شىمكەنتتٸكتەر قايعىلى وقيعا سالدارىنان اجال قۇشقان وليمپيادا جٷلدەگەرٸ دەنيس تەندٸ مۇز سارايىنىڭ الدىندا ەسكە الدى, دەپ حابارلايدى قازاقپارات تٸلشٸسٸ.
مۇز سارايىنىڭ الدىنا جينالعان جۇرتشىلىق سوچي وليمپياداسىنىڭ قولا جٷلدەگەرٸ دەنيستٸڭ تۋعان-تۋىسقاندارىنا كٶڭٸل ايتىپ, قايعىلارىنا ورتاقتاستىعىن بٸلدٸردٸ.
ادامدار ەسٸمٸ ەلەمگە تانىلعان دەنيستٸڭ مەزگٸلسٸز ٶلٸمٸ وڭتٷستٸك جۇرتشىلىعىنىڭ دا قابىرعاسىن قايىستىرعانىن اتاپ ٶتتٸ. قامشىنىڭ سابىنداي عانا قىسقا عۇمىرىندا جۇلدىزداي جارق ەتٸپ, نەبەرٸ 25 جاسىندا جارىق دٷنيەمەن قوش ايتىسقان سپورتشىنىڭ جەتٸستٸكتەرٸن ەسكە الدى.
شىمكەنتتٸك مەنەرلەپ سىرعاناۋ سپورتشىلارى بولسا ونىمەن بٸرگە بولعان, ەڭگٸمەلەسكەن سەتتەردٸ ەسكە الدى. ونىڭ ٶسٸپ كەلە جاتقان جاس سپورتشىلارعا ٷلگٸ بولعانى ايتىلدى.
قالا تۇرعىندارى ەرٸكسٸز كٶزدەرٸنە جاس الىپ, ونىڭ جارقىلداعان بەينەسٸ مەڭگٸ ەستە قالاتىنىن بٸلدٸردٸ.
قازاقستاندىق مەنەرلەپ سىرعاناۋشى دەنيس تەن 19 شٸلدە كٷنٸ پىشاق جاراقاتىنان قازا بولعان ەدٸ. وقيعا قۇرمانعازى بايسەيٸتوۆا كٶشەلەرٸنٸڭ قيىلىسىندا 19 شٸلدەدە تٷسكٸ ساعات 15:00 شاماسىندا بولعان. سپورتشى كٶلٸگٸنٸڭ ايناسىن ۇرلاماق بولعان ەكٸ ادامنىڭ ٷستٸنەن تٷسكەن. ارادا باستالعان جانجالدىڭ سالدارىنان ۇرىلار دەنيس تەنگە پىشاق سۇعىپ العان. ول وڭ جاق سانىنىڭ جوعارعى تۇسىنا جاراقات الدى. 25 جاستاعى تەن ٷش ليتر قان جوعالتىپ, اۋرۋحاناعا ٶتە اۋىر جاعدايدا جەتكٸزٸلدٸ. بٸراق الماتى قالالىق دەنساۋلىق ساقتاۋ باسقارماسىنىڭ باسشىسى سەرٸكبول مۋسينوۆ قوسىمشا قان قاجەت ەمەستٸگٸن جەنە رەسۋرستار جەتكٸلٸكتٸ ەكەندٸگٸن مەلٸم ەتكەن بولاتىن.
2,5 ساعاتقا جالعاسقان رەانيماتسييالىق شارالارعا قاراماستان, اۋرۋحانا دەرٸگەرلەرٸ ونىڭ ٶمٸرٸنە اراشا تٷسە المادى. ساعات 17.30-دا وليمپيادا جٷلدەگەرٸ قايتىس بولدى.
ادام ٶلتٸرۋ بابىمەن قىلمىستىق ٸس قوزعالدى.
بٷگٸن بەلگٸلٸ بولعانداي, سپورتشىنىڭ ٶلٸمٸنە قاتىسى بار ەكٸ كٷدٸكتٸنٸڭ بٸرٸ ۇستالىپ, ول قىلمىسىن مويىندادى. ەكٸنشٸ كٷدٸكتٸ - 1994 جىلى تۋعان قىزىلوردا وبلىسى, قارماقشى اۋدانى, اقاي اۋىلىنىڭ تۋماسى ارمان قۇدايبەرگەنوۆكە ٸزدەۋ جارييالاندى.
25 جاسىندا ٶمٸرٸ ٷزٸلگەن سپورتشىمەن قوشتاسۋ رەسٸمٸ 21 شٸلدە كٷنٸ الماتىداعى بالۋان شولاق اتىنداعى سپورت سارايىندا ٶتەدٸ. باستالۋى - ساعات 10:00-دە.
