بٷگٸن ەنشٸ ديماش قۇدايبەرگەن I am a Singer بايقاۋىنىڭ فينالىندا ٶنەر كٶرسەتەدٸ. فينال استانا ۋاقىتىمەن ساعات 22.00-دە "حابار" تەلەارناسىنان تٸكەلەي ەفيردە تاراتىلادى. ەنشٸنٸڭ ەيگٸلٸ مايكل دجەكسوننىڭ ورىنداۋىنداعى ەندٸ ايتادى, الايدا ناقتى قاي ەنٸن ايتاتىنى ەزٸرشە بەلگٸسٸز, جوبا اۆتورلارى مۇنى قۇپييا قالدىرىپ وتىر ەكەن. بايقاۋ الدىندا ەنشٸنٸڭ PR-ديرەكتورى ەرٸ جاقىن دوسى الپامىس شاريموۆپەن سۇحباتتاسۋ مٷمكٸن بولدى.
- فينالعا ساناۋلى ساعاتتار قالدى. ديماشتىڭ كٶڭٸل-كٷيٸ قالاي?
- فينالعا از ۋاقىت قالدى, ساناۋلى ساعاتتاردان كەيٸن "مەن ەنشٸمٸن" جوباسىنىڭ جەڭٸمپازى انىقتالادى. كەشە بٸزدە باستى دايىندىق ٶتتٸ. دايىندىق جامان ەمەس, ەرينە, ۋاقىت از, بٸراق بارلىق قاتىسۋشىعا ۋاقىت تەڭ بەرٸلەتٸندٸكتەن, بۇل جەردە ۋاقىتتىڭ ازدىعىنا بايلانىستى ەشتەڭە ايتا المايمىز. ٶزدەرٸڭٸز بٸلەتٸندەي, ديماش وسى بايقاۋدا ەيگٸلٸ مايكل دجەكسوننىڭ ەنٸن شىرقايدى, بٸرگە ٶنەر كٶرسەتەتٸن ەنشٸسٸ - لاۋرە شانگ. ول وسى فينالدا ديماشقا بارىن سالىپ, 100 پايىز قولداۋ كٶرسەتۋگە دايىن ەكەنٸن ايتىپ وتىر. دايىندىقتارى ٶتە جوعارى. كەشە دەستٷرلٸ قىزىل كٸلەمنەن جٷرٸپ ٶتۋ رەسٸمٸ بولدى. ديماشتىڭ كٶپتەگەن جانكٷيەرلەرٸ كەلٸپ, بايقاۋالدى تٸلەكتەرٸن ايتىپ, قولداۋ كٶرسەتتٸ.
- ديماش قۇدايبەرگەن ەربٸر ەن ورىنداۋىندا ەرەكشەلٸكتٸ بايقاتادى. ەربٸر ەنٸندە جانىنىڭ تەبٸرەنگەنٸن, سەزٸمٸن كٶرسەتەدٸ. ال بٷگٸن ەنشٸ كٶرەرمەندٸ نەسٸمەن تاڭعالدىرادى?
- ديماش ەربٸر ساحناعا شىققاندا ەننٸڭ قۇرىلىمىن ٶزٸ ويلاپ تابادى. ەربٸر ەندە ٶزٸنٸڭ ايتاتىن ويى بولادى. بٷگٸنگٸ ٶنەرٸندە دە سولاي. بۇل ورىندايتىن نٶمٸرٸن قاراعاندا حالىق ديماشتىڭ ايتاتىن ويىن تٷسٸنٸپ قاراسا ەكەن دەيمٸز. ەندٸ جاي عانا قاراماي, قييالمەن قاراسىن. سەبەبٸ بۇل جاي عانا ورىندالاتىن ەن ەمەس, ديماش وسى ارقىلى حالىققا, ادامزاتقا ويىن ايتقىسى كەلەدٸ. ال نەندەي وي ايتاتىنىن بٸز قۇپييا قالدىرايىق...
- جانكٷيەرلەر كٸم جەڭەدٸ دەپ ەسەپتەيدٸ?
