قازاقستاندىق كەسٸپقوي بوكسشى سادريددين احمەدوۆ ٶز سالماعىنداعى ەيگٸلٸ بوكسشىلارمەن كەزدەسۋ ىقتيمالدىلىعىنا قاتىستى پٸكٸر بٸلدٸردٸ, دەپ حابارلايدى قازاقپارات تٸلشٸسٸ.
«ەر بوكسشىنىڭ بٸر كۋميرٸ بار. بٸراق, بوكس جولىندا مەنٸڭ ناقتى كۋميرٸم جوق. سەبەبٸ, گولوۆكين, كانەلو, تايسون نەمەسە مۇحامەد ەلي سەكٸلدٸ ەيگٸلٸ سپورتشىلاردىڭ ەرقايسىسىنىڭ بٸر جاقسى قابٸلەتٸن العىم كەلەدٸ. قايدا جٷرسەم دە, «سادريددين قازاقستاننان ەكەن» دەپ ايتىپ جٷرسە, مەن ٷشٸن - ول ٷلكەن قۋانىش. كۋمير رەتٸندە بٸرەۋدٸ قابىلدامايمىن. ەر بوكسشىدان بٸر قاسيەتٸن, مىسالى كانەلونىڭ قورعانىسىن, گولوۆكيننٸڭ قىسىم كٶرسەتۋ قابٸلەتٸن الىپ, مايك تايسوننان دا بويىمىز الاسا بولعاسىن بٸر قارىمىن يگەرسەم دەيمٸن. ناقتى بٸر بوكسشى ماعان ۇنايدى, سول سەكٸلدٸ جۇدىرىقتاسامىن دەپ ايتا المايمىن», - دەدٸ سادريددين احمەدوۆ وكق-دا ٶتكەن باسپاسٶز مەسليحاتىندا.
باسپاسٶز مەسليحاتى اياقتالعاننان تٸلشٸلەر بوكسشىنىڭ جوسپارى تۋرالى سۇراپ كٶردٸ.
««Eye of the Tiger Management» پروموۋتەرلٸك كومپانيياسىمەن جۇمىس ٸستەپ جاتقانىمىزعا 1 جىل بولادى. كەلٸسٸمشارت بەس جىلعا سوزىلعان. قۇداي قالاسا, ٷلكەن جەكپە-جەكتەرگە مەنٸڭ, پروموۋتەرٸمنٸڭ جەنە باپكەرٸمنٸڭ كەلٸسۋٸ بويىنشا شىعامىز. سول سەبەپتٸ, بەرٸ ويدا. بەرٸ ٶز ۋاقىتىمەن ٸسكە اسادى», - دەيدٸ سادريددين احمەدوۆ.
بوكسشىنىڭ ايتۋىنشا, پروموۋتەرلٸك كومپانييا اتاقتى بوكسشىلارمەن ايقاس جايلى ۇسىنىس بٸلدٸرمەگەن.
«بٸز ەرقاشان دايىنبىز. بەلگٸلٸ بٸر كەزەڭنەن ٶتۋ كەرەك. بەرٸ ٶز ۋاقىتىمەن. قاي پروموۋتەرمەن شىقسام دا, قازاق ەلٸنٸڭ اتىنان شىعاتىنىم انىق. 69,85 كەلٸلٸك ٶز سالماعىمدا دەل قازٸر مىقتى سپورتشىلار كٶپ. ولاردىڭ قاتارىنا دجاررەتت حيورد, دجەرمەلل چارلو, لارا سەكٸلدٸ مىقتى بوكسشىلار بار. قاي-قايسىسىمەن بولسا دا, بٸر كٷنٸ شىعاتىنىم بەلگٸلٸ. ول كٷن دە ۇزاق ەمەس. قۇداي قالاسا, ول كٷنگە دە جەتەمٸز دەگەن ويدامىن», - دەدٸ بوكسشى.
ەسكە سالا كەتسەك, بۇعان دەيٸن 24 ناۋرىز كٷنٸ «الماتى ارەنا» كەشەنٸندە كەسٸپقوي بوكس كەشٸ ٶتەتٸنٸن جازعان ەدٸك. وعان قازاقستان, رەسەي, افريكا ەلدەرٸ, ۆەنەسۋەلا, ٶزبەكستان, بەلارۋس, گرۋزييا جەنە باسقا دا مەملەكەتتەردٸڭ بوكسشىلارى قاتىساتىنى جوسپارلانعان.
الماتىداعى بوكس كەشٸندە احمەدوۆ پەن 25 جاستاعى يندونەزييا ٶكٸلٸ دجون رۋبا (17-5-1, 9كو) اراسىندا بٸرٸنشٸ ورتا سالماقتاعى WBC Asia تيتۋلى ٷشٸن ايقاس ٶتەدٸ. جەكپە-جەك 10 راۋندقا ەسەپتەلگەن.
