توكيو وليمپياداسىنا قازاقستاننان 95 سپورتشى قاتىسادى. ۇلتتىق وليمپيادا كوميتەتٸ بۇل سان 5 شٸلدەدەن كەيٸن ارتۋى مٷمكٸن ەكەندٸگٸن ايتۋدا, دەپ حابارلايدى "ۇلت اقپارات".
قازاقستان بٸرٸنشٸ رەت وليمپيادا باعدارلاماسىنا جاڭادان ەنگەن سپورت تٷرلەرٸ, اتاپ ايتقاندا, سپورتتىق قۇزعا ٶرمەلەۋ جەنە كاراتە بويىنشا قاتىسادى. كاراتەدەن بٸردەن بەس سپورتشى, ەرلەردەن دارحان اسادٸلوۆ, نۇرقانات ەجٸقانوۆ, دانييار يۋلداشەۆ پەن ەيەلدەردەن مٶلدٸر جاڭبىرباي مەن سوفيا بەرۋلتسەۆا, ال قۇزعا ٶرمەلەۋدەن ريشات حايبۋللين باق سىنايدى.
تانىمال قازاقستاندىق جەڭٸل اتلەت ولگا رىپاكوۆا وتاندىق وليمپيادالىق قۇرامنىڭ كٶشباسشىسى بولاتىنى سٶزسٸز. بۇل دودا ولگانىڭ سپورت مانسابىنداعى تٶرتٸنشٸ وليمپياداسى بولماق. بٷگٸندە ونىڭ قورجىنىندا وليمپيادا مەدالدارىنىڭ تولىق جيىنتىعى بار. ول بۇعان دەيٸن قاتىسقان بارلىق وليمپيادادان جٷلدەمەن ورالعان بولاتىن.
سۋ دوبىنان ەرلەر قۇراماسى كوماندالىق ويىن تٷرلەرٸنەن جارىسقا قاتىساتىن قازاقستاندىق جالعىز قۇراما بولىپ وتىر. ولار وليمپيادا ويىندارىنا سەگٸز جىلدان كەيٸنگٸ ٷزٸلٸستەن سوڭ ورالدى.
دەستٷر بويىنشا قامشىبەك قوڭقاباەۆ باستاعان بوكستان ەرلەر كومانداسى تولىق قۇراممەن, سەگٸز سالماق بويىنشا قاتىسادى. ەل قورجىنىنداعى توعىز جولداما بوكسشىلارعا تيەسٸلٸ.
گيمناست ميلاد كاريمي جالعىز ٶزٸ جەتٸ جولدامانى ەنشٸلەپ, ٸرٸكتەۋ كەزەڭٸن سەتتٸ اياقتادى.
جٷزۋدەن قازاقستان ٷش جولدامانى يەلەندٸ. ونىڭ ەكەۋٸن وليمپيادا چەمپيونى دميتريي بالاندين جەڭٸپ الدى.
وتانداسىمىز رۋسلان قۇربانوۆ حالىقارالىق سەمسەرلەسۋ فەدەراتسيياسىنىڭ جەكە رەيتينگٸ بويىنشا قۇرلىقتىق كۆوتانى جەڭٸپ العان التى سپورتىشىنىڭ قاتارىنا ەندٸ.
افينىداعى وليمپيادا ويىندارىنان كەيٸن (2004) العاش رەت قازاقستاننىڭ ٷش ۆەلوشاباندوزى توپتىق جارىستا باق سىنايدى. مۇنداي نەتيجەگە قول جەتكٸزۋگە كوماندا كٶشباسشىسى الەكسەي لۋتسەنكو ٷلكەن ٷلەس قوستى. ول قازاقستانعا جالپى العاندا ازييا قۇرلىعىنىڭ بٸردە-بٸر مەملەكەتٸ ەنشٸلەمەگەن ۇپايدى ەكەلدٸ. ترەكتەگٸ ۆەلوسپورت (سپرينت, ومنيۋم جەنە كەيرين) بويىنشا ٷش ليتسەنزييا جەڭٸپ الدى. ايتا كەتەرلٸگٸ, سپورتتىڭ بۇل تٷرٸ بويىنشا جولداما قازاقستان ٷشٸن تاريحي بولىپ ەسەپتەلەدٸ. سەبەبٸ, وسى ۋاقىتقا دەيٸن قازاقستاندىق سپورتشىلار اتالعان ديستسيپلينا بويىنشا وليمپيادا ويىندارىنا قاتىسپاعان.