- ەرينە, ەر جانكٷيەر ٶز ەنشٸسٸ جەڭەدٸ دەپ ويلايدى. ەركٸمنٸڭ ٶز فاۆوريتٸ بار. مىسالى بٸزدٸڭ Dears ديماشتىڭ جەڭەتٸنٸنە كەمٸل سەنٸمدٸ. تٸپتٸ ولار بۇل بايقاۋدىڭ قورىتىندىسى شىقپاي جاتىپ, جەڭٸستٸ ديماشقا بەرٸپ قويعان.
ديماش قۇدايبەرگەن مەن لاۋرە شانگ
- فينال ٶتكەننەن كەيٸن ەنشٸ بٸردەن قازاقستانعا قايتا ما? سەبەبٸ قوعامدا "ديماش قىتايدا كٶپ جەتٸستٸككە جەتە الادى, سول جاقتا قالىپ, شىعارماشىلىقپەن اينالىسقانى جٶن" دەگەن سيياقتى پٸكٸرلەر بار.
- وسى قىتاي ەلٸنە كەلە جاتقاندا ديماش ماعان "مەن قازاق تٸلٸندە ەن شىرقاسام, قازاقتىڭ دومبىراسىن تارتسام, قازاقتىڭ كيٸمٸن, ۇلتتىق ويۋىن ساحناعا الىپ شىعىپ, كٶرسەتسەم" دەگەن بولاتىن. ونىڭ ماقساتى وسى بولدى. قازٸر ويلاسام, راسىندا دا ديماشتىڭ ماقساتتارى ورىندالىپ جاتىر. ول - قازاقتىڭ بالاسى, ۇلتى قازاق, بٸراق ول ەلەمنٸڭ ەنشٸسٸ. ول مايكل دجەكسون سيياقتى ەلەمنٸڭ ەنشٸسٸ دەپ ويلايمىن. ول قازاق ۇلتىنىڭ مەدەنيەتٸن, بولمىسىن بار ەلەمگە جار سالۋعا دايىن ەنشٸ. دەسەك تە, مەنٸڭشە, مۇنداي ەنشٸلەردٸڭ تۇراقتى بٸر مەكەنٸ بولمايدى. ەرينە, تۋعان جەرٸ جەنە تۇراتىن ٷيٸ قازاقستان بولادى, بٸراق دەل ديماش سيياقتى, مايكل دجەكسون سيياقتى ەنشٸلەر ەلەم ٷشٸن جارالعان ادامدار. ولاردىڭ ٷلكەن ميسسيياسى بار. ولار جەر جٷزٸندە ەن ايتۋعا جارالعان ەنشٸلەر.
قازاق ۇلتتىق ٶنەر ۋنيۆەرسيتەتٸنٸڭ رەكتورى ايمان مۇساxودجاەۆا قولداۋ كٶرسەتۋ ٷشٸن قىتايعا باردى.
- جاقىندا ديماش قۇدايبەرگەن قىتاي باسىلىمدارىنا بەرگەن سۇحباتىندا "مەن جەڭٸسكە جەتكەن اداممىن" دەپ مەلٸمدەدٸ. وسىعان قاتىستى كٶپتەگەن جانكٷيەرلەر ديماش قۇدايبەرگەن بۇل شوۋدا جەڭٸسكە جەتەدٸ دەپ بولجادى. بٸراق "فينالدا قانشاسىنشى ورىن السا دا, ديماش ٷشٸن مۇنداي جەتٸستٸك جەڭٸسپەن پارا-پار" دەگەندەر دە بولدى.
