فوتو: qazaqstan.tv
قازٸرگٸ كەزدە وقۋشىلارعا ارنالعان تٷرلٸ پەندٸك ونلاين وليمپيادالار كٶپ. ولار شىنىمەن بالانىڭ بٸلٸمٸن انىقتايتىنىنا دا كٷمەن جەتەرلٸك. سەبەبٸ قۇنى 500-1000 تەڭگە شاماسىنداعى ساڭىراۋقۇلاقشا قاپتاعان وليمپيادالاردىڭ تاپسىرمالارىن ورىنداعان بالاعا دا ەشقانداي تالاپ قويىلمايدى. وعان قاتىسقان بالا تاپسىرمالاردى ٶزٸ ورىندادى ما, ەلدە اتا-اناسى كٶمەكتەسٸپ وتىردى ما, ول دا بەلگٸسٸز. ەيتەۋٸر اتا-انالاردان اقشا جينالادى, سوسىن قاتىسقانى ٷشٸن سەرتيفيكات تاراتىلادى. بەز بٸر سەرتيفيكات تاراتۋ ٷشٸن ٶتكٸزٸلەتٸن سيياقتى.جالپى وليمپيادا ٶتكٸزەتٸندەرگە تالاپ بار ما, بولسا قانداي? بۇل سۇراقتى Ult.kz تٸلشٸسٸ «دارىن» رەسپۋبليكالىق عىلىمي-پراكتيكالىق ورتالىعىنىڭ ديرەكتورى عاجدەمبەك تۇرسىنوۆقا قويدى.
فوتو: وكق, عاجدەمبەك تۇرسىنوۆ
«قازاقستاندا جەكەمەنشٸك ورتالىقتاردىڭ 1000 تەڭگە, 500 تەڭگە تۇراتىن وليمپيادالاردى ٶتكٸزۋٸ قازٸر بەلسەندٸ بولىپ وتىر. ونىمەن قويماي, كەيبٸر جەكەمەنشٸك ۇيىمدار بٸزدٸڭ رەسپۋبليكالىق دارىن ورتالىعى تەگٸن ٶتكٸزەتٸن پەن وليمپيادالارىنىڭ اتتارىنا ۇقساس قىلىپ الىپ, وليمپيادالاردى ٶتكٸزۋدە. سول سەبەپتەن وسىنداي مەسەلەلەردٸ كٶرگەن كەزدە بٸز ٶزٸمٸزدٸڭ اقپاراتتىق, ەلەۋمەتتٸك جەلٸلەرٸمٸزدە ەردايىم وسىنىڭ فەيك ەكەنٸن حابارلاپ وتىرامىز. سوندىقتان قازاقستاندا جٷرگٸزٸلەتٸن وقۋ-اعارتۋ مينيسترلٸگٸنٸڭ وليمپيادالارى مەن بايقاۋلارىنىڭ تٸزٸمٸ ارنايى بۇيرىق بويىنشا بەكٸتٸلگەن. وسى بۇيرىقتا كٶرسەتٸلگەن وليمپيادالارعا قاتىسۋعا شاقىرامىن اتا-انالاردى. جەرگٸلٸكتٸ جەردە بولسىن, نە بولماسا رەسپۋبليكا بويىنشا وسىنداي اقىلى وليمپيادالار ٶتكٸزٸپ جاتقاندا كٷمەنمەن قاراۋلارىڭىزدى سۇرايمىن. ٶيتكەنٸ بۇل اتا-انانىڭ قۇزىرەتٸندە جەنە قاتىسۋ-قاتىسپاۋ وقۋشىنىڭ قۇزٸرەتٸندە. بٸز وعان تىيىم سالاتىنداي قۇقىمىز جوق», -دەيدٸ عاجدەمبەك تۇرسىنوۆ.
«ال وليمپيادا ٶتكٸزۋ قازٸرگٸ كەزدە بيزنەستٸڭ بٸر تٷرٸنە اينالىپ كەتكەن دەپ ويلامايسىز با?» دەگەن سۇراعىمىزعا ورتالىق ديرەكتورى ولاي ويلامايتىنىن ايتتى.
