فوتو: kommersant.ru
E-Qazyna پلاتفورماسىندا 24 شٸلدەدە ساعات 12:00-دە بۇرىن ٸرٸ اكتيۆتەردٸ قايتارۋ ٸستەرٸندە اتى اتالعان تۇلعالارعا تيەسٸلٸ بولعان 56 ەشەكەي بۇيىمنان تۇراتىن قىمبات لوت قايتادان اۋكتسيونعا شىعارىلماق, دەا حابارلادى "قايتارىلعان اكتيۆتەردٸ باسقارۋ كومپانيياسى" جشس باسپاسٶز قىزمەتٸ.
كٶرسەتٸلگەن ەشەكەيلەردٸڭ قاتارىندا ەلەمدٸك برەندتەردٸڭ تۋىندىلارى, سونداي-اق گاۋھار مەن ساپفير تاستارمەن كٶمكەرٸلگەن ەشەكەيلەر بار. بۇعان دەيٸن بۇل لوتتاردىڭ بٸر بٶلٸگٸ ساتىلىمعا شىعارىلعانىمەن, ەشقايسى ساتىلماعان بولاتىن.
اۋكتسيون ونلاين-فورماتتا ٶتەدٸ, سوندىقتان قاي قالادا تۇرعانىنا قاراماستان كەز كەلگەن ادام قاتىسا الادى. ول ٷشٸن E-Qazyna پلاتفورماسىنا تٸركەلٸپ, كەپٸلدٸك جارنا اۋدارىپ, بەلگٸلەنگەن مەرزٸمدە ٶتٸنٸم بەرۋ قاجەت.
ساۋدا "قايتارىلعان اكتيۆتەردٸ باسقارۋ كومپانيياسى" جشس جۇمىسى اياسىندا ٶتەدٸ – بۇل مەملەكەتكە قايتارىلعان اكتيۆتەردٸ باسقارۋ ٷشٸن قۇرىلعان مەملەكەتتٸك كومپانييا. مۇنداي اكتيۆتەردٸ ساتۋدان تٷسكەن قاراجات ارنايى مەملەكەتتٸك قورعا جٸبەرٸلەدٸ.
ۇيىمداستىرۋشىلار بارلىق پروتسەسس تولىق اشىق ٶتەتٸنٸن اتاپ ٶتتٸ: ەر لوتقا ەگجەي-تەگجەيلٸ سيپاتتاما, فوتو جەنە تەۋەلسٸز باعالاۋ قوسا بەرٸلەدٸ.
