بٷگٸن مەجٸلٸستٸڭ جالپى وتىرىسىندا مەملەكەت باسشىسى ٷكٸمەت الدىنداعى باستى مٸندەتتەردٸ كٶرسەتٸپ بەردٸ. جاڭا تاعايىندالعان ٷكٸمەت باسشىسى مەن ونىڭ مٷشەلەرٸن قانداي ٸستەر كٷتٸپ تۇر? وسى جەنە ٶزگە دە ساياسي جايتتار جايىندا قازاقستاندىق ساياساتتانۋشى راسۋل جۇمالى پٸكٸر بٸلدٸردٸ, دەپ حابارلايدى قازاقپارات.
«بٷگٸنگٸ كٷننٸڭ باستى جاڭالىعى - مەملەكەت باسشىسى الداعى باستى مٸندەتتەردٸ جٸكتەپ بەردٸ جەنە ٷكٸمەت باسشىسى تاعايىندالدى. ەندٸ ٷكٸمەتتٸڭ جاڭا قۇرامى جاساقتالادى. بٷگٸنگٸ جيىننان ۇققانىم, قازاقستانعا جاڭارۋ كەرەك. جۇرتتىڭ دا كٷتٸپ وتىرعانى سول. پرەزيدەنت بارلىق سالا بويىنشا ارتىق-كەم تۇسىن ايتىپ, تٷيتكٸلدٸ مەسەلەلەردٸ شەشۋدٸ تاپسىرىپ وتىر. جاڭا ٷكٸمەتتٸڭ مەملەكەت باسشىسىنىڭ تاپسىرماسىن قالاي جٷزەگە اسىراتىنىن ۋاقىت كٶرسەتەدٸ. قاسىم-جومارت توقاەۆ اشىعىن ايتتى, وليگارحييالىق توپتىڭ پايدا بولۋى ەدٸل بەسەكەلەستٸكتٸڭ جولىن كەسٸپ وتىر, كٶلەڭكەلٸ ەكونوميكا قىمباتشىلىققا ەكەلدٸ. وعان دەلەل - اقتاۋ حالقىنىڭ سۇيىتىلعان گاز باعاسىنا قاتىستى تالابى. نەتيجەسٸندە باعانىڭ نەگٸزسٸز, قولدان جاسالعانى بەلگٸلٸ بولدى. بەيبٸت تالاپتىڭ ارتى جاپپاي تەرتٸپسٸزدٸككە الىپ كەلدٸ», - دەدٸ راسۋل جۇمالى.
ونىڭ ايتۋىنشا, ەلدەگٸ جاعدايدىڭ ۋشىعۋىنا سىبايلاس جەمقورلىق پەن مونوپولييا زاڭدارىنىڭ ساقتالماۋى دا سەبەپ.
«بٷگٸن ايتىلعان ەلدەگٸ مەسەلەلەر بۇعان دەيٸن دە قوزعالىپ جٷر. بٸراق, سونى شەشۋشٸلەردٸڭ كٷش-جٸگەرٸ بولماعان سەكٸلدٸ. ەندٸ پرەزيدەنت ٸسكە قول تٷرە كٸرٸسٸپ, جٸگەرلٸ بولۋدى ٶزٸنەن باستاپ وتىر. مەملەكەت باسشىسىنىڭ سٶزدەن ٸسكە كٶشۋ كەرەكتٸگٸن باسا ايتقانى كٶڭٸلگە ٷمٸت ۇيالاتادى. سونداي-اق, قاسىم-جومارت توقاەۆ بٸراز جايت پەن كەيبٸر قۇزىرلى ورگانداردىڭ قىزمەتٸن سىنادى. راسىندا, بىلاي الىپ قاراساق, بەيبٸت شەرۋدٸڭ ارتى جاپپاي تەرتٸپسٸزدٸككە اينالدى. لاڭكەستٸك ەرەكەتتٸڭ بولعانىن پرەزيدەنتتٸڭ ٶزٸ ايتتى, سوندا لاڭكەستٸك ەرەكەتكە جول بەرٸپ, ۇلتتىق قاۋٸپسٸزدٸك كوميتەتٸ, باسقا دا قۇزىرلى ورگاندار قايدا قاراپ وتىردى? تەرتٸپ ساقشىلارى سودىرلارمەن كٷرەستٸ, ولار قايدان كەلدٸ? شەكارا قىزمەتٸ قايدا قاراپ وتىر? سۇراق كٶپ. ەندٸگٸ ماقسات – وسىدان ساباق الىپ, ونىڭ قايتا بولۋىنا جول بەرمەۋ», - دەيدٸ ول.