- راسىندا دا, ديماشتىڭ جەڭٸسٸ بۇل شوۋدىڭ قورىتىندىسىنا بايلانىستى ەمەس, ديماشتىڭ جەڭٸسكە جەتتٸم دەپ ايتقانى - قازاق ەنٸن شىرقاعانى. ديماشتىڭ جەڭٸسكە جەتتٸم دەگەنٸ - ميلليونداعان جانكٷيەرٸنٸڭ بولۋى. ونىڭ دەلەلٸن ٶزدەرٸڭٸز كٶرٸپ جاتىرسىزدار, بارلىق قىتايلىق ەن شەرۋلەرٸندە ديماشتىڭ ەندەرٸ TOP-1 دەرەجەسٸندە تۇر. تٸپتٸ العاشقى ٷش ورىندى ەنشٸمٸزدٸڭ ٷش ەنٸ قاتار الىپ تۇر. ازييانىڭ تانىمال ەندەرٸندە ٶزٸنٸڭ شىعارعان "ۇمىتىلماس كٷن" ەنٸ بٸرٸنشٸ ورىندا تۇرسا, ساۋندترەگٸ ەكٸنشٸ ورىندا تۇر. ديماشتىڭ وسى جەتكەن جەتٸستٸكتەرٸ, ونىڭ حالىقارالىق دەڭگەيدەگٸ ەنشٸ اتانۋى, ازيياداعى ەڭ تانىمال ەنشٸ اتانۋى - جەڭٸسكە جەتكەنٸ دەپ ويلايمىز. بٷگٸنگٸ قورىتىندىنىڭ قالاي بولارىن بٸلمەيمٸز, بٸراق تٷسٸنگەن ادامعا ديماش جەڭٸسكە جەتٸپ قويدى. بٷگٸنگٸ بايقاۋدا جەڭٸسكە جەتكەن ەنشٸگە "پاتشا ەنشٸ" دەگەن اتاق بەرٸلەدٸ. بۇل اتاقتى نەگٸزٸنەن قىتايدا ەڭبەگٸ سٸڭگەن, ٷلكەن ەرتٸستەر الىپ وتىرعان. بۇعان دەيٸنگٸ ماۋسىمداردا بايقاۋعا جاس ەنشٸنٸ قاتىستىرۋ دەگەن مٷلدەم بولماعان. بٸراق دەل وسى بايقاۋدىڭ سٶزسٸز فاۆوريتٸ ديماش. وسى جەردە ايتا كەتەتٸن بٸر جەيت, ەلەمنٸڭ كٶپتەگەن ەلدەرٸنەن, امەريكادان, ەۋروپادان, وڭتٷستٸك افريكادان Hunan TV ارناسىنىڭ رەجيسسەرٸنە ديماشتى وسى بايقاۋعا قاتىستىرعانى ٷشٸن العىس حاتتار كٶپتەپ تٷسٸپ جاتىر. مەن تٸپتٸ, سٸزدەرگە, Tengrinews.kz سايتىنا سول حاتتاردى جولداي الامىن. سوندا ديماش بۇل جوبانى ەلەمگە تانىتۋعا, ال جوبانىڭ ٶز كەزەگٸندە ديماشتى اتاقتى ەتۋگە ٶتە ٷلكەن ىقپالىن تيگٸزدٸ دەپ ويلايمىن.
ديماش قۇدايبەرگەن مەن لاۋرە شانگ. دايىندىق بارىسى
- بايقاۋدىڭ بٸرٸنشٸ كٷنٸنەن بەرٸ ەنشٸنٸڭ قاسىندا جٷرگەندٸكتەن, سٸز كٶپشٸلٸككە قاراعاندا ارتىق بٸلەسٸز. سٸزدٸڭشە, ديماشتىڭ بۇل شوۋدا جەڭٸمپاز اتانۋىنا مٷمكٸندٸگٸ قانشالىقتى? قانشا پايىزعا سەنٸمدٸسٸز?
