اقتٶبە وبلىسىندا 9-سىنىپ وقۋشىسى وقۋ جىلىنىڭ العاشقى كٷنٸندە كٶز جۇمدى. اۋىل مەكتەبٸنٸڭ 18 وقۋشىسىنان جاۋاپ الىنىپ, 2 ادام كٷدٸكتٸ رەتٸندە قامالدى.
پوليتسييا دەپارتامەنتٸنٸڭ دەرەگٸنشە, جاسٶسپٸرٸمدەر اراسىنداعى تٶبەلەس 2 قىركٷيەك كٷنٸ تٷندە اقتٶبە وبلىسى تەمٸر اۋدانى قوپا اۋىلىندا تٸركەلدٸ.
تٶبەلەستەن كەيٸن جان تاپسىرعان وقۋشى قازان ايىندا 15 جاسقا تولۋى كەرەك ەدٸ. مارقۇمنىڭ تۋىستارى ەزٸرگە ەشقانداي پٸكٸر بٸلدٸرە المايتىنىن, تەرگەۋ امالدارىنىڭ نەتيجەسٸن كٷتەتٸنٸن ايتتى. تەمٸر اۋدانى ەكٸمدٸگٸنٸڭ ايتۋىنشا, جانجالدىڭ نەدەن شىققانى ەزٸرگە بەلگٸسٸز. وقيعادان كەيٸن 18 بالانىڭ اۋداندىق پوليتسييا بٶلٸمٸنە جەتكٸزٸلگەنٸ بەلگٸلٸ بولدى.
"جاسٶسپٸرٸمدەر اراسىندا بٸر-بٸرٸمەن كەلٸسپەۋشٸلٸك بولدى. مەن-جاي تەرگەۋ كەزٸندە انىقتالادى. كەشە اتا-انالارىمەن بٸرگە 18 بالانى مەكتەپ اۆتوبۋسىمەن اۋداندىق پوليتسييا بٶلٸمشەسٸنە الىپ كەلدٸك. قازٸر ەرقايسىسىنان جاۋاپ الىپ جاتىر. قالاي بولعانى ەزٸرگە بەلگٸسٸز. ول جەردٸڭ بالالارىنىڭ بەرٸ تاتۋ, الدىڭعى قاتارداعى اۋىل ەدٸ. بالالاردىڭ بەرٸ سپورتقا جاقىن, ۆولەيبول, فۋتبول, تەننيس ويىندارىنا بەلسەنە قاتىساتىن", – دەدٸ تەمٸر اۋدانى ەكٸمٸنٸڭ ورىنباسارى قايرات نۇرالى.
اقتٶبە وبلىستىق بٸلٸم باسقارماسى وقىس وقيعادان كەيٸن زەردەلەۋ جۇمىستارىنىڭ كٷشەيگەنٸن حابارلايدى.
"تەمٸر اۋدانى, قوپا اۋىلىندا كەمەلەتكە تولماعان وقۋشىلار اراسىندا تٶبەلەس بولىپ, 9-سىنىپ وقۋشىسى وقيعا ورنىندا كٶز جۇمدى. وقىس وقيعا بويىنشا قوپا اۋىلىنا بٸلٸم باسقارماسى باسشىسىنىڭ ورىنباسارى جەتەكشٸلٸگٸمەن جۇمىس توبى جەتٸپ, زەردەلەۋ جۇمىسىن جٷرگٸزٸپ جاتىر. جۇمىس توبىنىڭ قۇرامىندا اقتٶبە وبلىسى بويىنشا بالا قۇقىقتارى جٶنٸندەگٸ ۋەكٸل دە بار. سونداي-اق اتالعان مەسەلەگە قاتىستى قىلمىستىق ٸس قوزعالىپ, تەرگەۋ امالدارى باستالدى", – دەپ حابارلايدى بٸلٸم باسقارماسى.
اقتٶبە وبلىستىق پد وقيعادان كەيٸن قىلمىستىق ٸستٸڭ قوزعالعانىن جەنە ەكٸ كٷدٸكتٸنٸڭ قاماۋعا الىنعانىن جەتكٸزدٸ.
"كەمەلەتكە تولماعان بالانىڭ قايتىس بولۋ فاكتٸسٸ بويىنشا تەمٸر اۋدانى پوليتسييا بٶلٸمٸمەن قىلمىستىق ٸس قوزعالدى. جانجالدىڭ بارلىق قاتىسۋشىلارى انىقتالىپ, پوليتسيياعا جەتكٸزٸلدٸ. ەكٸ كٷدٸكتٸ ٷستالدى. تەرگەۋ ەرەكەتتەرٸ جٷرگٸزٸلدٸ. ٶزگە دە اقپارات تەرگەۋ مٷددەسٸ ٷشٸن جارييالانبايدى", – دەدٸ وبلىستىق پوليتسييا دەپارتامەنتٸنٸڭ باسپاسٶز قىزمەتٸ.
