وقۋشىلار مەن ستۋدەنتتەر اراسىنداعى تٶبەلەستەن سوڭ قالادا رەيد كٷشەيٸپ, اتا-انالار جاۋاپقا تارتىلىپ جاتىر. اقتٶبە قالاسىنىڭ ەكٸمٸ ٸليياس يسپانوۆ مەكتەپتەردە ارنايى كٷزەت قىزمەتٸ جۇمىسقا كٸرٸسەتٸنٸن ايتتى, دەپ حابارلايدى "ۇلت اقپارات".
سوڭعى كەزدە اقتٶبەدە مەكتەپ وقۋشىلارى اراسىنداعى قىلمىس جيٸ تٸركەلە باستادى. ايتا كەتەيٸك, 29 قاڭتار كٷنٸ ستۋدەنتتەر تٶبەلەسٸپ, بٸرەۋٸ پىشاق جاراقاتىمەن اۋرۋحاناعا تٷستٸ.
ال شالقار اۋدانىندا وقۋشىلار تٶبەلەسٸپ, وقۋشى كٶز جۇمدى.
ەندٸ مەكتەپتەردە ارنايى كٷزەت قىزمەتٸ جۇمىس ٸستەپ, وقۋشىلار تەكسەرٸلەدٸ. ولاردان تىيىم سالىنعان زاتتار انىقتالسا, دەرەۋ پوليتسييا شاقىرىلادى.
«اقتٶبە قالاسىندا, ٶڭٸردە, قازاقستاننىڭ بٸرنەشە ايماعىندا بالالار توپقا بٶلٸنٸپ, تٶبەلەستٸ. قالادا كوللەدج ستۋدەنتتەرٸ, مەكتەپ وقۋشىلارى مەن ستۋدەنتتەر تٶبەلەستٸ. بارلىق قىلمىس ەگجەي-تەگجەي تەكسەرٸلٸپ جاتىر. بٸرٸنشٸدەن, كٷدٸكتٸلەر ۇستالدى, زاڭ اياسىندا قاتاڭ شارا قولدانىلادى. ەكٸنشٸدەن, قازٸر توپ بولىپ جٷرەتٸن بالالار باقىلاۋعا الىندى. تٶبەلەسكە بەيٸم بالالار مەكتەپتەن-اق بەلگٸلٸ. مەكتەپ ينسپەكتورلارى, بٸلٸم بٶلٸمٸ جۇمىس اتقارىپ جاتىر, جەدەل توپ قۇرىلدى. ساباققا كەلمەيتٸن, ٷلگەرٸمٸ ناشار بالالار تٸزٸمگە الىندى. مەكتەپٸشٸلٸك, مەكتەپارالىق جەنە پوليتسييا دەپارتامەنتٸندە ٶز تٸزٸمٸ جاسالدى. ەر اتا-انا بالاسى ٷشٸن جاۋاپتى. مەكتەپ ٸشٸندە مۇعالٸم قاراۋى تيٸس. بٷگٸنگە دەيٸن مەكتەپتەردە ارنايى كٷزەت قىزمەتٸ بولمادى. ەندٸ بٸلٸم وردالارىن ارنايى ليتسەنزيياسى بار كٷزەت قىزمەتٸ باقىلاۋعا الاتىن بولادى. سەبەبٸ, وقۋشىلار مەكتەپكە تىيىم سالىنعان زاتتاردى الىپ كەلۋٸ مٷمكٸن. تەكسەرۋ بولادى, ەگەر تىيىم سالىنعان زات انىقتالسا, ٸشكٸ ٸستەر ورگاندارى شاقىرىلادى», - دەدٸ قالا ەكٸمٸ ٸليياس يسپانوۆ.
