وليمپيادا ويىندارىنا ۇلتتىق كوماندالاردىڭ دايىندىعىنا 789 ملن تەڭگە باعىتتالدى. بۇل تۋرالى بەيجٸڭدەگٸ وليمپيادا ويىندارىنىڭ قورىتىندىسى بويىنشا باسپاسٶز مەسليحاتىندا ۇلتتىق وليمپيادا كوميتەتٸنٸڭ باس حاتشىسى اندرەي كريۋكوۆ ايتتى, دەپ حابارلايدى قازاقپارات.
«وليمپيادا ويىندارىنا تٸكەلەي قاتىسۋ تۇرعىسىندا 248 ملن تەڭگە جۇمسالدى. سونىڭ 107 ملن تەڭگەسٸ «ەير استانا» كومپانيياسىنا چارتەرلٸك رەيستەردٸ ۇسىنعانى ٷشٸن تٶلەندٸ», - دەدٸ كريۋكوۆ ورتالىق كوممۋنيكاتسييالار قىزمەتٸندە.
ونىڭ ايتۋىنشا, وليمپيادا ويىندارىنا ۇلتتىق كوماندالاردىڭ دايىندىعىنا 789 ملن تەڭگە باعىتتالدى. وسى ورايدا وقۋ-جاتتىعۋ جيىنى دايىندىعى مەن جارىستارىنا 234 سپورتشى مەن باپكەر قاتىستى. بٸر قاتىسۋشىعا جۇمسالعان قاراجاتتىڭ ورتاشا كٶلەمٸ 15 ملن تەڭگە بولدى.
بۇل رەتتە كريۋكوۆ ناقتى سپورت تٷرٸ بويىنشا جىل بويىندا قانشا قاراجات باعىتتالعانىن ناقتىلادى.
بياتلونعا – 384 ملن تەڭگە, تاڭ شاڭعىسىنا – 100 ملن, كونكي سپورتى – 400 ملن, شاڭعى جارىسى - 363 ملن, كەرلينگ – 200 ملن, ترامپليننەن شاڭعىمەن سەكٸرۋ – 198 ملن, سنوۋبورد – 14 ملن, كونكيمەن مەنەرلەپ سىرعاناۋ – 143 ملن, فريستايل-موگۋل – 562 ملن, فريستايل اكروباتيكا – 319 ملن, شايبالى حوككەي – 259 ملن, شورت-ترەككە 392 ملن تەڭگە جۇمسالدى.
«جالپى, قىسقى سپورت تٷرلەرٸنە بيۋدجەتتٸك قارجىلاندىرۋدا 3,5 ملرد تەڭگە قاراستىرىلدى», - دەدٸ ول.
بۇدان بٶلەك, ۇلتتىق وليمپيادا كوميتەتٸ وسى وليمپيادالىق تسيكلگە تارتقان دەمەۋشٸلٸك قاراجاتى ايتىلدى. وسى ورايدا 2018 جىلى – 365 ملن تەڭگە, 2019 جىلى – 369 ملن, 2020 جىلى – 500 ملن, 2021 جىلى 599 ملن تەڭگە باعىتتالدى. جالپى, دەمەۋشٸلەر ەسەبٸنەن سپورتتىق باعدارلامانى قارجىلاندىرۋعا 2 ملرد تەڭگەگە جۋىق تارتىلعان.
