فوتو: اقوردا باسپاسٶز قىزمەتٸ
پرەزيدەنت حححٸٸٸ جازعى وليمپيادا ويىندارىنا قاتىساتىن قازاقستان قۇراما كومانداسىنىڭ مٷشەلەرٸنە مەملەكەتتٸك تۋدى تاپسىردى, -دەپ حابارلايدى "ۇلت اقپارات" اقوردا باسپاسٶز قىزمەتٸنە سٸلتەمە جاساپ.
قاسىم-جومارت توقاەۆ ۇلتتىق قۇراما سپورتشىلارىمەن كەزدەسۋدە پاريجدە باستالاتىن دٷبٸرلٸ دودانى بٷكٸل ەلەم اسىعا كٷتەتٸنٸن ەرٸ وعان تٶرتكٷل دٷنيە تٷگەل كٶز تٸگٸپ وتىرعانىن ايتتى. سونىمەن قاتار ٷزدٸكتەردٸڭ ٷزدٸگٸ باق سىنايتىن بايراقتى بەسەكەگە ەڭ مىقتى سپورتشىلارىمىز بارا جاتقانىن اتاپ ٶتٸپ, ەل نامىسىن قورعاۋ ابىرويلى مٸندەت ەكەنٸنە توقتالدى.
– بٸز سٸزدەرگە زور ٷمٸت ارتامىز. بٷكٸل حالقىمىز – سٸزدەرگە جانكٷيەر. جالپى, قازاق سپورت مەكتەبٸنٸڭ مەرتەبەسٸ قاشاندا بيٸك. سپورتشىلارىمىز ەردايىم ەلگە جٷلدەمەن ورالىپ جٷر. وسى داڭقتى جولدى ابىرويمەن جالعايسىزدار دەپ سەنەمٸن. شىن مەنٸندە, سٸزدەردٸڭ جەڭٸستەرٸڭٸز تۇتاس قازاقستاننىڭ جەڭٸسٸ بولماق. كٶك تۋىمىز جەلبٸرەسە, ۇلتىمىزدىڭ رۋحى اسقاقتايدى, – دەدٸ مەملەكەت باسشىسى.
پرەزيدەنت سپورتشىلارىمىزعا بارلىق قاجەتتٸ جاعداي جاسالىپ جاتقانىنا توقتالدى.
– ەلدٸ مەكەندەردە ارنايى الاڭدار سالىنىپ جاتىر. ٶتكەن جىلدىڭ ٶزٸندە 70-كە جۋىق سپورت ورتالىعى اشىلدى. بيىل تاعى 200-گە جۋىق نىسان سالىنادى. بارشاڭىزعا مەلٸم, ۇلتتىق وليمپيادا كوميتەتٸندە ٶزگەرٸستەر بولدى. وليمپيادا ويىندارىنا دايىندىق شتابى قۇرىلدى. تەجٸريبەلٸ مامانداردى شاقىردىق. بەلگٸلٸ سپورتشى گەنناديي گولوۆكين كەلدٸ. ەر سالادا وسىنداي ٶز ٸسٸنٸڭ ناعىز شەبەرٸ بولۋعا تيٸس. سوندا عانا نەتيجە بولادى. بٸز – سپورتشىلارعا ايرىقشا قۇرمەت كٶرسەتەتٸن ەلمٸز, – دەدٸ مەملەكەت باسشىسى.
قازاقستان پرەزيدەنتٸ سپورت تاريحىندا ٶشپەس ٸز قالدىرعان ساڭلاقتارىمىزدىڭ ەڭبەگٸ ەرقاشان جوعارى باعالاناتىنىن جەتكٸزدٸ.
– بالۋان شولاق, قاجىمۇقان مۇڭايتپاسوۆ, جاقسىلىق ٷشكەمپٸروۆ, الەكساندر ۆينوكۋروۆ, بەكزات ساتتارحانوۆ, ولگا رىپاكوۆا اتىنداعى سپورت نىساندارى – سونىڭ ايقىن كٶرٸنٸسٸ. سٸزدەر دە بيٸك بەلەستٸ باعىندىرا الاسىزدار. مەن بۇعان كەمٸل سەنەمٸن. بٷگٸنگٸ جاستارىمىز سٸزدەرگە قاراپ بوي تٷزەيدٸ. بۇل – ٷلكەن ابىروي, – دەدٸ قاسىم-جومارت توقاەۆ.
