارى ساقتالعان. دەلەگاتسييانىڭ اەروپورت جەنە ەۋەكومپانييا قىزمەتكەرلەرٸمەن بايلانىسقا مەيٸلٸنشە از تٷسۋٸ قاداعالانۋدا. اۆياتسييالىق قىزمەتكەرلەردٸڭ بارلىعى دا ەكٸ مەرتە پتر سىناقتان ٶتتٸ.
28 شٸلدەگە جوسپارلانعان ەكٸنشٸ رەيسپەن جاپونيياعا 43 ادام جول تارتادى. ولاردىڭ قاتارىندا بالۋاندار, كٶركەم گيمناستيكادان قازاقستان كومانداسى, ەرتٸستٸك جٷزۋ, بەسسايىس جەنە جەڭٸل اتلەتتەردٸڭ بٸر بٶلٸگٸ بار.
جاتتىعۋ كەزٸندە ارنايى سپورتتىق بازالاردى قاجەت ەتكەن سپورتشىلاردىڭ شامامەن ٷشتەن بٸر بٶلٸگٸ كارانتين مەن دايىندىقتىڭ اقىرعى كەزەڭٸن شەتەلدە ٶتكٸزدٸ. ولار تٸكەلەي توكيونى بەتكە الادى.
8 شٸلدەدەن باستاپ جاپونييادا وليمپيادا ويىندارىنداعى قازاقستان ميسسيياسى جۇمىسىن باستادى. قازاقستان ەلشٸلٸگٸ مەن سٸم قولداۋى ارقىلى سپورتشىلارمەن كەزدەسۋگە قاجەتتٸ زاتتار مەن جاتتىعۋعا كەرەكتٸ قوسىمشا قۇرىلعىلاردىڭ بارلىعى دا دايىندالدى.
وليمپيادا اۋىلىنداعى تٸرشٸلٸك تە كارانتين تالاپتارىنا ساي بولماق. تٷرلٸ ەل كوماندالارىنىڭ, ەرتٷرلٸ سپورت تٷرلەرٸندەگٸ اتلەتتەردٸڭ ٶزارا بايلانسۋىنا تىيىم سالىنعان. وليمپيادالىق اۋىل مەن جاتتىعۋ جەنە سپورت زالدارىنىڭ اراسىنداعى مارشرۋتتان اۋىتقۋعا بولمايدى, قوعامدىق كٶلٸكتٸ پايدالانۋعا رۇقسات جوق. كوروناۆيرۋسقا بايلانىستى كٷن سايىن تەست تاپسىرۋ مٸندەتتٸ سانالادى. سونىمەن قاتار, سپورتشىلاردىڭ جٷرگەن ورنى مەن دەنساۋلىق جاعدايىن باقىلايتىن بٸرنەشە قوسىمشالاردى ۇيالى تەلەفونعا ورناتۋ مٸندەتتەلەدٸ.
قازاقستان وليمپيادالىق كومانداسىنىڭ ساپىندا 97 ليتسەنزييا جەڭٸپ العان 96 سپورتشى بار.
وليمپيادا ويىندارىنىڭ اشىلۋ سالتاناتى 23 شٸلدە كٷنٸ نۇر-سۇلتان ۋاقىتىمەن 17:00-دە توكيو ستاديونىندا باستالادى.
