فوتو: instagram.com/bagdatmussin
تسيفرلىق دامۋ, يننوۆاتسييالار جەنە اەروعارىش ٶنەركەسٸبٸ مينيسترٸ باعدات مۋسين Instagram پاراقشاسىندا تٷركيياداعى جەر سٸلكٸنٸسٸنەن قازا تاپقان قازاقستاندىق ميربولات (ميرۋس) قۇرماشەۆ تۋرالى جازبا جارييالادى, - دەپ حابارلايدى "ۇلت اقپارات".
"سوڭعى ٷمٸت وتى سٶندٸ. سەنگٸم كەلمەيدٸ… سوڭىنا دەيٸن ٷمٸتتەنٸپ ەدٸك. الايدا ميرۋس باۋىرىمىزدان ايىرىلىپ قالدىق…
ميرۋس ەكەۋٸمٸز كۋرستاس بولدىق. ول ٶتە كرەاتيۆتٸ ەدٸ, اۋقىمدى دٷنيەلەر جاساعىسى كەلەتٸن, تارتىمدىلىعىنىڭ ارقاسىندا ادامداردى ۇيىمداستىرا الاتىن.
دٸنگە بەرٸك ادام ەدٸ. ماعجان استانا حابتى قۇرۋ بويىنشا العاشقى قادامدارىن باستاعاندا, ول كٶپ كٶمەك ەتتٸ, تەگٸن, ەشقانداي كەلٸسٸمسٸز. قولىنان كەلگەنٸن ٸستەپ, قازاقستاننىڭ IT-سالاسىن دامىتۋعا ٷلەسٸ مەن كٶمەگٸن قوستى", - دەپ جازدى مينيستر.
مۋسيننٸڭ ايتۋىنشا, قازاقستاندا ونىڭ بٸرنەشە بيزنەس باستامالارى بولعان. 2020 جىلى مەملەكەتتٸڭ قاتىسۋىمەن بٸر-ەكٸ جوبانى ٸسكە اسىرعىسى كەلگەن.
"بٸراق مەملەكەت باسشىسى مەنٸ مينيستر ەتٸپ تاعايىنداعان كەزدە ول جوبالاردان ٶز ەركٸمەن باس تارتتى. "ارامىزدا تٷسٸنٸسپەۋشٸلٸك تۋدىراتىن جاعدايلاردى بولدىرماۋ ٷشٸن مەن يدەيالارىمدى شەت ەلدە جٷزەگە اسىرامىن", دەدٸ ول.
ميرۋس - جيھانكەز, بٸراز جەردە بولدى, بٸراق تۇراقتاۋ ٷشٸن تٷركييانى تاڭداپ, سوڭعى ەكٸ جىل نەگٸزٸنەن سول جاقتا تۇرىپ جاتتى.
پرەزيدەنتتٸڭ انكاراعا رەسمي ساپارىنىڭ الدىنداعى قازاقستاندىق IT-ماماندارىنىڭ سول جاققا بارعانىن بەرٸڭٸز بٸلەتٸن شىعارسىزدار. بٸز سول كەزدە ولاردى ستامبۋلدىڭ بٸرنەشە ٸرٸ IT-كومپانيياسىنا اپارعان ەدٸك. ميرۋس وسى ٸس-شارانىڭ نەگٸزگٸ ۇيىمداستىرۋشىسى بولدى. بٸز وعان استانا حابتىڭ ٶكٸلٸ بولۋدى ۇسىندىق, ٶيتكەنٸ ەكٸ مەملەكەتتٸڭ حابتارى مەن ماماندارىن جاقىنداستىراتىن ادامنىڭ بولۋى ماڭىزدى ەدٸ.
ستۋدەنتتٸك كەزدەن دە بٸراز جاقسى ەستەلٸكتەر بار, جاقىن ارالاسقان جولداستارى ولاردى ايتىپ جاتار دەپ ويلايمىن. يماندى بولسىن! جانىڭ جەنناتتان ورىن تاپسىن, باۋىرىم", - دەپ جازدى مينيستر.
تسيفرلىق دامۋ مينيسترلٸگٸ باسشىسىنىڭ كٶڭٸل ايتۋىنا پرەزيدەنت ەكٸمشٸلٸگٸ باسشىسىنىڭ ورىنباسارى, ەيەلدەر ٸستەرٸ جەنە وتباسىلىق-دەموگرافييالىق ساياسات جٶنٸندەگٸ ۇلتتىق كوميسسييا تٶرايىمى ايدا بالاەۆا دا قوسىلدى.
"تٷركيياداعى الاپات جەر سٸلكٸنٸسٸ سالدارىنان قاپييادا قازا بولعان جەرلەستەرٸمٸز - ەدٸل قادىربەكوۆ پەن ميربولات قۇرماشەۆتىڭ تۋعاندارى مەن جاقىندارىنا قايعىرىپ كٶڭٸل ايتامىن. كەشەگە دەيٸن بٷكٸل ەل بولىپ ٷمٸت وتىن ٶشٸرمەگەن ەدٸك… تٸرٸ تابىلسا دەپ تٸلەگەن ەدٸك… امال نە… تسيفرلىق تەحنولوگييانىڭ قىر-سىرىن ەركٸن يگەرگەن ميرۋستى تالايدان تانيتىن ەدٸم. سوڭعى رەت ونىمەن اقپارات جەنە قوعامدىق دامۋ مينيسترٸ بولىپ تۇرعاندا قىزمەت بارىسىندا كەزدەسكەنبٸز. ميرۋس ٶتە ەڭبەكقور, ٸزدەنٸمپاز جاس بولاتىن. قىسقا عانا عۇمىرىندا تالاي ستارتاپ-جوبالاردى (Digital Kazakhstan) جارىققا شىعاردى, IT سالاسىندا ونىڭ ەسٸمٸ تانىمال, ٷلكەن قۇرمەتكە يە بولدى. وسىنداي جٸگەرٸ - جالىن, بٸلٸمٸ - تەرەڭ, ەلٸنە بەرگەنٸنەن بەرەرٸ مول ٶرٸم جاستاردىڭ مەزگٸلسٸز ٶمٸردەن وزاتىنى ٶتە ٶكٸنٸشتٸ.. مارقۇمداردىڭ يمانى سالامات بولسىن! باۋىرلاس تٷرٸك حالقىنا سابىر تٸلەيمٸن", - دەپ جازدى بالاەۆا Instagram-پاراقشاسىندا.
