Oqýlyq ázirleý men onyń sapasyn saraptaýǵa qatysatyn mamandar biliktilik arttyrý kýrstarynan ótip jatyr, dep habarlaidy "Ult aqparat".
Bilim jáne ǵylym ministrliginiń baspasóz qyzmetiniń habarlaýynsha, vedomstvo halyqaralyq konsortsiýmmen birlesip, oqýlyq daiyndaýǵa qatysy bar mamandarǵa arnaiy treningter uiymdastyrǵan. Osylaisha otandyq mamandar oqýlyq ázirleý men saraptaýdyń halyqaralyq tájiribesimen tanysýǵa múmkindik alyp otyr. Ministrlik bul bolashaqta eldegi oqýlyqtardy tekserý tásilin jetildirýge yqpal etedi dep úmittenip otyr.
Búginge deiin Respýblikalyq ǵylymi-praktikalyq bilim mazmunyn saraptaý ortalyǵynyń 40 jetekshi sarapshysy atalǵan kýrstan ótipti.
«Oqýlyqtar oqýshylar men ata-analardyń suranystaryna laiyq bolýy kerek. Sondyqtan qazaqstandyq oqýlyqtarǵa qatysty shaǵymdar sanyn azaitý úshin josparly jumys júrgize beremiz. Oqytý barysynda qazaqstandyq jáne sheteldik jattyqtyrýshylar óz tájiribelerimen bólisip, sarapshylardy mektep oqýlyqtaryn baǵalaý ádistemesin praktikada qoldanýdy úiretedi» – deidi Bilim mazmunyn saraptaý respýblikalyq ǵylymi-praktikalyq ortalyǵy direktorynyń orynbasary Mánshúk Muqametqali.
Onyń aitýnysha, kýrsta oqýlyq sarapshylary avtorlarǵa qoiylatyn jańartylǵan talaptarmen, barlyq mektep pánderi boiynsha oqýlyqtardy baǵalaý ádistemesi men kriteriilerimen tanysyp, basqa elderdiń elektrondyq oqýlyqtardy saraptaý tájiribesi taldaý arqyly biliktilikterin arttyrady.