«سەبەبٸ قازٸرگٸ تاڭدا مينيسترلٸكتە بٸر ٷلكەن قۇجات دايىندالۋدا. جالپى وسى ٶتكٸزٸلٸپ جاتقان جەكەمەنشٸك وقۋ ورىندارىنىڭ, كومپانييالاردىڭ وليمپيادالارىن راستاۋ ٷشٸن باعالاۋ كريتەريي جاسالىپ جاتىر. جالپى بولاشاقتا سونداي رەەستر, تٸزبە بەكٸتٸلەتٸن بولادى دەپ ويلاپ وتىرمىز. ياعني كەز كەلگەن وسىنداي وليمپيادالاردى ٶتكٸزەتٸن كومپانييا وقۋ-اعارتۋ مينيسترلٸگٸ جانىنان قۇرىلعان كوميسسيياعا ٶزٸنٸڭ وليمپياداسى بويىنشا بەلگٸلەنگەن تالاپتارعا ساي قۇجاتتارىن ەزٸرلەيتٸن بولادى. سوسىن كوميسسييا ونى قاراستىرىپ, بۇنى ٶتكٸزۋگە رۇقسات بەرە مە, ەلدە جوق رۇقسات بەرمەي مە, شەشٸم شىعاراتىن بولادى. سول سەبەپتٸ 514 بۇيرىقتىڭ 2-شٸ قوسىمشاسىندا دا تالاپتار جازىلىپ تۇر. وسىنداي تالاپتار بويىنشا دا قۇجاتتاردى دايىنداپ, ارنايى كوميسسيياعا تاپسىرىپ, جالپى وسى وليمپيادانى رەسمي تٷردە ٶتكٸزۋگە مٷمكٸندٸگٸ بار. بٸراق بٸر عانا ۇسىنىس ول بالالارعا تەگٸن بولۋى كەرەك», -دەيدٸ ول.
ورتالىق كوممۋنيكاتسييالار قىزمەتٸندە ٶتكەن دٶڭگەلەك ٷستەل بارىسىندا بەلگٸلٸ بولعانداي 2024 جىلدىڭ قورىتىندىسى بويىنشا قازاقستاندىق وقۋشىلار 80 زيياتكەرلٸك ٸس-شاراعا قاتىستى. بارلىعى 1,5 ميلليوننان استام (40%) وقۋشى قامتىلدى.حالىقارالىق وليمپيادالارعا قاتىسقان ەربٸر ەكٸنشٸ قازاقستاندىق وقۋشى جٷلدەلٸ ورىنمەن ورالدى.
سونداي-اق پرەزيدەنتتٸڭ باستاماسىمەن 2022 جىلدان باستاپ حالىقارالىق پەندٸك وليمپيادا جەڭٸمپازدارى مەن ولاردىڭ ۇستازدارىنا اقشالاي سىياقى تاعايىندالدى. 2024 جىلى بۇل ماقساتقا 77,5 ملن تەڭگە بٶلٸنٸپ, 26 وقۋشى ماراپاتتالدى. سونىمەن قاتار 24 پەداگوگكە 6,4 ملن تەڭگە قارجىلاي سىياقى بەرٸلدٸ. وليمپيادانىڭ التىن جٷلدەگەرلەرٸ 1500 ايلىق ەسەپتٸك كٶرسەتكٸش (اەك), كٷمٸس مەدال يەگەرلەرٸ – 1000 اەك, ال قولا مەدال يەگەرلەرٸ 500 اەك كٶلەمٸندە سىياقى الدى.
بۇدان بٶلەك, حالىقارالىق وليمپيادالاردا جەڭٸسكە جەتكەن وقۋشىلار كەز كەلگەن قازاقستاندىق جوعارى وقۋ ورنىنا تٷسۋ مٷمكٸندٸگٸنە يە بولادى.
بالجان جەڭٸسقىزى
