قازاقستاندىق جەڭٸل اتلەت, ٷش دٷركٸن وليمپيادا جٷلدەگەرٸ ولگا رىپاكوۆا سپورتتىق مانسابىن اياقتامايتىنىن ايتتى, دەپ حابارلايدى "ۇلت اقپارات".
وسىعان دەيٸن ولگا رىپاكوۆانىڭ سپورتتىق مانسابىن اياقتاعاندىعى تۋرالى حابار بۇقارالىق اقپارات قۇرالدارىندا تاراعان بولاتىن. الايدا جەڭٸل اتلەت بۇنىڭ شىندىققا جاناسپايتىنىن مەلٸمدەدٸ.
«ەلەۋمەتتٸك جەلٸدەگٸ بٸردە-بٸر جازبامدا مانسابىمدى اياقتايتىندىعىم تۋرالى سٶز جوق. سوندىقتان جۋرناليستەر مەن بلوگەرلەردٸ جالعان اقپارات تاراتپاۋعا شاقىرامىن. سپورتشىعا اۋقىمدى دودادان كەيٸن دەمالىس كەرەك. جەڭٸس پەن جەڭٸلٸستەن كەيٸن كەلەسٸ سىنعا دايىندالۋ قاجەت. مەن دە ەلٸ جاتتىعىپ, تٷرلٸ بەسەكەلەردە ٶنەر كٶرسەتكٸم كەلەدٸ», - دەپ جازدى ول Instagram جەلٸسٸندەگٸ جەكە پاراقشاسىندا.
ايتا كەتەيٸك, توكيو وليمپياداسىندا ٷش قارعىپ سەكٸرۋدە ولگا رىپاكوۆا فينالعا ٶتە الماعان بولاتىن.
