باس پروكۋراتۋرانىڭ ارنايى پروكۋرورلار قىزمەتٸنٸڭ بۇرىنعى باسشىسى ولەسيا كەكسەلگە قاتىستى سوتقا دەيٸنگٸ تەرگەۋ توقتاتىلدى. بۇل تۋرالى ٸشكٸ ٸستەر مينيسترٸ ەرلان تۇرعىمباەۆ ايتتى, دەپ حابارلايدى "ۇلت اقپارات".
«قىلمىستىق قۇرامنىڭ بولماۋىنا بايلانىستى قر باس پروكۋراتۋراسى ارنايى پروكۋرورلار قىزمەتٸنٸڭ بۇرىنعى باسشىسى ولەسيا كەكسەلگە قاتىستى سوتقا دەيٸنگٸ تەرگەۋ امالدارى توقتاتىلدى. ونىڭ ٸسٸنە قاتىستى بارلىق تەرگەۋ ەرەكەتتەرٸ جٷرگٸزٸلٸپ, ٸستٸڭ زاڭدىلىعىن تەكسەرۋ ٷشٸن ماتەريالدار پروكۋراتۋراعا جٶنەلتٸلدٸ», - دەدٸ مينيستر ٷكٸمەت وتىرىسىنان كەيٸن تٸلشٸلەردٸڭ سۇراعىنا جاۋاپ بەرە وتىرىپ.
بۇعان دەيٸن تانىمال تەرگەۋشٸنٸڭ ٷستٸنەن ازاپتاۋ تۋرالى ارىز تٷسكەنٸ حابارلانعان بولاتىن.
ولەسيا كەكسەل سىبايلاس جەمقورلىققا قاتىستى اتىشۋلى ٸستەردٸ تەرگەۋمەن اينالىسقان.
اتاپ ايتساق, بۇرىنعى پرەمەر-مينيستر سەرٸك احمەتوۆتىڭ, ەكس-دەنساۋلىق ساقتاۋ مينيسترٸ جاقسىلىق دوسقاليەۆتٸڭ جەنە بۇرىنعى ۇلتتىق ەكونوميكا مينيسترٸ قۋاندىق بيشٸمباەۆتىڭ ٸسٸن تەرگەدٸ.
سىبايلاس جەمقورلىققا قارسى ٸس-قيمىل ۇلتتىق بيۋروسى (سىبايلاس جەمقورلىققا قارسى قىزمەت) تەرگەۋ دەپارتامەنتٸ باستىعىنىڭ ورىنباسارى قىزمەتٸن اتقاردى. 2018 جىلدىڭ قاڭتار ايىنان باستاپ باس پروكۋراتۋرانىڭ ارنايى پروكۋرورلار قىزمەتٸن باسقاردى. 2019 جىلدىڭ مامىرىندا قىزمەتٸنەن بوساتىلدى.
كٷردەلٸ سىبايلاس جەمقورلىق ٸستەرٸن تەرگەگەنٸ ٷشٸن 2017 جىلى II دەرەجەلٸ "ايبىن" وردەنٸمەن ماراپاتتالىپ, بەدەلدٸ "التىن ادام" جٷلدەسٸنٸڭ "جىلدىڭ مەملەكەتتٸك قىزمەتشٸسٸ" دەپ تانىلدى.