ساداق اتۋدان 20 جىلدان كەيٸن العاش رەت قازاقستاننان ٷش ساداقشى وليمپيادا ويىندارىندا كوماندالىق جارىسقا قاتىسادى.
بٷگٸندە ون بٸر جولداما بالۋاندارعا تيەسٸلٸ بولسا, جەڭٸل اتلەتتەر دە وسى مٶلشەردە ليتسەنزييا جەڭٸپ الدى. تەننيسشٸلەر جەتٸ, ال بايداركا مەن كانوەدە ەسۋدەن التى جولداما قورجىندا. رەيتينگتٸك جارىستار نەتيجەسٸ بويىنشا دزيۋدوشىلار التى جولدامانى يەلەندٸ. توكيو تٶرٸندە بەلدەسەتٸن تاتامي شەبەرلەرٸنٸڭ اراسىندا تەجٸريبەلٸ ەلدوس سمەتوۆ بار.
ٷستەل تەننيسٸنەن قازاقستان قۇراماسىنىڭ ەنشٸسٸندە قوس جولداما, سونداي-اق, تاەكۆوندو مەن سلالومدى ەسۋ بويىنشا سپورتشىلار ەكٸ ليتسەنزييا الدى.
قازٸرگٸ تاڭدا ۇوك كەيبٸر سپورت تٷرلەرٸنەن حالىقارالىق فەدەراتسييالاردىڭ ليتسەنزييالاردى قايتا بٶلۋ, ٷلەستٸرۋ نەتيجەلەرٸن كٷتۋدە.
وليمپيادا ويىنارىنا قاتىساتىن سپورتشىلاردىڭ سوڭعى ەرٸ ناقتى تٸزٸمٸ 5 شٸلدەدەن كەيٸن بەلگٸلٸ بولادى.
«قازاقستاندىق دەلەگاتسييانىڭ باسىم بٶلٸگٸ ەكٸ اپتالىق كارانتيننەن كەيٸن قازاقستاننان توكيوعا اتتانادى. بٸرٸنشٸ ورىنداعى مٸندەتٸمٸز سپورتشىلاردىڭ قاۋٸپسٸزدٸگٸ», - دەپ اتاپ ٶتتٸ ۇلتتىق وليمپيادا كوميتەتٸنەن.
ەندٸ ماڭىزدى مٸندەتتەردٸڭ بٸرٸ وليمپيادا ويىندارى باستالار الدىنداعى سوڭعى كٷندەردٸ ۇيىمداستىرۋ جەنە ماتەريالدىق-تەحنيكالىق جاعىنان قامتاماسىز ەتۋ بولىپ قالا بەرەدٸ. توكيو وليمپياداسىنىڭ ۇيىمداستىرۋ كوميتەتٸ مەن حالىقارالىق وليمپيادا كوميتەتٸ وليمپياداعا قاتىسۋشىلاردىڭ دەنساۋلىعىنا قاۋٸپ تٶندٸرمەۋ جەنە الدىن الۋ ٷشٸن بۇرىن-سوڭدى بولماعان شارالاردى جٷزەگە اسىردى. اتاپ ايتقاندا, قاتىسۋشىلارعا ارنايى ەرەجەلەر جيىنتىعىن «پلەيبۋكتى» شىعاردى. مۇنداي شاراعا سپورتشىلاردىڭ جەنە دەلەگاتسييالاردىڭ باسقا مٷشەلەرٸنٸڭ قوزعالىسىن شەكتەۋ, ۇوك-تان جەنە حالىقارالىق فەدەراتسييالاردان دەلەگاتسييالاردىڭ سانىن قىسقارتۋ, كٷندەلٸكتٸ پتر-تەستٸلەرٸ جەنە وليمپيادا ويىندارىنا قاتىسۋشىلاردىڭ ورنالاسقان جەرٸن ارنايى موبيلدٸ قوسىمشالار ارقىلى ٷنەمٸ قاداعالاۋ كٸرەدٸ. كوماندا جاپونيياعا 16 شٸلدەدە «Air Astana» كومپانيياسىنىڭ قولداۋىمەن ۇيىمداستىرىلعان چارتەرلٸك رەيسپەن ۇشادى.
وليمپيادا ويىندارىنىڭ اشىلۋ سالتاناتى 23 ماۋسىمدا توكيو وليمپيادا ستاديونىندا ٶتەدٸ.
