بٷگٸن يوردانييانىڭ اممان قالاسىندا ٶتٸپ جاتقان بوكستان وليمپياداعا ٸرٸكتەۋ تۋرنيرٸندە ابىلايحان جٷسٸپوۆ العاشقى جەكپە-جەگٸندە جەڭٸسكە جەتتٸ, دەپ حابارلايدى "ۇلت اقپارات".
ەلەمدە «قازاقتىڭ» سالماعى اتىنىپ كەتكەن 69 كەلٸدە ەل نامىسىن قورعاپ جٷرگەن ابىلايحان بٷگٸن العاشقى ايقاسىندا موڭعولييالىق ميشيل باتتٶمٶرگە قارسى ٶتكٸزدٸ. اسا تارتىستى ٶتٸپ جاتقان جەكپە-جەكتٸڭ ٷشٸنشٸ راۋندىندا قارسىلاسىنىڭ قاباعى جارىلىپ كەتتٸ. ٶكٸنٸشكە قاراي, اۋىر جاراقات العان مونعولييالىق بوكسشىعا رينگٸدەگٸ تٶرەشٸ ارى قاراي جەكپە-جەتٸ جالعاستىرۋعا جول بەرمەدٸ. نەتيجەسٸندە, العاشقى راۋندتاردا باسىمدىق تانىتىپ كەلە جاتقان جٷسٸپوۆتٸ تٶرەشٸلەر بٸر اۋىزدان جەڭٸمپاز دەپ تاپتى.
وسىلايشا عالىمبەك كەنجەباەۆ باپتايتىن ۇلتتىق قۇراما بوكسشىلارى ەزٸرگە جەڭٸلٸسسٸز كەلە جاتىر.
وسىعان دەيٸن حابارلاعانىمىزداي, ەرلەر اراسىنان شارشى الاڭعا بٸرٸنشٸ بولىپ شىققان 63 كەلٸ سالماقتا زەكٸر سافيۋللين, ەكٸنشٸ رەت شارشى الاڭعا كٶتەرٸلگەن 81 كەلٸ سالماقتاعى بەكزات نۇردەۋلەتوۆ جەنە قازاقستاندىقتار ساپىنان ەرلەر اراسىندا ٷشٸنشٸ بولىپ ايقاسىن ٶتكٸزگەن 75 كەلٸ سالماقتاعى ەبٸلحان امانقۇل دا العاشقى ايقاسىن جەڭٸسپەن باستاعانى تۋرالى جازعان بولاتىنبىز.
جالپى, اتالعان اممان قالاسىندا ٶتٸپ جاتقان وليمپيادالىق ٸرٸكتەۋ تۋرنيرٸنە باس باپكەر كەنجەباەۆ 8 بوكسشىعا ٷمٸت ارتىپ الىپ كەلگەن بولاتىن.
ولار 52 كەلٸ سالماقتا سەكەن بيبوسىنوۆ, 57 كەلٸدە سەرٸك تەمٸرجانوۆ, 63 كەلٸ سالماقتا زەكٸر سافيۋللين, 69 كەلٸدە ابىلايحان جٷسٸپوۆ, 75 كەلٸ سالماقتا ەبٸلحان امانقۇل, 81 كەلٸدە بەكزاد نۇردەۋلەتوۆ, 91 كەلٸ سالماقتا ۆاسيليي لەۆيت جەنە اسا اۋىر سالماقتا (+91) قامشىبەك قوڭقاباەۆ بار.
