وليمپيادا چەمپيونى ولگا رىپاكوۆا ٷش قارعىپ سەكٸرۋدە ازييانىڭ ەڭ ٷزدٸك سپورتشىسى ەكەندٸگٸن تاعى دا دەلەلدەدٸ. ول بٷگٸن دجاكارتادا ٶتٸپ جاتقان ازيادا ويىندارىندا چەمپيون اتاندى, دەپ حابارلايدى "ۇلت اقپارات".
قر ۇلتتىق وليمپيادا كوميتەتٸنٸڭ مەلٸمەتٸنشە, سپورتشىمىز ەكٸنشٸ مەرتە قارعىپ سەكٸرۋٸندە 14 مەتردٸ باعىندىرعان. ال قالعان قارسىلاستارىنىڭ بٸردە-بٸرٸ مۇنداي كٶرسەتكٸش كٶرسەتە العان جوق. ولگا رىپاكوۆا ٷشٸنشٸ مەرتە سەكٸرۋٸندە 14,26 مەتر نەتيجە كٶرسەتتٸ.
ەكٸنشٸ ورىن 13,93 مەترگە سەكٸرگەن تايلاندىق چۋماياروەنگ پەن دەل سونداي نەتيجە كٶرسەتكەن ۆەتنامدىق سپورتشىعا بۇيىردى.
قازاقستان اتىنان جارىس جولىنا شىققان تاعى بٸر سپورتشىمىز يرينا ەكتوۆا 13,58 مەتردٸ باعىندىرىپ, 6 ورىنعا تۇراقتادى. ايتا كەتەرلٸگٸ, ولگا رىپاكوۆا وسىمەن تٶرتٸنشٸ مەرتە ازيا ويىندارىنىڭ چەمپيونى اتانىپ وتىر.
ەسكە سالا كەتەيٸك, 30 تامىزداعى كٶرسەتكٸش بويىنشا قازاقستان قۇراماسىندا 60 مەدال بار. 11 التىن, 11 كٷمٸس جەنە 38 قولا. جالپى كوماندالىق ەسەپتە ەزٸرگە 11-شٸ ورىندامىز.