- ال ٶز باسىم دوسىمنىڭ جەڭگەنٸن قالايمىن. بايقاۋدىڭ بٸرٸنشٸ كٷنٸنەن باستاپ, قاسىندا جٷرگەندٸكتەن, مەن ٷشٸن دوسىمنىڭ جەڭٸسكە جەتكەنٸ مەن ٷشٸن ٷلكەن مەرتەبە بولادى. ونىڭ جەڭٸسٸنە جەنە جاقسى ٶنەر كٶرسەتەتٸنٸنە سەنٸمدٸمٸن. مەن دوسىما ەرقاشان دا 100 پايىزعا سەنٸمدٸمٸن. وسى جولى دا كەشەگٸ دايىندىعىن كٶرگەننەن كەيٸن سەنٸمٸم ارتا تٷستٸ. بٸر قىزىق جاعدايدى ايتا كەتەيٸن. ەر ساحناعا شىعار سەتٸندە مەن ديماشقا ساحنانىڭ ارتىندا قولداۋ بٸلدٸرٸپ, جٸگەرلەندٸرەمٸن. سوسىن ول ساحناعا شىعادى, ال مەن كٶرەرمەندەر جاققا بارامىن. سول كەزدە جاڭا عانا قولداۋ كٶرسەتٸپ, جٸگەرلەندٸرگەن ديماشىم مٷلدەم باسقا ادام, مەن تٸپتٸ تانىماي قالامىن. ديماش ساحنادا ٶزگەرٸپ كەتەتٸن ادام سيياقتى. ەستەرٸڭٸزدە بولسا, "دايديداۋ" ەنٸن شىرقاعان كەزٸ - قازاقستاننان كەلگەن دوس جٸگٸتتەرٸ, ٶنەر اكادەميياسىنىڭ ٶنەرپازدارى كەلٸپ, سٷيەمەلدەگەن كەزٸندە كٷن ۇزاق بولىپ, شارشاعاندارىن ايتىپ ەدٸ. سول شارشاپ وتىرعان جٸگٸتتەر ديماش ساحناعا شىعىپ كەلە جاتقاندا ونىڭ مٷلدەم بٶلەك ادام بولىپ كٶرٸنگەنٸن ايتتى. ورتاعا شىعىپ كەلٸپ, ەكٸ قانات بولىپ وتىرعاندارىندا, ديماش باسىن يزەپ ەكٸ جاعىنا قاراعان سەتٸندە جٸگٸتتەر ٷستٸمٸز تٸتٸركەنٸپ كەتتٸ دەيدٸ. ال وسىدان كەيٸن ەۋەن باستالعاندا كٶزٸمٸزدەن جاس قالاي شىعىپ كەتكەنٸن بٸلمەي دە قالدىق دەپ, ەڭگٸمەلەپ بەرگەن ەدٸ ٶنەرپاز جٸگٸتتەر.
ديماش قۇدايبەرگەن مەن لاۋرە شانگ. دايىندىق بارىسى
- ەنشٸنٸڭ ٶنەرٸن زالدا وتىرىپ تاماشالاعان بٸر باسقا دا, تەلەەكراننان كٶرگەن بٸر باسقا. تەلەديدار مەن مونيتوردان كٶرٸپ وتىرعان حالىققا بايقاۋدان قانداي سەتتەر جاسىرىن قالادى?
- ەرينە, تەلەەكراننان كٶرٸپ وتىرعان ادامدارعا بٷگٸن قانداي ورىن السا دا, سىناي سالۋ وڭاي. ونىڭ بايقاۋدىڭ 14 كەزەڭٸنە شىعۋىن 14 رەت بوكستا جۇدىرىقتاسقانىمەن سالىستىرار ەدٸم. جۇدىرىقتاسقاندا ادامنىڭ فيزيكالىق تۇرعىدا, سىرتى زاقىمدالاتىن بولسا, وعان قايتا قالپىنا كەلۋٸنە 6-7 اي قاجەت بولادى. ال بۇل جەردە ديماش اپتا سايىن "رينگكە" شىعادى. ديماش اپتا سايىن سوققى الادى. قانشاما قارسىلاسى اۋىستى. ەڭ بٸرٸنشٸ سىننان تەك ٷش ادام قالدى - Lion, سەندي لەم جەنە ديماش. العاشقى ەكەۋٸ اداپتاتسييا دا كٶرگەن جوق, ولارعا بۇل ٷيرەنشٸكتٸ ورتا. سوندىقتان بۇل جەردە وسىنشاما ۋاقىت ٷيٸن ساعىنا جٷرٸپ, وسىنداي ٶنەر كٶرسەتكەن ادامعا قازاقستانداعى جەرلەستەرٸ سىناۋدان گٶرٸ, قولداۋ كٶرسەتۋٸ كەرەك دەپ ويلايمىن. ديماش قۇدايبەرگەن ساحنادا ەكەسٸمەن
سۇحباتتاسقان ارداق قۇلتاي, kaz.tengrinews.kz
