وقۋلىق ەزٸرلەۋ مەن ونىڭ ساپاسىن ساراپتاۋعا قاتىساتىن ماماندار بٸلٸكتٸلٸك ارتتىرۋ كۋرستارىنان ٶتٸپ جاتىر, دەپ حابارلايدى "ۇلت اقپارات".
بٸلٸم جەنە عىلىم مينيسترلٸگٸنٸڭ باسپاسٶز قىزمەتٸنٸڭ حابارلاۋىنشا, ۆەدومستۆو حالىقارالىق كونسورتسيۋممەن بٸرلەسٸپ, وقۋلىق دايىنداۋعا قاتىسى بار ماماندارعا ارنايى ترەنينگتەر ۇيىمداستىرعان. وسىلايشا وتاندىق ماماندار وقۋلىق ەزٸرلەۋ مەن ساراپتاۋدىڭ حالىقارالىق تەجٸريبەسٸمەن تانىسۋعا مٷمكٸندٸك الىپ وتىر. مينيسترلٸك بۇل بولاشاقتا ەلدەگٸ وقۋلىقتاردى تەكسەرۋ تەسٸلٸن جەتٸلدٸرۋگە ىقپال ەتەدٸ دەپ ٷمٸتتەنٸپ وتىر.
بٷگٸنگە دەيٸن رەسپۋبليكالىق عىلىمي-پراكتيكالىق بٸلٸم مازمۇنىن ساراپتاۋ ورتالىعىنىڭ 40 جەتەكشٸ ساراپشىسى اتالعان كۋرستان ٶتٸپتٸ.
«وقۋلىقتار وقۋشىلار مەن اتا-انالاردىڭ سۇرانىستارىنا لايىق بولۋى كەرەك. سوندىقتان قازاقستاندىق وقۋلىقتارعا قاتىستى شاعىمدار سانىن ازايتۋ ٷشٸن جوسپارلى جۇمىس جٷرگٸزە بەرەمٸز. وقىتۋ بارىسىندا قازاقستاندىق جەنە شەتەلدٸك جاتتىقتىرۋشىلار ٶز تەجٸريبەلەرٸمەن بٶلٸسٸپ, ساراپشىلاردى مەكتەپ وقۋلىقتارىن باعالاۋ ەدٸستەمەسٸن پراكتيكادا قولدانۋدى ٷيرەتەدٸ» – دەيدٸ بٸلٸم مازمۇنىن ساراپتاۋ رەسپۋبليكالىق عىلىمي-پراكتيكالىق ورتالىعى ديرەكتورىنىڭ ورىنباسارى مەنشٷك مۇقامەتقالي.
ونىڭ ايتۋنىشا, كۋرستا وقۋلىق ساراپشىلارى اۆتورلارعا قويىلاتىن جاڭارتىلعان تالاپتارمەن, بارلىق مەكتەپ پەندەرٸ بويىنشا وقۋلىقتاردى باعالاۋ ەدٸستەمەسٸ مەن كريتەرييلەرٸمەن تانىسىپ, باسقا ەلدەردٸڭ ەلەكتروندىق وقۋلىقتاردى ساراپتاۋ تەجٸريبەسٸ تالداۋ ارقىلى بٸلٸكتٸلٸكتەرٸن ارتتىرادى.
